3RD PERSON POV
LUMIPAS ang ilang araw matapos matanggap niya ang simple pero napakahalagang regalo ni Cain para sa kanilang baby. Iniuwi niya ang bulaklak na iyon at inilagay sa isang vase para di agad malanta. Natutuwa rin siya pagnakikita iyon. Kahit hindi pa niya kayang kausapin hanggang ngayon ang ama ng baby niya, ay hindi naman ito tumitigil sa pag gawa ng paraan para mapalambot ang kanyang puso.
Lagi pa rin itong nagpapadala ng bulaklak, pagkain at kung ano - ano pa sa kanya araw-araw. Daig pa niya ang babaeng nililigawan dahil sa nangyayari. Itago man niya pero nakakaramdam din naman siya ng kilig dahil sa paraan ng pagsuyo nito sa kanya. Sa hapon at umaga ay wala din itong palya sa pangungulit sa kanya. Pag umaga, kailangan pa niyang taguan ito dahil lagi itong naghihintay sa
