# بنات الزمن ده

بنات الزمن ده 8

ηø√℮ł⚡️᎗̈ɹȊ᎗̤ɹȊgȷ:

سبحان الله _ الحمدلله ❤️

#بنات_الزمن_ده_8

الاء اتصلت لياسين وهي منهاره تماما وماقادره تكمل جمله علي بعضها? ..

الاء : يااسسين انااا انااا ...(بكت) انا (تاني بكت ?)

يس : بسم الله يابت مالك ؟؟ هسي مش كنتي كويسه في شنو ؟؟

الاء : انا عايزه اشوفك ضروري لازم اشوفك ?

يس : بس يا الاء انا..

الاء بأن**ار : يس ارجوك ..ضروري?

يس : طيب ..ححاول ..

الاء : منتظراك في....

يس : طيب ..ان شاء الله

وقغل الخط ...ومشي للمهمه الاكبر ..انو كيف يقنع لينا تديهو اذن يطلع ولسه ماخلص شغلو لا دوامو خلص ? ...مشى لمكتبها ودخل بعد استأذن ووقف وماقدر يقول شئ ? ..

لينا : في شنو ؟

يس : صراحه انا اسف لكن انا مضطر امشي هسي ..انا ماخلصت شغلي لسه بس بوعدك حخلصو بكره كلو بس والله الموضوع ضروري و..

لينا: طيب ☺ (اجييي ? سبحان الله يهدي من يشاء??)

يس مصدوم : ش شنو؟؟ يعني امشي عادي ؟؟?

لينا: اي ☺

يس : شكرا ❤

لينا ابتسمت وماقالت شئ ..نزلت راسها على الملفات القصادها وبقت تقلب فيهم بتوتر .. يس كان بعاين فيها ومستغرب ..جاه احساس يمشي يشوفها مالا ..حساها ماطبيعيه (على اساس كانت طبيعيه قبل كده?) ..بس ماعمل شئ وطلع طوالي وده القهر لينا اكتر ..

كانت حاسه انو ماشي لي الاء ..بس ماكان في يدها شئ ..هي ماعايزاه يكرهها ع الاقل ...وهي فعلا عايزه تتغير من جواها .. حاولت تكون لطيفه قدر المستطاع ..(العافيه درجات ?)..

يس طلع من الشركه واقرب مواصلات ركبها ووصل المطعم ودخل لقى الاء منتظراه وكانت بتبكي !!!

يس : الاء !! في شنو ؟؟ ممكن تفهميني ؟؟؟

الاء: انا بكره لينا ..بكرهها?

يس: كيف ؟؟ في شنو ؟الاء انتي جنيتي ؟؟ دي صحبتك كيف تقولي عليها كده؟؟

الاء : صحبتي عمرها ماحست بي ..عمرها ماكانت بتمشي غير كلامها هي ..شايفه نفسها الكل في الكل ..انا تعبت..انا انسانه وبحس ..من حقي يكون عندي علاقه مع ناس طبيعيين ..بس لينا عمرها ماكانت طبيعيه ..كل شويه بمزاج غير ..متسلطه ومغروره ومتكبره ..وبتلعب بالناس وماعندها اسلوب و...

يس : بسسسس اسكتي اسكتي ..انتي كيف قدرتي تقولي الكلام ده ؟؟ انتي اكيد ماطبيعيه اكيد مافي وعييك ..الاء انا منو عشان تحكي لي عن صحبتك ؟ مهما كان حاصل بينكم ماتقولي كده ..انتو اخوات..

الاء: عمرنا ما كنا اخوات ..انت مافاهم شئ ..لينا بتحب تكون مركز الكون ..بتحب كل الاضواء تكون مسلطه عليها ..وحريقه في الباقيين? يس انا اكتر وحده عارفاها ...انا استحملت كتير ...نحنا مختلفين في كل شئ..مابنتفق في ولا شئ ..وعلاقتنا دي بتستنزف كل طاقتي وانا من حقي اكون مرتاحه ..انت فاهمني؟؟

يس : ممكن افهم حصل شنو لي ده كلو ؟؟ انتي بتحكمي عليها على اي اساس ؟؟ عشان مثلا شاكلتك وقالت ليك كلام حار ؟؟ ولا مثلا عشان كان اسلوبها معاك بايخ وكعب ؟؟ اسوء شئ ممكن يحصل شنو؟ افترضي عملت ليك اكعب حاجه في الدنيا ..اها تنسي كل الفات والحاجات العملتها عشان غلطه ؟؟ لو عملتي كده يا الاء يبقي من الاول انتو ماكنتو اصحاب ولا شئ ..العلاقات الهشه دي اخير عدمها ..✋?

الاء : والله انت بتتكلم وانت ماعايش الحاله فطبيعي تقول كلامك ده ..لكن لو كنت مكاني اكيد حتغيير رايك ..

