ترهات

2627 Words

4 كتله ديلا طلكني شناقصني وتعيرني 24ساعه اباوعله ملامحه تغيرت وظل يياوعلي وسكت هدأ بس اني ماهدأت ولاهدأت روحي احس روحي جمره من الغضب كتله واني اشر بيديه شبيك ولك منو تصبر وياك بكد الصبرته اني وكله ومااطي بيك هطول ولك. من تزوجت الهسه ربع ماحاط بيدي وكمت اشتغل واعينك وساكته على كل شي لاهلي ماتوديني تريد تتزوج ذاك الدرب روح اتزوج بس طلگنييييي كال سكتييي كافي حسره واحد يحجي وياج سكتييي وسدي حلكج شكد تحجين وكام طلع بره ... حسيته مهزوز خايف من تهديدي اله وماواجهني وهم مستسلم للامر الواقع زين شبي ليش هيج يصرف ويايه بلحظه يخليني اثور ويطلع بدون ميكمل ترهاته كعدت خليت ايدي ع خدي ماكو واهس للدنيه كلها كمت اباوع لوجهي بالمرايه شناقصني اني صح مو جميله كلش بس شكلي مقبول بالنسبه لشكله اني ويا نفس الطول هو اكبر مني ب3سنوات وحتى ابتدائيه ممخلص بينما اني وصلت لمعهد طبي بس الحظ مخلاني اكمل جان اني هسه موضفه عيوني بلون البن ورموشي طوال ومن اخلي كحل يصير لعيوني سحر ثاني هيج امي تكولي لاتخلين كحل يحسدوج واني اضحك ذات بشره حنطيه شعري صح بي **رات بس ثخين ومن اسشوره يطلع يجنن جسمي مرتب وماكو بيه شي معيب شبي ويايه ليش هيج يصرف شيريد بعد كلش ضجت بليلتهه والمكينه شلتها وي الغراض ماكو شي اتلهه بي ولاحتى عندي تليفون مثل الاوادم هو هذا الصرصور باقيه عليه شسوي ياربي .. رحت تلفلفت بالفراش وبقيت اتنفس حسرات وآهات شبيه اني وهيج يقلل من قيمتي ... نوب صارت ب1لااني الي نمت ولاهو الي طب للغرفه بقيت افكر بي وين راح هو مامتعود ينام بالهول لو بالصاله مانطاني گلبي يبقى هيج عليه زعلان مهما يكون هو زوجي واني مالي سند غيره محد الي هو خيمتي كمت من الفراش طلعت ادور عليه .. ماكو بالهول ماكو بغرفة الخطار اصلا هم مابيهه شي يكدر ينام عليه لان احنه مستعدين للانتقال وكلشي فارغ .. شفت ضوه غرفة امه مشعول ان**ر گلبي عليه يمكن نايم بيهه خطيه. . رحت بهدوء امشي وفتحت الباب شفته نايم بغرفة امه خفت اروح اصحي هسه يعيط بوجهي .. عفته نايم ورحت للغرفه .نمت وماكو واهس للحياة كلها . يوم الثاني كعدني ولاكأنما صاير شي بالليل .. اصلا اني متعوده ع تصرفاته مرات يتصور الي مو صاحي وعقله بي شي .. مرات لا اكول مبي شي بس هو ميعرف يتصرف ويايه وابقى دايخه بي واحاول اللتمس شعوري اتجاهه لااشوف نفسي احبه ولاامااحبه بس مااريد انفصل عنه لان ويا افضل من ان اعيش في كنف اخوي ع الاقل هذا رجلي ويمون عليه وامون عليه كعدت سويت اله ريوك بدون مااحجي ويا وهو ممهتم رجعت نمت ساعتين وكعدت .. مثل كل يوم اندكت الباب جوي نسوان اض*بهم ابر وبعدهه راحو وجوي ناس يخيطون يمي كتلهم مااخيط لان راح ننتقل الغير مكان .. وهكذا مرت الايام الاخيره