Isang buwan pa ang mabilis na lumipas at nasa airport si Knight at Lemon. Hinahatid nila ang mag-anak nina Matthew. Ngayon lang din natuloy ang bisita ng mga ito sa mga magulang.
"Ayaw ninyo talagang sumama? Lemon sure naman ng magugustuhan ka ni daddy para dito kay kabalyero. Kaya wag kang mag-alala. Sagot ka namin." Wika ni Matthew sabay iling ni Lemon.
"Hindi na po muna Kuya Matthew. Kung dadalaw naman po sila dito sa Pilipinas. Saka na lang po ako magpapakilala. Sa totoo nahihiya po ako sa inyo. Nahihiya ako kasi alam naman po ninyo ang lahat ng pinagdaanan ko. Higit sa lahat ang huli kong trabaho." Ani Lemon ng maramdaman niya ang yakap ni Knight.
"Iyan ka na naman. Di ba sinabi ko sayong wag mong maliitin ang sarili mo. Mahal kita, at mahal din ng pamilya ko ang babaeng mahal ko."