يس : تأكدي مستحيل افكر اتخلي عن صحبي عشان هو مره غلط معاي ..شفتي لو قتلني ..انا ماحتخلي عنو ..بغض النظر هو شايف صداقتنا دي كيف ..بس طالما انا بحبو مستحيل اتخلي عنو مهما عمل ...هسي انتي معصبه وطبيعي تقولي كلامك ده بس ادي نفسك فرصه وماتاخدي قرار تندمي عليه طول حياتك ..

الاء : انا اخدت قراري ..انا حقطع علاقتي معاها خلاص كفايه الم وعزاب كفااايه ..

يس : طيب هي عملت ليك شنو ؟؟

الاء سكتت شويه وقالت : الموضوع بس تراكمات ..ودايما انا كنت بمشي وبنسي ..بس هسي وجعتني حركتها وجعتني جداا..انا جايه احكي ليها موضوع وانا مبسوطه شديد ..ببساطه اختصرتني وردت على رد كان اخير تسكت من تقولو ...انا ياياسين بهتم بأقل تفصيل في حياتها ..بس هي حتي اموري الكبيره مابتهمها ..بحسها شايفاني السكرتيره حقتها بتجيني بس عشان تحكي لي انجازاتها في **ر القلوب ✋?

يس : الاء روقي ..كل شئ بيتحل صدقيني ..

الاء : انا ماعايزه حلول ..انا عايزه ارتاااااح افهمني ارجووك ..

يس : طيب ...الانتي عايزاه حيكون .. خلينا نمشي ..

الاء : يلا ..

وطلعو واي واحد مشي بيتو ..

( انا ماحعلق في موضوع الصداقه ده لانو اي زول حالتو براه وشخصيتو غير وتفكيرو وفهمو للصداقه غير ..فعلى تجاربكم اكتبو الكلام التشوفوه مناسب ?❤ )

لينا طلعت من الشركه ومشت بيتها وقرارها بانها تتغير شاغل كل تفكيرها ..

مشت غيرت وجات لامها وابوها الكانو في غرفتهم ..(شوكه حوت ..ماتخلي الناس في حالها ياااخ???)

..كان ابوها وامها راقدين في السرير قامت رقدت بينهم وغمضت عيونها واتغطت (اجيي ???)..

نهي : اهااا مالك يابت ? قومي من هنا عايزين ننوم نحنا ..بعدين انتي الجابك بدري شنو ؟؟?

مالك : خلييهاا ياخ مالك عليها ..نومي حبيبتي

..وباسها في راسها ( حنان الاب ❤)

نهي : ايوواا البت وابوها اتفقتو على ...كويس يامالك بعدين ماتجي تحنسني طيب ?

مالك: هههههه معقوله بس انتي الخير والبركه يااخ ..حبيبه قسااي الحنينه ❤

نهي قعدت تتخجل وتضحك سااي ...ولينا الدموع نازله من عيونها وقلبها واجعها شديد ..

مالك : لينا!!! انتي بتبكي؟؟ في شنو يابت ؟؟

نهي : ليناا؟؟؟ (عرفتها حتكون بتبكي بسبب يس )

لينا: بابا ماما ..انا كعبه .؟؟؟

نهي : بسم الله يابتي القال كده منو ؟؟ حااشااك والله

مالك : الحصل شنو يالينا ؟ ليه بتقولي كده ؟؟

لينا وبقت تبكي باعلي صوت : طيب ليه كلهم بيكرهوني ..ليه ماف زول بيحبني ?. ليه كل الناس بتخاف مني ؟؟؟ عشان انا حازمه شويه؟؟ انا ماف زول بيفهمني ابداا ..ماف زول عارف انا بحس بشنو وجواي شنو ..انا عمري ما اتمنيت الشر لي زول ..بس انا كل الحكايه اني ...(وزادت في البكا اكتر ...)

نهي : يس هو السبب صح ؟؟

مالك : الفقر عمرو ماكان عيب يالينا ..

لينا : بابا انت كيف ...؟؟؟

نهي : انا حكيت ليه ..

مالك : لينا ..انتي عارفه ليه الناس بيفهموك غلط ؟؟ لانك مابتظهري ليهم روحك الحقيقيه ..دايما متخبيه ورا قناع القوه والسلطه والحزم ..ماف زول بيحب التعامل الناشف يابتي ..لو انتي بتظهري ليهم روحك الطيبه كان كل الناس حبتك من غير شك ..بعدين المابيحبوك ديل هم اصلا مابيعرفوك ..لانو ماف زول بيعرف حقيقتك وبيكرهك ابدا...

