نظرات جريئة ٥ و ٦

3276 Words

5 و 6 مجاوبت ومشيت بسرعه كلبي يسابق خطواتي اول مره هيج واحد يباوعلي احس خطوات ورايه مااعرف هو او لا بس ماللتفتت بقيت خايفه الى ان وصلت للبيت فتحت الباب بالمفتاح وايدي ترجف على كم مره وكع مني المفتاح وادنك اخذه واحاول افتحه بيدي الترجف اخر شي فتحته وطبيت بسرعه ووكفت وره الباب لسه احس نظراته تتفحصني قفلت الباب وطبيت ركض واتعثر وهم رجعت قفلت البوب الجوه وبقيت افكر اني وحدي بالبيت خاف يجي يجفت عليه واني وحيده وهذا شكله مو راحه .. كعدت بالكاع يم باب المطبخ اجر النفس احاول اهدأ وافكر هذا بس لااتبعني شووون بعد دقايق كمت شربت مي ورحت بدلت ملابسي رجعت للمطبخ و على الشغلات الي اسوكتهن .. اخذت علاليك المسواك وسفطتهن وسويت الي لكمه اكلهه للغدا طلعت للقفص صار يومين بعدهن جثث ضحايا لولو اخخخ يالولو واخخ ياحسام .. تشكلت ونضفت القفص من الطيور الميته وبقايا الريش والبيض الم**ر وسديت الثغره الي طب منهه البزون حفاظا على حياة ماتبقى منهم على قيد الحياة لايجي حسام وتزيد القهره مالته .. خلصت وطبيت للبيت .. صار الظهر صليت وتغديت شربت جاي وافكر يربي شلون شلون يله شيريد يسوي حسام والبزون هو خلي يروح يجيبه .. مر الوقت عادي .. اللتهيت مثل كل يوم بالبيت انضف واخيط واغفه شويه واكعد نسيت الهبطه مال الصبح واللتهيت عنها لشويه دك تليفوني خفت يمكن هذا حسام ياا شراح اكله اكيد يسألني عن جهاله الطيور ولولو رحت للتليفون اخذته رقم هناء مرت اخويه ظليت اهف بيدي تهي بهي والله بطرانه عود هم عدي رجال. ويسأل عني لو اظل سنه ميسأل رفعته الوو هلا ام علاوي شلونج اخبارج هلا والله زهوره انت شونج بخير نحمد الله امي شونها يابه شدعوه عليج ماتسألين امج نهارهه كله اسمج ميوكع من ل**نهه وانت ولا كأنما دسألي خابري كولي امي خطيه اي والله اني مقصره حييل انطينياهه احاجيهه يمعوده تره محد هسه ماخله نت بس انتي ظاله على هالتليفون اي والله هسه سدينه الدين وان شاءالله نخلي نت واظل احاجيكم اي عيني هاج هي خالتي وياج كبل لاينكطع لان رصيد مابي هواي لمجرد سمعت صوت امي گلتلي هاا يمه زهوره اريد اجاوبهه انكطع الخط يمكن خلص الرصيد صحت الو الو ماكو انسد واني ماعندي رصيد ظليت رايحه جايه الوب وصوت امي يشهگ باسمي **ر قلبي عليها لازم اطلع اجيب رصيد بس خايفه من هذا ابو عيون يلا هو شراح يسويلي هياته المحل هنا بالفرع اشتري وارجع قابل اني وين رايحه رحت للغرفه فتحت الدولاب جريت عباية راس وشال وياهه وطلعت وقفلت البوب لفيت العبايه عدل ونزلتها ع وجهي حتى لايشوفني ذاك امشي واتلفت خاف اشوفه بس الحمدلله وصلت للمحل ومشفته واني ادخل حجيت بنفسي هسه شيريد يسويلي يولي هي من نظرات خفت يمكن هو هيج يباوع دخلت واشتريت رصيد وطلعت ورفعت العبايه هم ومشفته بعد حمدلله خو ميلزملي الدرب .. هسه هو شنو سوه واني هيج خفت مشيت براحتي ووصلت للبيت وطبيت .. عبيت الرصيد ودكيت على هناء جاوبت وانطت التليفون لامي ... الو