الهجرة الى بغداد

2316 Words

صرخات محبوسة ٣ ... حسيت نفسي طفله صغيره بحظن امي ومثل كل طفل محروم من حاجه ويريدهه ماكدرت اكتم لوعتي بص*ري ظلت امي تمشي ايدهه ع شعري كالت بعدج يمه اكو نسوان يبقون سبع و8سنين انت يادوب سنتين كتلهه يمه الرجال واهله ميصبرون يمه مااتحمل حجي .. ليش يمه مسمعيج حجي مأذينج يمه طولت سنتين لازم اسمعلي حجايتين تلاثه رحتي دكتوره شكلتلج مارحت يمه امشي اوديج للعلويه تشوفج خاف ملزومه يمه مايقبل امشي انه اوديج هو شمدري يمه مايصير اطلع بدون مايعرف حرام يوم القيامه يعلكوني من رجليه لعد خلي احاجي عمتج هي توديج مو خاف يكولون عليه انقل حجي يمه خليهه على الله اني مقتنعه بكل شي بس كون يفكوني الله كريم حبيبه بعدهه اجت هناء كالت تعالوا تعشوا رحنا للمطبخ تعشينه وخلصنا وراحوا الجهال للغرفه واني كمت اغسل مواعين كالت لا عوفيهم اني اغسلهم روحي للغرفه المطبخ حار كتلهه لا متعوده اني .. غسلتهم ورحت للغرفه نمت بصف امي وظلينه نسولف اني وياهه اما هناء راحت الغرفتها نامت يوم ثاني الصبح وكالعاده امام تذمر هناء ملت روحي اليكلك مشايفين اكل وطبع بيه ماارد عليهه سكتت سوت النه اكل شون ماجان واتمنيت اخويه يجي اشوفه صار هواي ماشفته بس ماكلف نفسه يجي رغم البيت الثاني قريب على بيت هناء الي هو بيت المرحوم اخويه وعبير مرته الاولى بيت وحد ... وبقيت عدهم ليله ثانيه يوم ثاني كعدت لكيت هناء عدهه انذار دتطبخ كالت اهلهه يردون يجون حتى نستنه بله ريوك للضحى جوي اهلهه وقسم بقوا يساعدوها وقسم جوي يمنه يسولفون .. ومثل كل كعده نسائيه وكل نقاش يصير ينطرح عليه نفس السؤال ماصار عندج شي ماحملتي ومن هالحجي اني اعتبره جرح لمشاعري لان هالشي كلش مآلمني ومسسببلي مشاكل بس الناس متعرف شنو بدواخلنا كتلها لا ماصار شي ليش شعجب مااريد هسه بعد وكت شوكت ميجي هلا بي يعني زوجج مايريد جهال هاا ... ميحجي ميكول بس عمتج كايله لمرت اسعد لان هي اقاربهم السبب منج متخلفين وجاي تدور على مره لرجلج صحيح هالحجي اني من كاللت هيج مسمار واندك بنعش روحي متت قهر احتاريت شجاوب ممعقوله هيجي ناس عدهم جرح المشاعر عادي كلش ونقل الحجي والتفنن بصياغته بدون ضمير كلش سهل كتله اني ماابيه شي واكيد هي امه ومتنطي بي شايفتلج ام تنطي بابنها وبعدين اني ماراجعت طبيبه ولااي شي هاا مو خاف ملزومه او بيج شي كلشي مابيه عيني الحمدلله هالخرافات والتفاهات هي اني ماامن بيها الرزق كله يم الرب الكريم هو وحده الي يرزقنا واكيد اله حكمه بيها مارزقني الحد هسه ... حاجيتهه بحديه وخليته تل** شكد اكره هيج نماذج متخلفه ورجعيه وتحط روحها بكل شي كامت التهت وي جهالهه امي كلتلي عيب يمه خطار ليش هيج تحاجينهه كتلهه يمه هي شعليهه اخلف مااخلف معليهه عليت نبرة صوتي تعمدت اسمعها اللتفتت الي كالت الله يرزقج عيني وطلعت امي ندستني اني مو يمها حقدت على عمتي اكثر ليش هيج تسوي ليش هيج تحجي عليه تحسبت عليها بقلبي وعلى حسام الي مامقدرني ولا