بهذا البيت جهزنا كل شي وطلعنا . اغلب اغراضنا الكبيره بيعناهم مااخذنه شغلات هواي بس المهمات .. تركنا البيت الي جانت بي ايام مره وايام حلوه وجان كدامي مشوار طويل مجنت اعرف كل هذا مضموم الي ظلت حسره بقلبي شوفة امي تمنيت اروح اشوفهه بس حسام مكروه طبعه و100% راح يرفض اذا كتله وديني اشوفها غادرت المدينه الي انولدت وتربيت ودرست وتزوجت ورايحه المدينه غريبه مااعرف شحيصير بيه هناك .. ومجنت اعرف الي راح يصير ابد حسام وضعه مو طبيعي بالسياره جنه احنه العائلتين سوه بيهه وحسام ظل يدردم هناك اصدقائي وشغلي ومكاني شون راح اترك كلشي اني متعود هناك وصارت صيحه بيناتهم هو ووسام حتى رادوا يشمرونه كبال لوري جان وسام هو الي يسوق وكلش توتر من حجي حسام اني بقيت ساكته لا نوب يطلع الحركه بيه بس رقيه سكتته وظلت تهدي بي وهو يحترمها اللتزم ال**ت وهدأ بس يتأفف ومعصب احس ضوجته وصلت ذروتها وهسه راح يذب اللوم عليه بدون ادنى سبب ... وصلنا للمنطقه الي بيهه البيت الي راح نسكن بي نزلنه ودخلنه للبيت وبقوا الولد يطببون بالغراض جان شويه اصغر من بيتنا هناك بقيت اتمشى بي تلث غرف وصاله جبيره وغرفة خطار وحمامات .. طبيت للغرف وحده منهم بيهه حمام طبت ورايه رقيه كالت هي الي لان اني عندي جهال يمكن هي كالتهه بعفويه وبدون قصد بس اني هذا الموضوع يحسسني ... كتلهه اي اكيد .. كالت ذيج الغرفه للجهال وذيج الكم رحت اباوع الغرف نفس المساحه .. مجان يهمني اي شي كعدت اباوع للبيت واتأمل ياترى شنو المضموملي هنا اكو فرحه اكو حزن اكو تغيير بحياتي الروتينيه الممله .. ظلوا الولد يطببون غراضنه واحنه نسفط ونساعدهم رتبنا كل شي وبعدهه بايام جهز البيت من كل شي بس حسام ضايج طاكه روحه وميتحاجه واني على ضوجته هم ضايجه اباوعله اتمنى يسولف وياي يضحك يغازلني يدلعني لا ماكو شي كله نتر وخزر وصياح واني مالي خلك اتصايح ويا .. مرت الايام واني بالبيت لاطبه ولاطلعه جنت هناك اتلهه بالخياطه والناس التجي ع مود الابر واكعد اخلص وقتي وياهم هنا كلش ضوجه اخابر امي مرات واتلهه وياهه اما رقيه لوطالعه يم اهلهه لو ملتهيه وي جهالهه وبهالفتره حسام ووسام رتبوا شغلهم وبدوا يشتغلون جان يجي الظهريه يتغدا هسه ميجي لليل مرت ايام ورقيه صارت حامل بطفلهه الرابع مااعلنت حملهه الى بعد مادخلت بالشهر الخامس بس جنت احس بانه زوجة حازم وحمواتي واهلها يعرفون بس اني لا .. خلص تعودت على وجع وصار مايوجعني بس ماانكر برغبتي بالحمل بس مجان بايدي شي .. اخلي ايدي على خدي واصفن واكول تخلص يعني شسوي .. صرت احس بالملل اكثر من احساسي بالحياة مرات احس بان الحياة وي حسام مثل المي لالون لاطعم لارائحه بس مجبوره اعيشها وصلت ويا لحد ماكو خط رجعه ابقي ويا او ابقى ويا ماكو غير خيار مرت ايام