هاا يمه شونج والله ميته على شوفتج بعد عمري زهراء ولج عيوني راح تعمه عليج هي الي سنتين ماشايفتج خاف اروح الدار حقي واني مشايفتج اسم الله عليج ماما لتكولين هيج فدوه عسى هاليوم مايجي لااشوفه ولااسمع خبره بس كوليلي شلونج عايشه يابنيتي الحمدلله ناقصني شوفت عيونج جاي الح على اخوج يجيبني الج لان ادري برجل مايجيبج اليه يبعد عيني يمه والله المفروض اني اجيج واشوفج واخليج على راسي سامحيني عفيه راح اقنعه للحسام بلكي يجيبني الج وحقج عليه سامحيني هالفتره كولش اللتهيت بالبيت والشغل الميخلص والدين وقصرت وياج اني ضامتلج ضامتلج لتشيلين هم بس خلي اشوفج ماما اني اشتغل وعندي زبائن ومعاميل لتشيليلي هم وهم ماابذر مكضيه ان شاءالله خلي فلوسج الج اسكتي سكتي ايام واجي اشوفج هههه ماشي سكتت لتشيلين همي مااصار عندج شي ماحملتي ماراجعتي طبيبه شي لا ماما ماكو شي بقت يم الله الله يهديلج هالقنفذ هههههه ليش قنفذ ماما ولج وجهه محفر عبالك شوك مال قنفذ ههههههه ميخالف يمه اسمه رجال شوف العوبه تضحك لعد شسوي من فديت سوالفج الحلوه مشتاقتلهه بس شجاب القنفذ على الحفر الي بوجه حسام اني اشبه بالقنفذ انت شكوو -هههههه بقيت احجي وياهه ميته عليهه تكولي سكتي ادري بيهه ضامتلي فلوس من راتب ابويه الي تستلمه بس متريد هناء تسمع لحتى لاتضوج تدري بنفسها حامضه من سديته منهه حسيت على نفسي شبسرعه صار سنتين من طلعنه مناك اخذ مني عمر بدون مااحس سنتين مو شويه بعيده على امي سوده عليه ماما ... مر الوقت وصار الليل وظلمت الدنيا واني وحدي اليوم يختلف عن كل الايام .. وعيون الولد احسها تلاحكني وافكر بحسام شراح يسوي اذا عرف بالطيور نصهم اكلهم لولو ولولو هم ماكو وهسه يظل يحجي عليه نوب بدل الصدمه صدمتين الطيور انأكلت ولولو انهزم واني بين ناريين .. بالليل كلش خفت خليت راسي ع المخده وعيونه احسها بعيوني ومقابيل نظري صرت اتقلب على الفراش مية فكره اجت في بالي لاول مره احتاج الحسام يمي اريد احس بالامان احس خايفه وبعد معاناة وعلى اقل صوت افز .. نمـــت وبعالم الرؤيا شفت نفسي واكفه واحد حاضني واني مخليه راسي ع ص*ره ولازم ايدي قوي اريد اباوعله هذا طويل وص*ره عريض مو جسم حسام هذا ابد دنكت على ملابسي كلهه دم وكلش ضايجه والي لازمني ميتركني رفعت راسي اريد اشوف منو شفته نفسه الولد ابو العيون التخزر الي يباوعلي فزيت ارجف ميته خوف وحتى عرگانه وحلگي يابس ومفتهمت شي من الحلم باوعت للفون ساعه 3الفجر .. كمت شربت ماي ورجعت للفراش بقيت افسر الحلم براسي هذا شجابه اليه وليش هيج لازمني احسه لسه لازمني كتفت ايديه واعصر جسمي حييل اريده يطلع مني احس بلحظتها اريد حسام يمي خايفه مااعرفزشوكت نمت وكعدت الشمس توها تريد تطلع كمت توضيت وصليت واستغفر ربي .. وهم رجعت نمت كعدت وقت الضحى .. اول شي رحت للتليفون اتصلت بحسام وكالعاده ميجاوب من شدة غضبي دزيت اله رساله شبيك ماتجاوبني مو جاي اتصل بيك حس بيه مره وحده اعتبرني شي مهم بحياتك لك زوجتك اني كافي