منطيني قيمه حتى اهله يحترموني من يشوفونه مهتم بيه ويقدرني .. وكت الظهر اجه اخويه ابراهيم يسلم ع اهل هناء واني هم سلمت عليه ئكد جنت مشتاقتله بس بداهلي انقهرت كلش لان صار يومين عدهم مااجه شافني ومن سمع باهل مرته اجه وايديه متروسه يمكن بداخلي كلش انقهرت بس مابينت هالشي كدامهم كلت كافي اسمه بالدنيا وهو اخويه الوحيد خلي شميسوي اني مابيدي شي واتمنى اجي ع طول اشوفهم بس الضروف صعبه وتحكم ... بس هو ليش ميجي يشوفني واني هسه يمهم ولاحتى يكلف نفسه يتصل يكول خيتي شلونج .. وكت الظهر صبوا الغدا جانت السفره متروسه سمج والي مياكله مسوين دجاج ودولمه الخ ... كعدنا اكلنا وخلصنا بعد مااحتكيت بيهم صرت اضوج من التجمعات حتى لايسالوني سؤال يضوجني للعصر راحوا وبقيت يمهم اني كلت شويه واخابر حسام ولو ادري بي ميجي واذا مااجه اخابر رقيه تحاجي وسام يجون عليه .. بس قبل لااخابر دك تليفوني رفعته رقيه كلت الو جاوبتني وهي تبجي ولج عمتي ماتت لطمت على وجهي شوون اي ولج تعاي الناس اللتمت علينه راح يجيبون تابوتهه وسدته مني اني بساعتهه نسيت كل شي سوت ويايه وانقهرت عليهه ظليت ابجي بحركه هذا موت والموت مابي شماته بعد رحت على امي وهناءوكتلهم لبسنه بسرعه وطلعنه اخذنه ت**ي من الشارع ووصلنه البيتنه نزلنه من الت**ي الزلم واكفين بالباب ظلت عيوني تدور حسام بهالحظه تمنيت اشوفه بيا حال هسه هو ابقى يمه احضنه واواسي بس مشفته طبينه للبيت مليان نسوان تفاجئت هي شوكت ميته عمتي واني ماادري ولااحد حجه ولااحد كال واعرف حسام طبع بي ميخابر ظلت حوسه بيه اريد اعرف شون ماتت عمتي وهي كولشي مابيهه قبل لتروح للزياره جانت فرحانه وتخطط تزوج حسام هسه بلحظه وحده سمعت عنها ميته لا ماصدك شهالدنيا هي معقوله هيج بلمح البصر ... رحت اليم رقيه الطم ع وجهي واكوللها وج اشون ماتت مكلوبه بيهم السياره ع طريق السريع وصايرين مناثر لحم هي من شوكت واني ماادري من 5ساعات ولج نسيت اخابرج جنه نحجي ونبجي بعدهه طبوا علينه حمواتي اثنين ومرت حماي حازم جايين من بغداد وكبت العيطه ماجابوا التابوت اله بعد مرور ساعات وبعدهه شالوا وراحوا دفنوها كلشي مفتهمت من العزا كله هوسه بهوسه وخلص العزا والايام تركض ركض بثالث يوم الفاتحه كعدت افكر بعمتي وشون جانت تخطط تضرني وتزوج حسام بس الله فوك وهو مدبر الامور بعد الفاتحه بقوا يمنه حمواتي ومرت حماي وبعد مرور شكم يوم يله كدرنا نتنفس من الفجر نكوم ع الشغل وحتى حسام مشفته ولاالحكت اكعد يمه بعد مرور اسبوع من وفاة عمتي بالليل طبينه دنام جان حسام متمدد ع الجربايه لحيته طولانه ولابس اسود رحت كعدت يمه وهو بقه متمدد كتله حسام راح تنام كال بالله هذا هو سؤال تسالي هاا بس اريد اسئلك سؤال ثاني شنو احجي بعدك ناوي تتزوج عليه منو كال هالحجي قبل لتموت عمتي آء اي انت تدرين ماارفض لامي طلب واحب اسايرها يعني ماراح تتزوج عليه كافي عليه خبله وحده نوب اثنين فرحت ونمت ع ايده وبسته من خده باوعلي وغمض عيونه وراح