Mahigit isang buwan na rin ang nakakalipas mula ng huling nagkausap sina Facu at Aloha. Gustuhin man niyang puntahan muli si Aloha, hindi na rin naman niya magawang iwan si Claudia. Labis siyang nag-aalala dito ganoon din sa pamangkin niya. Naging matamlayin din si Dia mula ng dinala niya sa bahay nina Rico ang annulment paper ng dalawa. Na nasisiguro naman niyang hindi pipirmahan ni Rico.
Ilang beses pa niyang kinulit si Claudia na umuwi na sa bahay ng mga ito. Kaya lang palagi na lang itong nagbabanta na aalis at hindi na magpapakita pa. Mas naalarma siya sa sinabi nito. Kaya minabuti na lang niyang nasa poder niya ito, kaysa umalis itong walang nakakaalam kung saan ito pupunta.
Kadarating lang ni Facu galing farm. Nakita pa niya sina Ale at Sol na nag-aalis ng ilang ligaw na damo sa h
