# بنات الزمن ده

بنات الزمن ده 7

#بنات_الزمن_ده_7

يس قرب علي لينا وبدا يمسح دموعها

خلاص ماتبكي ..انا كمان اسف ..انا اصلا مامفروض اتكلم معاك بالاسلوب ده .مهما كان انتي مديرتي وانا ...

لينا : شششششش ماتقول كده ..الاحترام بيمثل شخصيه الزول مين ماكان ...

يس ابتسم وقال : ده كلامي ..هه كان يوم عجيب (ده اول يوم يجي يقدم للوظيفه قال ليها كده??)

لينا : يس ممكن طلب ؟؟

يس : اتفضلي

لينا : ممكن تحضني ؟ (نو كومنت?? ناقصه حنان ياجماعه ياخ خلوها ??)

يس ماعرف يقول ليها شنو بس حساها م**وره بجد قام حضنها عليهو وفضل ساكت ..اما لينا كانت بتبكي ب**ت وفافله خشمها عشان ماتقول كلام تندم عليه بعدين ...??

مسحت دموعها وزحت منو وقامت من الارض سريع وبدت تلم في الملفات الواقعه في

الارض ..

.يس ساعدها وهو مستغرب فيها كيف كده بقت تتعامل زي الناس العاديين من غير تكبر ولا غرور ..

لمو الحاجات وهي اعتزرت مره تانيه ودخلت مكتبها وقعدت تبكي من جديد ...

بعد ساعه يس جاها في المكتب وشايل لابتوبو معاه ..لينا طوالي مسحت دموعها وابتسمت ليه ..مشي عليها وخت اللابتوب في الطربيزه وجاب كرسي وقعد جنبها وبقي يوريها في الحاجات الاشتغلها وهي بتمشيه بس لانها ما قادره تركز اصلا ..كانت طول الوقت بتأنب نفسها على القرار الغ*ي الاخدتو ..بس هي لازم تبعد منو بأي طريقه ..لازم تنساه جاتها فكره انها تاخد اجازه وماتجي الشركه عسى تقدر تنساه في الفتره دي ..

يس : وبس ده كل شئ موافقه عليه ولا اعدلو؟؟

لينا : لا ممتاز خليه كده ..رسلو زي ماهو

يس : طيب ?...وطلع من المكتب

لينا جاها تلفون وكانت الاء ..

الاء : البت المجنونه والمفتريه✋?

لينا : ههه ليه بس (ضحكه صفراء???)

الاء : لوايه ياعفنه ..المهم انتي كيفك؟؟

لينا : كويسه والله ?

الاء : اها قولي لي كديستك رقدت ولا لسه?

لينا : حتخربشك لو بقيتي تتكلمي.. سريع خلصي عايزه شنو؟؟

الاء : دمك محروق شديد كده مالك يابت?

لينا : الاااء ؟؟؟!!!

الاء : خلاص ياخ ماحقول شئ تاني ...بس كان عندي قصه كده عايزه احكيها ليك ?❤

لينا فهمت طبعا انها عايزه تحكي ليها عن يس ..قالت : اها خير ؟!

الاء: شكلي كده بديت احب يالنوو??

لينا: ومين تعيس الحظ?

الاء : سكرتيرك ..يس ?❤

لينا اللحظه دي حست بطعنه في قلبها ودموعها نزلت بس حاولت تتماسك قدام صحبتها ..وقالت : هاااا والله كويس ياخ (????)

الاء : دي شنو رده الفعل الميته دي ؟! افتكرتك حتصرخي فيني عشان انتي مابيعجبك يس ..استغربت فيك صراحه ..انتي متأكده انك كويسه؟؟

لينا : قلت ليك كويسه يالينا بتعيدي الكلام ليه؟؟!! بعدين حكون مالي،؟؟ انا ماقلت ليك هو كعب ..قلت ليك مامستواك بس ✋?

الاء : انتي عارفه اني مابفكر بالطريقه دي ..وبعدين انتي ليه معصبه هسي ؟؟ كل ده عشان شنو ؟ والله بقيت ماقادره افهمك يا لينا ..

لينا : الاء تفهمي شنو اذا اصلا مافي شئ عشان يتفهم ..؟ ماتتوهمي وتفكري في حاجات ماحاصله عليك الله✋?

الاء : تمام ..غلطانه انا البحكي ليك ..بجد انا الغلطانه ...وطق قفلت الخط في وشها ..

الاء طوالي اتصلت لياسين وهي بتبكي واول جمله قالتها ليه كانت الصدمه ...