بسابع نومه وظل يغرد اعتبرته تغريد مو شخير هالكد مافرحانه شكد جنت مهمومه وشايله هم جبير ع كلبيي خايفه لايتزوج عليه ويطلكني وجان بالي رايح البعيد يمكن يخلف ويمكن اطلع عاكر بلحظه الله ف*ج همي وبعد العسر يسرى حسيت بحب يغمر كل حواسي اتجاه حسام وهو نايم صح ماذيني وميهتملي بس هو زوجي وجزء من كياني ولا ذلة مرت اخوي يوم ثاني كعدنه وكت سويت اله ريوك ورحت اخذته للغرفه طبيت علي جان ديبدل كتله يله حبيبي تعال تريك ظل يضحك ويهف بايده كتله شبيك اني شبيه لو انت اني مابيه شي ليش شنو الي مبين عليه ماكو شي بس رايحه زايد ليش لان دادللك ههههههه اي رايحه زايد مو انت زوجي وحبيبي وخيمه على راسي الله يديمهه هي لان كتلج ماراح اتزوج سكتت وكعدت بالارض يم صينية الريوك وبقيت ساكته بس مقهوره ليش هيج ديستهزء بيه ومعاجبه مني شي نوب اني شون ادلعه واكبر براسه واكوله خيمه انت ع راسي تحسرت لشوكت راح تبقه هي الخيمه لو هم يجي الهه يوم وتبيدهه رياح الزمن وتمزقها اشعة الشمس مثل خيمه بالصحراء كمت ...احس كرامتي نجرحت ردت اكوله تريد شي بس مكلت طبيت بالفراش وتلفلفت وهو كعد يتريك ظليت اللوم بروحي المن اكبر راسه واسويله قيمه وادلعه وهو ميستاهل نمت والدمعه بعيني مرت الايام ورجعت حياتنه عاديه ورجعت اخيط واجمع فلوس صار كل همي هذا ونسيت سالفة الخلفه وحسام ماعاد فتحهه يجي تعبان وضايج على امه كوه يتحاجه واني ابد ابد مااطلب منه شي. . بيوم جنه بالبيت وطب علينه حماي حازم وبقه يمنه لليل تعشينه وكلمن راحت الغرفتهه اني ورقيه دقايق وسمعت صوت عيطه بين الاخوان تلاثتهم طلعت اشوف شكو اسمعهم بينهم يتصايحون وحسام مبين فاقد كلش ويصيح باعلى صوت رحت يمه حاولت اهدي جان تصرفي بعفويه لان خفت عليه دفعني كدامهم خجلت وطبيت للغرفه بعدها احتدم النقاش بينهم وعلى صايحهم بس مجاب نتيجه جانوا يحجون بالشغل بس اني مجنت افهم ع حجيهم راح بالي لبعيد كلت خاف يردون يزوجونه وهو رافض او الع** صار هذا الموضوع يوترني كللش ومأرقني ومتعبني نفسيا كله من عمتي الله يسامحمها بقبرها زرعت بروحي هي الخوفه ثواني وطب حسام ضايج كلش كمت بوجهه اريد افتهم شكو شبيهم كتله هاا شكو شبيك ليش تصيح دفعني مره ثانيه وظل يصيح بوجهي وهو شونه من يصيح من صدك يخليني اكرهه. . كال ببره حاده وانت شعليج وليش تدخلين روحج بين اخواني وشغلي هاا ولج وظل يسبني ويسب اهلي وغلط وفشار مامفروض يكولهه لمرته الي هي عرضه كرهته وكرهت روحي ولعنت الساعه الي جيت بيها للدنيا وصار مكتوب ع جبيني اني اتزوج حسام ولعنت القسمه الورطتني بي ... هو راح نام وترك دموعي ع خدي بالله هسه هذا هم يتسمى زوج الي المفروض يكون كل شي الي بقيت الليل كله كاعده ومكا**ه خياطاتي وارتب بيهم نمت شويه والفجر كغدت سويت اله ريوك ورديت نمت كعدت ب8هو ماكو كالعاده طلعت بره الغرفه شفت رقيه صبحت عليهه وكعدنه نحجي .. كالت حازم يريدنه ننتقل البغداد ورجلج مو قابل وسام موافق واحنه عاجبتنه الفكره وهم اروح هناك