لينا : بس انا مابقدر اظهر حقيقتي الا ليكم ..انتو الوحيدين البتفهموني صح ..اما البقيه مابيشوفو روحي وحقيقتي ..بيتقربو مني لسببين ..يا اما قروشي ..او شكلي ..مرات كتير بكره نفسي علي الطريقه البعامل بيها الناس ..بس مابيدي ..مابقدر اكون لطيفه كده مع اي حد .انا ماعارفه نواياهم ??

مالك : ماتبكي خلاص اهدي كل شئ ليه حل ?

لينا : الا مشكلتي يابابا ..?

وقعدت تحكي ليهم كل الحصل ..معاملتها السيئه لياسين ..حب الاء ليه وانجزاب يس ليها (لي الاء طبعا ) وعن قرارها بطردو الماقدرت تنفذو حتي ..واخر شئ قرارها بأنها تاخد اجازه ترتاح فيها وتنساه ..(ذلك حلم ..مدااه السمااء ?)

ابوها وامها ايدوها في موضوع اجازتها ده وقعدو يتكلمو معاها كتيير وينصحوها لحد مانامو التلاته سوا بكل حب (الاسره الصغيره المتماسكه ❤)

يس رجع البيت وقعد مع اهلو شويه وطلع على غرفتو يرتاح ..رقد في سريرو ووصلتو مسج في الواتساب ..فتحها وكان ..

بالمساء :

يس طلع غرفتو يرتاح ..رقد في سريرو وجاتو رساله في الواتساب فتح الرساله وكانت من الاء قالت فيها : ياسين ..شكرا لانك جيت وسمعتني .. ارتحت جدا لما حكيت ليك .. شكرا من قلبي ..❤

يس : العفو ياخ انا ماعملت شئ ..ده الواجب ?

الاء جاها احساس انها لازم تكلمو بمشاعرها ..بس هي خايفه من رده فعلو ..خايفه تخسر صداقتو وخايفه يفهمها غلط ..بالاخير ماسهل انو البت هي التصرح بمشاعرها في الاول في مجتمعنا الشرقي ده??(عولااق في عولاق?)

الاء بقت تكتب وتمسح ويس احتار زاتو مافهمها مالا قام رسل ليها : عايزه تقولي شنو? لو كنتي بتكتبي مقال كان خلصتي ???

الاء : ههههههه غياظ??

يس : مالك طيب ؟؟

الاء استجمعت قواها وقالت خلاص حتكلمو واليحصل يحصل ✋? ..

الاء : يس انا ماعارفه انت حتفكر فيني كيف بعد الكلام الحقولو ليك ده..وانا ماعارفه رده فعلك ..بس انا ماعايزه اوجع قلبي اكتر من كده. وكمان ماعايزه اتوهم واحلل تصرفاتك معاي بطريقه غلط .. انا عايزه ارتاح ومهما كان ردك انا ححترمو جداا ..بس عايزاك تتزكر كلامي ده كويس ..

يس : طيب..قولي

الاء : انا بحبك ..

يس اول ماقرا الرساله انصدم ..هو كان بيحس بأهتمام الاء بس ما اتخيلها بتحبو فعلا ..ماعرف يقول ليها شنو ..اتوتر شديد قام قفل التلفون ومرق من البيت على طول ...

الاء لما شافتو مارد وطلع من الواتس حستو انو ماقبل ..قعدت تبكي لمن الله غفر ليها ...بعد شويه تلفونها رن ...

يس : انتي بيتكم الابيض العلى الناصيه ده ؟؟ بتزكر وريتيني كان صح؟؟

الاء : ش شنو ؟؟ بيتنا ياتو ؟؟? انت وين ؟؟

يس : انزلي ياهبله انا تحت ??

الاء بتبكي وبتضحك : حاضر ???

جرت لبست لبست توب ونزلت برااحه تحت ..اول ماطلعت من البيت يس جراها من يدها ومشو شارع تاني مضلم كده وضيق?(ماتفهمو غلط ياجماعه?..عيب منكم الكلام ده??)

الاء بخوف : يس ليه جبتني هنا .الشارع ده مخيف ..كلو كلاب انا بخاف منهم شديد?

يس ابتسم وقال : تخافي وانا موجود ؟؟ جبتك هنا عشان ماف زول يشوفك معاي ويقعدو يتكلمو فيك ..

الاء بعدم فهم : اانت ..قريت رسالتي وما رديت .. انا اسفه لو ضايقتك ..اسفه?

يس : شششش ياهبله انتي ..قولي لي انا ممكن القي احسن منك وين بس ؟؟ انتي صحبتي يااخ ..ودكتورتي ..انتي تستاهلي كل الخير ❤ ..شوفي انا ماحقعد اتغزل فيك واعمل الحركات البيعملوها الاولاد دي بس انا حقول ليك حاجه وحده ...انا ماحقول ليك اني هسي ميت في غرامك وكده ..لسه مالحقت اصل الحته دي ..بس انا مابنكر اني انجزبت ليك ..وانك عاجباني ..بس