وايام وبعد ايام حسام تقبل الوضع ورجع الحياته بارت 4/1 وجاب قفص كبير واشترى طيور من كل الاشكال وجان يهتم بيهم ويعاملهم كانوا اطفاله جان شعوري متذبذب مرات اكول خطيه الله مرزقه اطفال .. مرات اكول اني الخطيه شصار لو يعاملني مثل ميعاملهم .. مرت ايام واجه على بالي عمتي الي بيتها هنا ورقيه دائما تروح لبيت حماتي وهم نسابه بيناتهم حاجيت رقيه كتلهه من تروحين اروح وياج وامر على عمتي كالت خوش من رادت تروح رقيه اني طلبت الاذن من حسام كال روحي العصريه بدلنا وطلعنا وصلنه وسام بسيارته رحنه لبيت حماتي وخابرنه على بيت عمتي وكلنالهم جاييلكم زياره جان بيتهم قريب ورحنا طبينه للبيت سلمت على عمتي فرحت بيه كعدنه واجت زوجة ابنها ضيف*نه ظليت صافنه بوجه عمتي وجريتها حسره اييييه عمتي هي جانت الوسيط بينا وبين اهل حسام من خطبوني ظليت احاجي عمتي بداخلي شصار لو جايبتلي واحد يداريني يحبني يكعدني بكلمة صباح الخير مو نتر وخزر وبالليل نسهر نتسامر ونتغازل اشو كولشي ممفتهمه منه احس روحي ترد عليه عمتج شنو دخلهه هو حسام قسمتي وهذا المكتوب الي من واني ابطن امي اصرت عمتي مااروح ونبقى للعشا وبقينه وبعد العشا كعدنا نشرب جاي ونسولف وظلن يسالني البنات ليش الهسه ماصار عندج طفل شنو السبب منج لو منه كتلهم احنه مااريد هسه خليهه بعد وكت احس هي الحجه الي انطيتهه الهم فاشله اكو وحده ماتريد طفل احس الي ماضحك عليه بوجهه ضحك بقلبه هي مو حجه لازم اكو سبب مديصير سألوني انت دتاخذين مانع كتلهم لا سكتت وبداخلي اجاوبهم شتردون اكوللكم زوجي حالف يطلكني اذا رحت طبيبه تكشف عليه لو اكول هو من تزوجنا الهسه ممودينه الطبييه اذا اتمرض مرض نسائي يكولي اخذي براسيتول عنده هالعقار دوا الجميع الامراض .. سكتت وماانطيت بي مااحب احجي عليه بوجوده وغيابه واني بطبعي مااحجي على احد .. المهم كملنا عشا وتبادلت الرقم وي عمتي كالت راح اتواصل وياج ومااكطع كتلهه تنوريني عمه وطلعنا .. بهالفتره صار عندي زبائن ورجعت اشتغل واجمع فلوس واشتري ذهب واضمهم ماجنت اشتري شي بلا فايده حاسبه حساب الزمن اي شي يصير .. بس جنت اضوج من حجي رقيه جانت تحجي وي وسام وتسمعني مثل المثل الي يگول احاجيج يابنتي واسمعج ياجنتي تكول انكلب البيت مشغل او تكول شنو هنا عدنه مستوصف اني مخليه مكينة الخياطه بالصاله حسام من يجي ينام ميريد صوت واني اريد اخلص شغلي فهي ضاجت واصلا ابد ممرتاح صوتي بايح هالكد مااحجي ع الجهال ليلعبون بيهه ويخربوهه .. جنت اسمعها تجيب سيرة قطعة ارض بس مفتهمت منها .. اجه حسام وسألته كتله شنو سالفة قطعة الارض كال انت شكو تحشرين روحج بكل شي يعني مايصير اسئلك واذا عرفت عندك قطعة ارض شراح يصير يعني عندي قطعة ارض هي البصف البيت عندج مانع لا معندي بس ليش متبنيها