تعبتني كافي تعبت من اهمالك .. ادري بي ميقرا واصلا هو موزين بالقرائه بس اني كلش تعبانه .. ومو شون ماجان بقيت اليوم كله بالبيت .. بين تنضيف وخياطه بدون واهس افتك واخيط وحتى الابره كم مره تض*بني بأصبعي لحد ماتركتهه ضوجه كلش ماادري شون يخلص الوكت رحت للغرفه وظليت العب ب*عري ساعه افتحه ساعه اشيله واخلي ميكب عندي ل**به جبيره رحت خليتهه بحضني واحس بيهه طفلي واحاجيهه هسه شصار لو انت بنتي من صدك حلوه وعيونها زرك وشعرها اشگر جنت من اضوج اخيط الها ملابس رحت طلعت الها الملابس الي مخيطتهم ولبستهه وفتحت شعرها ومشطت كومه وكع منه رجعت ضفرته ضفيره فرنسيه تركتهه واضحك على نفسي ياا اني تخبلت رسمي .. تمددت ع جربايه اريد اغفى اخاف لايجيني الولد بالحلم ويخرعني لكن استسلمت للنوم واخيرا كعدت بعد الظهر ومالي نفس للاكل سويت الي نسكافيه اعشقها وطلعت بره الجو زين شهر ايلول .. خليت الكرسي كبال قفص الطيور طيور مشكله الوان اصفر واخضر شون حلويين ورومانسيين الي اسمهم طيور الحب اباوعلهم واشرب واضحك عليهم مجنت هيج اركز على رومنسيتهم شجاني اليوم جريتها حسره .. كملت شرب وطبيت الجوه . خلص اليوم كله واجه الليل وشطوله وشيخلصه ووحدي وحشه عليه البيت كلش حسام صار اله 3ايام حتى ماكلف نفسه يتصل هم حاسبه نفسي متزوجه اني بس بالاسم ... مااتذكر شوكت كلي احبج شوكت باسني حضني يمكن ولا مره .. مااعرف شون خلص الليل بين نايمه وبين لاء خلص وصار الصبح كعدت غسلت وتوضيت وصليت بس احس ميته عطش شربت مي ونمت صحيت الصبح ساعه 9 سويت ريوك واكلت غسلت المواعين وسفطتهم رحت اشرب مي مالكيت ولاقطرة .. هسه شيطلعني اجيب مي وحر مينحمل العطش .. رحت للغرفه لبست عبايه اسلاميه وشال اسود بدون مااخلي مكياج فقط الكحل بعيوني قفلت البوب وطلعت .. داتمشى بالدرب وصلت البيت حماي وسام شفت حمودي واكف يم كال عمه ماما تريدج كتله خوش جايتهه طبيت للبيتهم كال ماما بالمطبخ .. طبيت للمطبخ جانت شايله ابنها الزغير كتلها صباح الخير صباح النور هلا والله زهره شلونج بخير .. شبي رامي مبين مسنح اي والله مسخن كلش حرارته مرتفعه كلت لعبوسي اذا شفت زهره طالعه للسوك صيح عليهه اريد تجيبيلي خافض حراره مااكدر اصبر لليل خاف يشمر .. اي تدللين ليش مخابرتيني لا كلت مااريد ااذيج اذا ترحين تجيبيلي واذا متكدرين اني اروح لان مااكدر ادز عباس للصيدليه اخاف عليه اي ان شاءالله هسه طالعه اجيب مي واروح للصيدليه اجيبله ويايه .. مشكوره زهره متقصرين الشكر لله . يله اني رايحه الله وياج دادا طلعت منهم واحاجي نفسي الشمس قويه شراح يوديني ع الشارع وللصيدليه على بالي بس اروح للمحل الي بالفرع اجيب مي طلعتلي سالفة الصيدليه صفح .. يلا الي اجر الطفل مريض خطيه حبيبي .. مشيت حد ماعرك وجهي وذبلت عيوني من الشمس هم زين ماخليت مكياج جان صرت زرگه .. ههههي وصلت للصيدليه اجر النفس كوه وامسح بعرك وجهي اول مافتت حسيت ببرودة التكييف .. جانت اكو بنت ووياهه ولد الولد جان ديسولف وي واحد