Sa loob ng mansyon, halos magkandataranta ang mga staff at event coordinators. Nagkakagulo sa likod ng stage habang sinusubukang ayusin ang program flow ng gabing iyon. Mula sa isang sulok, galit na kausap ng isang coordinator ang nasa kabilang linya ng telepono.
“Ano’ng ibig mong sabihin hindi siya makakarating? Last-minute ‘to! Alam mo bang personal na inimbita ni Don Alijandro ang singer na ‘yan?” aniya, pilit tinataasan ang boses para marinig sa gitna ng background music.
Lumapit ang isa pang organizer, namumutla. “Ma’am, tumawag na rin ang manager. May emergency daw sa pamilya ng artist. Hindi talaga siya makakaalis ng ospital.”
“My God…” napapikit ang head coordinator habang pinupunas ang pawis sa sentido. “Ano na’ng gagawin natin? Highlight siya ng gabi! Inanunsyo pa sa mga bisit