والله متعذبه اني هنا بهالغرفه واسمع حجي ومااكدر اخذ راحتي لا صدووك واني مشتريهه حتى تاخذين راحتج بيهه بابا دطيري ______ بفد يوم جنت مشغوله كلش ويمي ناس خلصتهم ورجعت التهيت بالبيت وشغل ميخلص ملابس مواعين طبخ وتنضيف وخياطه .. وتجي وحده تض*ب ابره تبقى ساعه اسولف .. ويضيع الوقت كله .. كملت الغدا واجه حسام اسمعه نزل الدرج بسرعه وصياحه طرش اذاني تلكيته من يم الدرج كتله شبيك شكو دفعني وغلط عليه وكال بصياح انت هم مره واحد يعتمد عليج ليش ولج هيج طيوري ليش كتله واني شعليه ع صوته طلعوا الجهال ورقيه كام اخذ عباس من ياخته وظل يحاجي منو هيج سوه بطيوري ظل واحد يشمرهه ع الثاني هو واخو كام ض*بهم وظلت تصرخ عليه رقيه وانطته ل**ن متر وظلت تعيره تكوله هذا بيتنه انته ماخذ حصتك منه ومشتري قطعة ارض هي البصفنه بعد شكو متروح تبنيهه هو خجل من ان يرد عليها سحلني من ايدي و طب للغرفه وطلع الحركه بيه كتله اني شكو ابوي ميكدر بس على امي كدرتك بس عليه من نطتك ل**ن اطول من يوم الجمعه ماحجيت اشووو مد ايده يريد يض*بني كتله والله اذا مديت ايدك عليه خطوه هنا وخطوه لبيت اهلي اروح اني اصبر على كل شي اله الض*ب نزل ايده وطلع من الغرفه اسمعه حرك سيارته وطلع .. بقيت بالغرفه كرهت روحي وحياتي اني شنو من حياة عايشتها غيري تطلع تتونس زوجهه يغازلهه يحسسها بان هي حبيبته اني كولشي يشمره عليه بدون ذنب يربي شوكت تف*ج مو تعبت مليت احس كلشي حلو مو من نصيبي .. اشتاقيت لامي الحضنها الشمتها اريد ارتاح انسى تعب الدنيا يمها بقيت مااحجي وي رقيه بس شفتهه اخذت جنطها واجت كالت اني رايحه ابقى يم اهلي موعد ولادتي قرب .. كتلهه الله يسهلج الله وياج بالليل اجه حسام ماحاجيته بولا كلمه احس اكرهه وماطايقته كال زهراء زهراء غلست عنه اجه بصفي كال مو تردين نبني قطعة الارض ونرتاح جاوبته اي انت مو عندي فلوس وعندج ذهب ورقي ورقي ظليت صافنه عليه كتله مو انت عندك خير من الله نتر بيه كال لعد طبج طوب ابقي مصكعه الرقيه وعيارتها هو بس اني راح اعيش ظلي ضمظمي بالدولارات والذهب .. رحت للدولاب وطلعت الفلوس وخليتهم بيده جانت فلوس تعب ايام وليالي وحرمان من كل شي كعدت اجمع بيهم وفلوس امي الغاليه الجانت تنطيهم الي وحصتي من محل ابويه كال تره ميكفن هذن انت تدرين شكد يكلف البناء كتله بعد شتريد ذهبج هذا يسوه ملايين هسه انت تصرف بذول عوج حلكه وظل يحجي بس اني راح اكعد بي وهم راح ابني واتعب وياريت ع شي شتقصد بالله انت وطيورك وح*****تك راح ترتاح بعد شكو ايي الهي روحي بالطيور والح*****ت انت مامنج فايده والله محد كلك ماتوديني للدكتوره تشخص حالتي دنجبي .. غلط غلط وضم الفلوس وي فلوسه ونام بمرور الايام بلش البناء بالقطعه وصل البيت مراحل ووكف لاشهر ولدت رقيه ورجعت