مقابيله ماركزت ولا باوعت عليهم بس اتجهت للبنت شعرها احمر ماي نازل على اكتافها باوعتلها كتلهه اريد خافض حراره لطفل عمره سنه .. راحت البنت تتصرف ببروده وتدور ع خافض الحراره احس بعيون مركزه بيه اللتفتت بنظري للولد الصيدلاني الي يشتغل وي البنت لان هو مقابيلي الولد الخ جان من الجهه الثانيه انصدمة بشوفة الولد نفسه ابو العيون والي شفته بالحلم ابتلعت لعبابي وفتحت عيوني ورفعت حاجب واحد بعفويه وحتى شفافي انفتحت شويه يباوعلي ويسولف وي الولد الخ ونفس العيون نفس الخزره توترت كلش رفعت ايدي امسح جبيني بالمنديل الي ذاب بأيدي اللتفت على صوت البنت تخلي الدوا كبالي وتكولي تفضلي ماعرف شكد بقت عيوني بعيونه كتلها شكد فلوسه كلتلي ع السعر بينما دااطلع الفلوس واني متوتره اعدل بشالي واطلع الفلوس والكلين** وكع من ايدي طلعت الفلوس هم وكعت دنكت شلتهم اثنينهم رفعت روحي وراحت عيوني اله وبعده ديباوعلي والولد يسولف ويا انطيت الفلوس للبنت وظلت تدور ترجعلي الباقي شكد فاهيه وبارده هي هاي مال صيدلانيه دفضيهه اريد اروح اخلص من نضراته .. واخيرا اخذتهم والولد ديطلع قبلي وطلعت وراه اني اسمعه يكول اموت بنضرة عيونج طلعت من باب الصيدليه الجام باوعتله وخزرته وهو يضحك والبنت هم تضحك بصوت مسموع وتض*به ع كتفه ارتاحيت من خزرته اللتفت داروح وظليت اضحك حسيت على نفسي والشارع والسيارات مقابيلي واخفيت البسمه خليتهه بداخلي ورحت افكر .. اسمه احمد لان سمعت الولد يكوله احمد ورحت افكر بالي سرقته منه من خلال نضراتي لابس قميص رصاصي وساعه فضيه وسوار بالايد الثانيه وكلاده دكم القميص مفتوحه اكثر شي يجذب بي نضراته احسها تلعب من يباوع حسيت على نفسي واني افكر بملامحه عمري ماركزت بشاب احاجي نفسي لج شبيج زهراء هي اسمها مشاعر محرمه روحي ترد عليه ليش انت شسويتي مو دتركزين بي وبلبسه وشكله اي بس هو رجال قابل اني ولد وهو بنيه اي حتى هي هم حرام عليج لان انت متزوجه اووو اني مو صاحيه مجنت هيج اروح اشتري مي من المحل الي بالفرع احسن مشيت والشمس تض*بني وكل جسمي عرگ طبيت بالفرع وجانت بس دراجه بطح كبالي وعليهه ولد لابس خوذه ديمشي بيهه خفيف وصل الي وكف ورفع الخوذه هو نفسه احمد بقيت جامده بمكاني واباوع اله تعبت كلش ونفسي صار سريع انتظره ينطق بس محجه ويباوع الي بنفس النضره هزيت راسي حجيت بتعب .. نعععممم واشهك وازفر لان تعبانه من الحر بقه مركز بيه كال اشو مأجيتي على لولو على گولتج البارحه كومه انتظرتج .. لا والله اكولك مو عيب واكفلي هيج بنص الشارع انت كلتيهه بنص الشارع ممختلي بيج اني بمكان بعيد عن العيون مشيت وعفته من صدك يحجي هذا رحت امشي لف الدراجه وتبعني وكف يمي كال شوكت تجين على البزون تاخذي احسه بس يريد يحجي ويايه كتله متستحي على نفسك لازملي الدرب ع بزون تره هي عليهه كعدة عشاير ظل يضحك كال وشمسوي اني احنا جيران وبزونتكم يمي وجيت داكولج عليها ... بيها شي هي بقيت اباوعله ثواني وراح بالي بالحلم الشفته ويا حسيت باحساس