كلهم بقيت صافنه .. اني حمواتي هناك ابغداد وعن طريقهن صرت الحسام لان هم جوارين عمتي اخت ابويه ورادوا مره الحسام وكالتلهم عليه وصارت القسمه السوده جان وسام وبألحاح من رقيه يريد ينتقل البغداد بس عمتي وحسام مموافقين ع الموضوع حسام جان رافض رفض قاطع ان نروح لبغداد مااعرف ليش ... يمكن جان حاس بمنيته حتكون هناك وبعد وفاة عمتي وسام ورقيه اصروا ينتقلون وبما ان شغل وسام وحسام مرتبط ببعض وميصير ينفصل مرت الايام وبده حسام يلين للموضوع وبده يوافق وكعدوا هو وسام يخططون شون ينقلون شغلهم هناك اني جنت ضايجه لان راح ابتعد عن امي وادري صعبه جيتي بعد لهنا ومستحيله ع** رقيه الي جانت فرحانه راح تصير قريبه لاهلهه قرب وقت الانتقال واني وي كل يوم يقرب قلبي ينقمت وينعصر ومية فمره تجي ابالي وظليت اشكي الرقيه هنا تعودت وصار عندي زبائن ورزق خير من الله شون اروح الهناك رقيه كالت لتضوجين اني عندي معارف كومه هناك ادليهم عليج يخيطون يمج كتلهه ماشي بقى بس اسبوع ونروح جهزنا كل شي وخلصت طلبياتي وسلمتهه الهم وحاسبتهم واستلمت فلوسي وضميتهم ... حسام منتهين منه مايوديني لامي اشوفها لو شميصير نخيت رقيه وكالت النه طلعه للسوك نوديج بدربنه حضرت نفسي وطلعت وياهم وصلوني لبيت هناء نزلت يمهم ورحت شمرت نفسي بحضن امي شكد حاولت ماابجي شكد حاولت اقوي نفسي مكدرت مو الهالدرجه اني قويه دمعت عيوني وجوتني وامي تعرفني بدون مااحجي الهه كالت شبيج يمه بيج شي يمه ماكو شي انت شونج اليوم زينه ضغطج شونه سكرج كلشي زينه ييمه بخير انت شونج شبيج مدمعه اريد احجي طبت هناء وكمت سلمت عليهه وكعدت يمنه كالت شبيج عيونج مدمعه اللتفت لامي كتلهه يمه بعد اسبوع نطلع البغداد اي يمه ترجعون بالسلامه لا يمه مانرجع راح نكعد هناك على طول هاا يمه بيهه الخير لعد شسوين يمه لازم اتبعين رجلج وهي هيه بغداد ساعتين زمان انت يمنه مر اليوم ومااكدر ماابوس ايدهه راسهه واحضنهه اريد اشبع منهه ماكو وهي تصبر عليه بس احس بشي بيهه حابسه قهرتهه عليه بداخلهه امي مثلي او اني مثلهه كلشي احبسه بداخلي ومابينه لاحد مر اليوم واجه اخويه ابراهيم وفرحت اشوفه وجتي ويا مرته وجهاله شفتهم وكعدت يمهم وداعيه خاف اطول ومااشوفهم بعد اخويه كعد يحجي وطلع فلوس استغربت منهم كال امي كلتلي ابيع المحل مالت ابوي وهاج هي حصتج تشكرت منه كتله خليهم يمك انت بحاجتهم اكثر امي كرصتني كالت اخذيهم انت هم خاف تتحتاجين ولزمن وهالزمن كلشي توقعي منه استحيت وخذيتهم بعدهه امي خذتني للغرفه وحطت بيدي فلوس هي بكل روحه الي الهم تنطيني فلوس اكللها مااريد تكولي لااخذيهم يفيدونج للزمن جانت تشوفني مااشتري شي وحسام مقصر وياي وحتى ميوصلني الهم عرفت طبعه بخييل بس هالمره الفلوس هوايه كتلهه هي شنو يمه اخذيهم هي من حصتي مال المحلات يمه شسالفه خليهم الج اني عندي راتبي مايحتاج مااريد انت ييمه شابه وتحتاجين ورجلج اخخ رجلج تره اني ادري بدون متكوليلي بس يايمه ميصير مااريد عفيه خليهم