للبيت وزادت المشاكل جهالهه ميكعدون واني كوه متحمله حاجيته ليش واكف البيت مدتبني كال ماعندي انت ورقي هو شبقى عندي واورق ذهبج ودتشتغلين خير من الله وانت شنو شغلك هي فالح تغير يوميه سياره اخر موديل شكل والله عجبج اهلا وسهلا معجبج هذا الموجود سكتت عنه وكلت اتداين منا ومنا حتى نكمل البيت والا هيجي ميكمل اخذت من وسام كم فلس ومن حازم ومن حماتي واجه على بالي عمتي موضفه وهم بلكي تنطيني وبعدين ارجعهم اكيد خابرتها وكالت اني هسه ماعندي فلوس كلهم اخذهم خالد ابني من راد يطلع لاوروبا بس انت مو عندج ذهب جيبي ارهنه الج يم صديقتي كتلهه خلي افكر عمه ان شاءالله يصير خير. .. فكرت ماكو غيرها ارهنه ولاابيعه جمعته كله جان هواي مال تعبي وشگاي وضيمي غيري وحده تسكن ابيت ع الجاهز وتكشخ بذهبها بدون متظطر تبيعه او ترهنه خابرت عمتي وكتلهه حضرته الج واجت اخذته وانطتني فلوس وخليتهم بيد حسام وبلش يكمل بناء وكمل البيت مني جان الجزء الاكبر من المساعده ماي وجهي وكع واني اتدين واتوسل وكلما اشتغل واجمع اخلي بيده حرمت نفسي من كلشي بهي الفتره قلم حمره مااشتريت عبايه مابدلتهه دشداشه ماخليت على روحي كله عمود هالبيت اجه اليوم الي ننتقل بي مجان بي غراض هوايه وحسام ابد ماتعب بي اني رتبته وعدلته واشتريت غراض بالاقساط طباخ ثلاجه وفرش الخ --- جان زغير وعلى كدنه وكد مساحة القطعه مطبخ وصاله وغرفة نوم وحده وحمامات استقرينه وشويه اتنفسنه بس حسام هو متغير ابد بل زادت طلعاته واهتماماته بنفسه وبقى ربع ميصرف عليه ---- فد يوم طب وجايب ويا بزونه جانت حلوه ومدنفشه وهو شايلهه وطب للبيت كال هذا لولو شنووو اي ديري بالج عليه خوش لا والله وهو شكو ادير بالي عليه اني مااحب الح*****ت دخلفي حتى لو مثله هسه وتالي فكي حلكج واحجي جرييت حسره .. اييييه كتله كال هذا مو اي بزون اشتريته بورقه تره بورقه تشتري بزونه والبزازين تارسه الفرع واني ربع متطيني شوف الجكمه هم حطت روحها ولج هي مو اي بزون ملقح ونضيف اريد اديرين بالج عليه افتهمتي مرت ايام ولولو البزون ياكل ينام يشرب وي حسام لو لوو لونه ابيض مدنفش وذ*له شكله غريب طويل ومدنفش وبس يدحس بيه واني اكره الح*****ت كلللش فد يوم اجه حسام كال اني رايح للحله شسوي ؟؟ رايح اشوف جماعتي واصدقائي وعمامي هناك اخذني وياك اشوف امي فدوه فداوي حسام دنجبي كعدي هنا ديري بالج ع الطيور ولولو والله اذا صار بيهم شي انت المسؤؤله سافر حسام وبقيت بالبيت البيت اني جنت شايله مسؤؤليته اني اطلع للسوك جان قريب اجيب مسواك وكل شي حسام كلشي معليه بس جنت فرحانه ابيتي وكل مره اجيب شغله شكل للبيت وارتبه الدين مال خواته واخوانه خليته هو يسده هليتهم يطالبونه هو جان يسويلي مشاكل ويصيح ويحجي بس يستحي منهم ويسددهم بقه بس