غريب وخجلت اقشعر بدني حسيت بهالحظه اني ع ص*ره وريحة عطره كفخت بأنفاسي وحتى رجليه ماكدرت تشيلني ظليت افر بيدي ومشيت عنه واستغفر بقلبي ماادري بصوت مسموع هو حرك الدراجه ومشه سريع بيهه وفات من يمي مشيت خطوات ولثواني وكفت يمي سياره وانفتحت الجامه شفت حماي حازم خفت واصفر وجهي ماادري زورك يمكن شافه بصفي يحجي ويايه اي اكيد شافه شراح احجي وشراح اگوووول هاا زهراء منو هذا الواگف يمج .. ؟؟؟ هاا زهراء منو هذا الواكف جان ديحجي وياج تعرفي؟ حاولت اقوي نفسي ومااتلعثم بالكلام لحتى ميبين عليه شي .. گتله شلونك خويه ابو اركان هلا بيج خويه شونج الحمدلله بخير . هذا الولد جيرانه هنا بيتهم نفس الفرع والبزون مال حسام يمه واجه كلي تعالوا اخذوا اي خوش طبي نوصلج بدربنه طبيت بالسياره مشغل تبريد واني داطب گلي عبالي ديتعرضلج او شي لا لا هو عمود البزون كعدت وره وسديت الباب كال هاا حسام باربيل تردين اروح اجيب البزون انصدمت باربيل لعد مو كال بالحله غلست وفكري مخربط بأيش اريد افكر ياربي .. جاوبته لا بعد هو وحسام من يجي يروح اله اني انزل ابيت وسام لان موصيني على دوه لرامي مريض وهم اريد اخذ سيت مي معندي بالبيت هاا خوش ان شاءالله نزل اشترالي سيتين مي وبعدهه نزلنه يم بيت وسام وطبينه اثنينه .. استقبلتنا رقيه وسلمت على حازم انطيتها الدوه كالت طبي كعدي لا والله مااكدر البيت وحده لج ماعليه شي اتغدوا يمي اليوم لا مااكدر والله غير مره حازم .. اني هم يالله اوصلج زهراء واطلع للبيت رقيه .. مو وكت طلعه اتغدوا هنا حازم .. غير مره يلا نترخص وطلعنه وصلني حازم للبيت ونزل ويايه المي كال ممحتاجه شي بعد كتله لاتسلم مقصرت طبيت للبيت .. حازم ووسام معبالك اخوانه الحسام كلش يختلفون بتعاملهم وي نسوانهم مرات افكر يمكن لان عدهم جهال واني معندي هيج يعاملني حازم عنده 6 ودائما حسام يعيرني بيهم هم ويكولي متلحكيهه لمرت حازم .سطرتهم سته عندهم 3توائم و2هم توئم بنات واحد وحده الي هو اركان الكبير عمره 12سنه وبيته بنفس المنطقه بس بغير فرع لم دخلت للبيت افكر باحمد هذا شون تجرأ واجه ورايه وشون يشمر بالحجي لااياالله شون ويا. وشون صلف يربي شوكت يجي حسام ونوب اشون جذاب رايح يتونس باربيل واني محتاره بح*****ته .. حسبي الله شسوي بعد .. اعتبرت الشي عادي واحد زاحف ويتحرش يومين ويمل مجنت اعرف راح تنفتح عليه ابواب جهنم بسببه كل همي والحمدلله حازم اقتنع بالموضوع ومعباله شي . كمت على الشغل واشتغلت ورجعت الحياتي الطبيعيه تجي لحضات افكر بالحلم وبالواقع شلون جان يخوف الحلم يمكن يسويلي مصيبه هالاحمد واني طلعاتي موقليله وهالدم الي بملابسي خاف دمي خاف انقتل من وراه وانشغل وافكر بشوقي لامي اريدها اريد احس بالامان يمها ويروح بالي الحسام لشوكت راح اتحمله وانتهي يم احمد ونضراته واناقته ابتسامته وحجيه ويايه واتعوذ من الشيطان واستغفر واتوضى وصليت الظهر وادعي ربي يع**ني من الخطأ وينجيني وماانجرف .. بعد كل ركعه اصليها اكعد اناجي ربي