الج اني انطيت منهم الجهال اخوج اليتامه وانت هم يتيمه وهي حصتج مني بوست راسهه يبعد روحي ييمه وبجيت والله اتمنى اكعد عندج العمر كله يمه بس يصير عندي بيت وحدي اخذج يمي اني عندي طموح كلش جبير اكمل دراسه واتعين واشتغل واخذج يمي الله يفتحها بوجهج بعد روحي ضناي انت وبجت اني مسحت دموعها بيدي وكتلهه يمه ليش خليتي ابراهيم يبيع المحلات خطيه يسترزق من ايجاراتهم وهو شبي وهسه مرته تعينت وهو خير من الله واشتره سياره جديده وصاروا احوال اي هي على عيني من جنت وياكم جان طاكهم الفكر بس تزوجت صاروا احوال لعد اني شكد فكر يابنيتي الدنيه كل يوم بحال ومحد يبقى على حاله الله هو الي يغني الفقير الله يفتحها بوجهج بوستهه وبعد حضنتهه ولااريد افاركهه كلش كلبي انعصر عليهه طلعنه يمهم وتغدينه وللعصر كلت لابراهيم يوصلني اذا ابقى منو يرجعني ظليت اودعهم واحد واحد وابوسهم وصلت لامي حضنتهه وبوستهه شهكت بجي جانت ضامه كل القهر بكلبهه وصلت اللحظة الوداع وظلت تبجي ماتحملت وكعت بالكاع وكعدت يمهه ابجي جانت طول اليوم تتظاهر بالقوه وعدم الاهتمام حتى لاانقهر اني لان جانت الدمعه بعيني طول اليوم شكد اريد ابقى بحظنها ميكفيني الدهر كله ولااشبع من ريحتهه واخيرا كالت يله روحي يمه وظلت تدعيلي صعت بالسياره وعيوني تهل دمع واشوفها واكفه بالباب متت قهر عليهه وحركت السياره وهي تاشرلي بايدهه وكلما تطول المسافه زيد دموغي وتحركني هالكد ماحاره وصلت للبيت ودخلت للغرفه طلعت الفلوس بس مااحس فرحانه بيهه فراگي عن امي **ر فرحتي بكل شي ماجان الي واهس الكل شي الغرفه جانت مهووسه كمت رتبتهه واباوع ع الفلوس وماادري محتاره شسوي بيهه بقيت افكر اني هم عندي فلوس ضامتهم اني بطبعي مااصرف لان ماطلع للسوك وشغلات خياطي كله رقيه تجيبهم الي لان دوم تطلع وي وسام او وحدهه وي جهالهه بقيت ساعه افكر شسوي كلت اشتري بيهم ذهب رحت على رقيه وصيتها اذا تطلع للسوك تكلي كالت شعدج وكتلهه ع تفكيري كالت قسم اشتري بي ذهب وقسم سوي ورق دولار احسن كتلهه خوش ميهم يوم ثاني طلعت هي وسام وسوت الكتلهه عليه وجابتهم الي جيكتهم وضميتهم كلما يقترب موعد روحتنا البغداد حسام كله ضايج وطاكه روحه اجه بالليل قبل لنروح بيوم وكعد ع الكاع ومد تك رجل ورجل الثانيه ثانيهه وضايج مااهتميت اله اني واللتهيت اسفط بالغراض واكترهم كال فرحانه كتله على شنو ع الشيله ليش هو شنو بيهه يفرح هاا اكول ؟؟!!عبالي انت هم فرحانه وتردين تروحين اني غير اتبعك وين متروح اروح مو انت زوجي ورحت كعدت يمه كال تهي بهي ويهف بيده كال انت هم حاسبه روحج مره تن*دت وصكيت اسناني بغضب وياهه غمضت عيوني حسيت بقوه لازم ارد عليه كتله شتريد حسام الي يريحك شنو بس كوووووول تريد ذاك الدرب للمحكمه روح طلكني كبل لاروح لبغداد وفضها ارتاح منك وترتاح مني ونخلص من هالقوانه المجروخه مالتك ...... يتبع ....

Free reading for new users

Scan code to download app

App Store Google Play

Facebookexpand_more