ذهبي جنت بس افكر بي وشون راح ارجعه بالليل كاعده وحدي نسيت الطيور ورحت اتفقدهم شفت لولو بالقفص ولاعب بيهم لعب لطمت على وجهي هذا شون طب هنانه لازم امو ثغره رحت بيها هسه حسام يكلب بيه عصبت على لولو ض*بته واخذته وشمرته بره البيت بالشارع .. ورحت واني بس افكر يربي شلون وي حسام وبلوته وي هالطيور الح*****ت هسه خلي يعتبرني منهم ويروضني الي مو احسن خرب حضي المارايد يكعد من نومته نمت بالليل وافكر كعدت الصبح وتذكرت لولو وهذا مشتري بفلوس شون بالله هسه رحت لبست شالي وفتحت باب الشارع ادور عليه ماكو خررب شلون مصيبه مرت يومين وهو ماكو اكيد راح انكتل هالمره وحسام كال اسبوع ويجي شفت محتاجه شغلات للبيت قررت اروح للسوگ حبيت بهذا اليوم ادلع نفسي مااعرف ليش لبست عبايه اسلاميه مخصره وشال مشجر رصاصي واسود وطلعتلي خصله من شعري جنت مسشورته .. خليت كحل وتذكرت امي من تكولي عيونج بالكحل تسحر لعد شبي حسام ميباوعلي خليت حمره ورديه وحددت شفايفي حتى تبين منفوخه اكثر وطلعت ... رحت للسوك واحس الكل يباوعلي معقوله اني طالعه هيج حلوه اليوم .. كملت مسواك ورجعت للبيت خليت الغراض ورحت البيت حماي وطول الطريق عيوني تدور لولو وكلبي يرجف وعقلي يفكر .. شفت عباس بالباب كتله ماشفت لولو البزون مال حسام كال ها هذا البزون الي يطلعه عمو ويا ويجيبه النه كتله اي هو كال شفته وي واحد بالسياره وين ولك اي والله شفته طببه ويا بالسياره امشي عمه ادليج البيت مشيت ويا عباس عمره 10سنوات قبل لنوصل اشرلي على البيت وراح يركض بقيت اصيح عليه ولك تعال ماكو راح مستعجل ... رحت اني دكيت الباب جانت واكفه سياره يم الباب بس ماركزت بيهه دكيت الباب مرتين واسمع صوت ورايه يكول تردين شي خاله اللتفتت عليه شفته شاب يجي عمره اكبر مني لعد ليش يكولي خاله اريد احجي وترتني نضراته جانت ثاقبه ويباوعلي بخزر ماادري هو عيونه هيج ارتبكت منه كتله اريد احد منا كال هذا بيتي ارتبكت اكثر نضرات عيونه وكحه ويباوعلي مركز عليه عيونه سود بشرته بيضه لحيه خفيفه شعره كالبه ليفوك كتله جايه ادور على لولو اقصد البزون ابيض مدنفش ابن حماي كال هنا عدكم شايفه كال تعالي باجر عليه كتله لاشون البزون مالت رجلي واذا اجه وماشافه يكلب الدنيه شيسوي يعني يض*بج وليش مااجه هو عليه ليش دازج الج كتله مسافر زوجي اي تعالي باجر انتي واني انطيجيا وعد ليش مو هسه دتعالي باجر شخسرانه ونوب معجبتني حركه سواهه يباوعلي ويعض بشفته الجوه ويبتسم شفت نفسي محلوه واكفه ويا واحجي والرايح والجاي يباوع علينه عفته بدون مااحجي مشيت خطوات اللتفتت عللى صوته كال وعيونج تعالي باجر اطيجيا مجاوبته ومشيت ... يتبع

Free reading for new users

Scan code to download app

App Store Google Play

Facebookexpand_more