بان يحفظلي هذا البيت الي ساترني ويرزقني بطفل بنيه او ولد ويهديلي حسام ويغير حاله مجنت اريد منه ذهب وملابس وطلعه وفره مطاعم ومولات ومنتزهات لا بس رايده منه يوديني لامي اشوفها حتى وان بالسنه حسنه .. طلباتي بسيطه واي وحده ثانيه بدون متطلبها عدهه بس اني جنت اعتبرها صعبه لدرجه بكل صلاة اطلبها. مر الاسبوع وحان الوقت لجية حسام جنت انتظره وخايفه من ردة فعله رحت لبست وتشيكت حتى لو ميباوع الي ولا يقلدني بس ميخالف عسى ولعل لبست كلبيه جويتي نص ردن طويله كصيفه . ورفعت شعري بقراصه ليفوك ونزلت منه خصلات وسشورت بس الكذله ونزلتهه صفح .. وكعدت انتظره مجنت اعرف شوكت يجي مية مره عدلت نفسي .. للعصر اجه شعور مخربط فرحانه بجيته رجع الي الامان واقنع نفسي .. شعور ثاني خايفه من ردة فعله .. طب للبيت يمشي و حتى ميباوع الي يباوع لكل مكان بس اني لا ولا كانما موجوده كباله شسوي اريد احس بي حضنته وسلمت عليه كعد راسا يمي بالمطبخ كمت صبيت اله عصير بارد وكعدت بصفه كتله ممشتاقلي حسام كال .. اي ولج مشتاق الولو وينه .. اكوله مشتاقلي يكولي لولو كلش انقهرت ومن قهرتي ماخفت وحجيتله كل شي ظل يدك على راسه وراح رأساا طلع القفص الطيور ورجع مره ثانيه للمطبخ ظل يعيط واجه صوبي قبض ايده مثل البو** وض*بني على راسي بس مو كلش حييل اني من خوفتي انركعت باليده مال كاونتر وجتي الركعه جوه عيني. . واستمر بالسب والغلط والكفران .. ورفع ايده يريد يض*بني بعد لزمته من ياخته وظليت اصيح بوجهه ولك دير بالك تكررها رايح تتونس باربيل واني مخليني اخدم ح*****تك ملص ايدي من القميص ودفعني وكعت بالكاع وظل يسب ويغلط جدد جدي ماسلم من سبه تالي ظل يسب بعمتي العرف*ني عليه وطيح حظ شرفها ورجع يسب بيه انت هم مره انت خرگه ماتسوين فلسين ولج ح*****ت ماكدرتي تديرين بالج عليهن انوب تردين خلفه بعد سكتت عنه لان مراح يجيب نتيجه اي كلام او هوسه ويا واني اضوج الاشي ومعندي شي احجي بعد بس كلامه يقهرني ويدك بروحي مسامير وجع كام ي**ر بالغراض ويكول انت هم تستاهلين هيج بيت ولج انت خيمه هوايه عليج وراح للغرفه وهم اسمع صوت الت**ر احس ال**ر بعضمي هي الغراض كلها اني اشتريتها .. اجه ع الحاضر **رهم .. متت قهر وكرهت روحي على هالحظ كمت اشيل الغراض الن**رت والم بالكزاز والباقي اسفطهن واعدلهن .. هو مااله صوت يمكن نام خلصت وكعدت عود ارتاح بس هي ياراحه اصلا ماكو راحه .. اخر شي جنت مخليته ابالي هو الطلاق ابد ممفكره بي اكول كل مره ورجال تصير بينهم مشاكل عادي واكو اتعس من مشاكلي وي حسام اباوع للبيت واحمد الله واشكره هذا احسن شي صار الي نعمه من الله وبعد تعب مو قليل مني وبتوفيق من ربي واني على هالحال سمعت الباب اندكت خليت شال على راسي وطلعت اشوف منو بالباب فتحته رأسا صار بوجهي احمد سديته بوجهه متت خوف بعد بثواني جني شفت لولو بايده اروح اجيبه منه رجعت فتحت الباب اله شفته داير يريد يروح لسيارته كتله وبأنفاس متعبه نعمم تفضل اجه مره لخ وتقرب للباب اني فاتحه منه شويه مديت ايدي كتله انطيني البزون طلعت ايدي وانتبهت اني ملابسه ردان طويله وهو ظل يباوع رجعت ختلت وره الباب بس راسي طلعته كتله يله نزله خلي هو يروح يطب اتقرب اكثر كال .. اگولج زوجج اجه من سفره مو ؟ يحجي وهو مركز بوجهي كانوا مضيع شي اتن*دت وكتله ايي اجه كال اي دااشوف ومبين كلش عصب عليج لان مضيعه البزون مالته مو كتله وانت شعليك وشمدريك يله نطينيا كال واضح كلش على وجهج كوليله خلي يجي هو ياخذ بزونته خووووش وراح صعد بسيارته هو ولولو ويا اشبي هذا اكيد مو صاحي شبي وجهي سديت الباب ورحت اكو مغسله بطرمه ويمهه مرايه رحت اباوع الوجهي يااعزاا هي شصاير جوه عيني مزورك كلش ياصخام هسه اني شون اطلع هيجي رأسا للباب وبدون مااباوع الروحي .. طبيت جوه وافكر بنضرات وكلام وتصرفات احمد زين هو ليش ماانطاني لولو ليش هيجي يريد حسام يروحله ماافتهمت شي اني ابد للمغرب اذن صليت وسويت العشا كعد حسام واجه يمي بالمطبخ وكانه مصاير شي كال جوعان شنو العشا من وره خشمي جاوبته هسه اخليلك .. خليت العشا مسويه مخلمه ومكليه بيذنجان وزلاطه كعد وظل يباوع للاكل كال جاي مناك الهنا هو هذا عشاج المحضرته .. باوعتله وتحسرت كتله اي نعم الله عليك انت گبل لاتروح مليت الثلاجه الي ملي اشكال الاكل دروحييي تستاهلين امليهه الج هو انت ح*****ت مادرتي بالج عليهم ولج اوف اوف يالفاهيه بفلوس مشتريهم وكله بالاوراق وجيتي ع الحاضر ضيعتيهم بس انت خبيثه والله مال افركلج خشمج فرك ادري بيج سمعتي بيه باربيل رحتي سويتي هيج هي خباثج تعلميني بيهه اني واكفه ومنتجيه ع الكاونتر واباوعله يدردم سواله لفه وكام كال رايح اجيبلي كباب من السوك كتله اوكف اكو واحد اجه العصر يكول البزونه يمه روح جيبهه منو هو هذا شمدريني بيتهم يم المحل مال التليفونات الي بالفرع اي اندليته هسه رايحه بدربي اجيبه فتح ايديه وغماني وطلع .. هزيت راسي تعودت شسويله يعني يله نعمه الحمدلله موزين منه متحملني واني مااخلف كعدت الملم بالسفره شلتهه ومااشتهيت اخلي لكمه بحلكي .. بس اكول الف الحمدلله ع النعمه ع كولته شاربه وماكله ونايمه هي هيه الحمدلله يمكن الله ناطيني الصبر والقناعه نعمه ع شنو اتبطر .. بعدها بنص ساعه سمعت صوت الباب انركع ركعه قويه رحت اركض شنو ماادري شصار طب حسام مثل المخبل ملابسه مشككه عليه ووجهه مزورك وبي دم . لزمني من دشداشتي ويعيط ويسب ويكفر اشكال نشف الدم بجسمي متت من الخوف ماافتهمت منه غير روحي جيبي ال-- تليفونج وينه ودفعني بقوه .. مية فكره جتي ابالي راح لاحمد وتعارك ويا خاف احمد كايله شي امشي واتعثر ضاع مني مكان افون .. وماادري ليش يريد تليفوني .. ومن هي الليله تحولت حياتي من الهدوء والروتين الممل القاتل الى اكشن ورعب وخوف ومنها بدت المشاكل بين حسام واحمــــد وظلت تطلعلي سوالف اشكال الوان اني بغنى عنها لمدة خمس سنين من زواجي ...

Free reading for new users

Scan code to download app

App Store Google Play

Facebookexpand_more