اتصال من غاضبة ٧

1458 Words

صرخات محبوسه صرخات محبوسه ‏ثم يمر بك ذلك الموقف الذي يتطلب منك أن تبكي، ولا تبكي، شيءٌ ما في داخلك اعتاد على الصدمات. رحت اتعثر بالمشي وادور على الفون طبيت للغرفه لكيته ورحت اركض وادوره وين ع صوت صياحه شفته يم باب الهول خليت بيده التليفون ورجليه صارن خيوط ماحملني .. كعدت بالكاع هو اخذ التليفون مني ويدوس بي شمره عليه .. كال طلعيلي رقم واحد من اخواني ماعندي بس رقم رقيه وهيفاء كتله بخوف ورجفه ظل يصيح اي احد منهم دكي علي بيدين ترجف طلعت رقم رقيه واتصلت بيها سمعته دك كمت انطيته النقال خليته بيده خمطه مني رجعت كعدت وخليت ايدي على راسي احس روحي بدوامه اسمع صوته يحجي بصياح رقيه انطيني وسام بسرعه .. تعااال وسام وجيب حازم ولك اتعاركت .. وسداه واجه شمر عليه التليفون وكال كله منج يالبومه هي كلها من جوه راسج نزع البدي مالته المشكك وشمره وراح للحمام كمت رحت للمطبخ وخليت ايدي ع خدي وصفنت يربي شنو صار وليش تعاركوا وعلى شنو هو بزون ينطيهيا ويجي ع شنو هالعركه .. اندگت الباب وهو راح يركض للباب طببهم بالهول وظلوا يحجون ماافتهم من صياحه شي طب وسام للمطبخ سلم عليه كال سويلنه جاي كتله ان شاءالله سويت جاي ورحت وديته وسلمت على حازم ورجعت للمطبخ كل الي افتهمته بانهم متعاركين ويا يعني مو بس واحد وموبس احمـــد لا مجموعه اسمعه يكول لأخوته استفزوني وسووني مضحكه ماتحملتهم وض*بت واحد منهم والتموا عليه وض*بوني وهسه اريد اشتكي عليهم لو أكاومهم وبقوا اخوته يسكتون بي ويهدونه يكولوله احنه ماعدنه مشاكل وي احد واسكت مااريد مشاكل اكثر ض*بتهم ض*بوك هاي هيه خلص كللهم تليفوني ماادري اخذوا ماادري وكع يمهم مو مشكله سهله سالفة التليفون كلشي واله حل .. قنعوا بأن يسكت بس ياترى هل راح يسكت لليل كلش راحوا اثنينهم .. وحسام يباوعلي ويخزر اني معندي غير السكوت والدعاء للربي بأن يكفيني شر هاي الليل ومابعدهه .. نام حسام واني روحي تلوب مااكدر انام وماانكر جنت مقهوره عليه واباوعله وهو نايم كل هذا بسببي اني غ*يه وثوله وماحافظت على بيته وممتلكاته بغيابه والوم بروحي انتبهت على عينه زركه مثل عيني بالضبط وهي نفسهه اليسرى ظلت اسئله تجي ابالي وكلشي بالنسبه الي مبهم وجانت الاجوبه على اسئلتي باليوم الثاني جان لكل شي اجابه . نمت بوقت متأخر والصبح كعدني حسام بصوت خشن وغاضب كومي ولج سويلي ريوك كمت سويت اله ريوك وردع ارجع انام مكدرت بقيت كاعده .. طلع حسام وبقيت اني ارتب بالبيت واشتغل للضحى دك تليفوني رفعته رقم غريب جاوبته خاف احد من اهلي .. - الووو - الو زهراء .. -اي اني زهراء منو انت - حلو اسمج زهراء - شنو داكوول منو انت - ع كيفج انت ليش هيج معصبه ومتوتره دائما دنحجي بهدوء . - غير اعرف منو انت وشرايد . - اني احمد ... - احمد منو - هه جنت يمج البارحه العصر الي لولو ع كولتج يمي - منين جبت رقمي وشرايد مني وشون عرفت اسمي - ع كيفج وحده وحده تليفون رجلج يمي بقه من البارحه وعرفت اسمج من المسج الوحيد الي موجود بتليفونه - وهسه شرايد مني وليش ض*بت رجلي البارحه - داانتقم الج شفتي الض*به بمكان الض*به الي ع عينج - وانت منو وكلك محامي دفاع عليه يابه اني زوجي انت شكو وبعدين منو كلك هو الي ض*بني اني تعورت - لا مبين هو الي ض*بج كلشي واضح انت تذكري كلامج من جيتي ع البزون مو كلتي يكلب الدنيا ؟ - وهسه شتريد مني - اريد نكون اصدقاء فقط لاغير شنو رأيج - لك اني متزوجه شنو اصدقاء مو عيب عليك - اني كلت اصدقاء مكلت غير شي - واحنه وين عايشين وين اكو صداقه عدنه - انت الي وين عايشه وليش ماكو صداقه اكو بس بعدها مو صلت الج - هاي الصداقه مموجوده بقاموسي ولا تسمح الها تربيتي واخلاقي وليش دتطلب صداقتي - دااشوفج مظلومه ومحتاجه احد يوكف بجانبج - وانت شمدريك شنو شميت ايدك وعرفت - لان قريت كلشي بعيونج عرفت كلشي عنج من خلال نظرات عينج هاي العين الي المفروض متنض*ب بهالوحشيه ابد .. حسيته ديض*ب ع الوتر الحساس متحملت منه كلام ابد قلبي ظل يرجف اخر شي كتله اني اصلا دااكبر براسك وجاوبتك مفروض اللبسك اتركني اني متزوجه وسديته بوجهه كلماته اقتحمت روحي ثواني ووصلني مسج فتحتها من نفس الرقم هو هذا هم حاسبته زوج لاخلقه ولااخلاق حتى حرف ال ش ميلفظهه يسويهه س لا والحفر الي بوجهه شون متحملته ههه هههه ههه وفوگاهه يض*بج عمود بزونه ويخليج متحمله مسؤؤلية البيت وحدج .؟ ماادري اضحك ماادري شسوي لو اكول الحسام عليه لا شكوله انوب يطلعني اني المو زينه اسكت احسن وانوب كلما يخابر مااجاوبه بقى طول اليوم صوته يرن بأذني صوته حلو رجولي وكلما يجي ع بالي اخجل من نفسي اني شون افكر بي بهالطريقه لازم اطلعه من بالي .. صرت اعذب نفسي اذا يجي ع بالي اكرص روحي اركع راسي ع الخفيف .. وهيج خلص اليوم واجه حسام وصبيت اله الغدا وهم حجي احمـــد ع بالي عمري مركزت بلكنة ال**نه الحسام ابد اليوم لا ركزت بي وشفت صدك ميلفظ حرف الشين ويسوي س هو كاعد بالكاع دياكل اني كمت ع السنك ونطيته ظهر وظليت اضحك الله لينطيك احمدو .. شر البلية مايضحك بعدها خلص كال صبي جاي كتله خوش رحت صبيت جاي وجبته وصفنت بوجهه صدك اكو حفر بارزه بس اني مجنت مركزه بيهن او عادي متعوده اشوفه بهالشكل يس اليوم صارت كدامي كل عيوبه وهم ظليت اضحك بوجهه باوعلي ورفع حاجبه كال - شبيج تضحكين - ليش ميصير اضحك - من تضحكين تصيرين محلوه - ليش اني شوكت حليت بعينك سكت وظل يشرب الجاي ويطلع صوت اني انتقم من هاي الحركه رحت الهي روحي بأي شي وتذكرت احمد وشون اوخره من حياتي كلها لازم اقلل طلعاتي للسوگ وخلي حسام غصبن عليه يروح يسوك گتله - حسام اني مااطلع للسوك انت تسوك - شنو شنو وليش يابه ماتطلعين - مااشوفها عيب اطلع افرفر بالسوگ - حتى هاي مادبرتيها ادري انت شكد فاهيه الخاطر الله - لعد خصص مبلغ للمسواك مال البيت مو اني هم ماعندي واريد ارجع ذهبي من عمتي حس شويه - ولج خليني ساكت بومه مكافي البارحه الصار كله منه جوه راسج ميهمج بس ذهبج طاح حظج وطاحظها من عيشه خله الاستكان مال جاي بقوه ع الارض وكام ويفر بأيده بالاول من جنت اشوف تصرفاته هيج كلت يتغير وتهون واصبر نفسي هسه وصلت المرحله اندب بيها حظي شسوي بعد .. هاي حياتي وتعودت عليها .. اجه مره ثانيه للمطبخ يحجي ومعاجبه العجب - تردين انطيج فلوس مكيفه هذا البيت منو بناه - حسام ليش تنكر مساعدتي الك لك مانطيتك الف والفين ولك بالملايين والهسه ذهبي محرومه منه . - هذا الهامج متفكرين بشي غير ذهبج عبالج شايله البيت على راسج متفكرين اني اجور الخط والكهرباء والمي عليه واغلب اكلي بره البيت متعاجزه من لگمتي لعد المن فاتحتلج مشغل ابيتي وتشتغلين بس تضمضمين .. تحسرت وسكتت غسل وبدل وطلع بقيت بحيره من امري وهذا احمد صار هاجس مااعرف شون سيطر عليه مجنت خايفه منه بكد ماخايفه من نفسي اغلط ويا .. بعدهه مااطلع للسوگ الا لم احتاج كللش وحسام مااگوله ماريد اسمع كلامه المزعج واهاناته تعبت وشوقي لامي تعبني اكثر محتاجه الهه هواي من اخابرها مااشبع منها ابد بيوم احتاجيت اطلع للسوك شغلي يحتاج اختار شغلات بعنايه مو مال اوصي احد عليهم خلصت كل شغلي ورحت بدلت ملابسي لبست عبايه اسلاميه وشال جوزي مشجر ببيجي وبس خليت كحل وقفلت الابواب وطلعت وادعي مااشوف احمد ربي مااشوفه مشيت الطريق كله ووصلت لبيته مشفته الحمدلله بقيت اباوع للبيت وبقلبي اتسائل ياترى متزوج لو لا عنده وحده يحبها منو عايش ويا هنا نسيت روحي واني امشي وافكر بي وصلت للشارع و قريب اوصل الصيدليه شفت سيارته طبكت يمها ونزل اني تخربطت فقدت توازني كله هو عرفني وتقدم مااعرف شصار بيه وكفت اريد اعبر للسايد الثاني تشتت انتباهي قلبي ظل يرجف مو يدك وشويه اله جان دعمتني سياره ورحت بيهه جانت قريبه مني السياره كلش وشويه جان سويت حادث متت من الخوف عبرت الشارع بعد حتى مكدرت اتحرك وكفت بمكاني جانت سياره صافه خليت ايدي عليهه ولزمت قلبي بالايد الثانيه اتنفست شويه غيرت الهوه البريتي باوعتله ماكو يم سيارته بقيت اسبه بقلبي الله لينطيك اللتفت شفته ورايه ديتمشى خررب هذا كلش مصخها وصارت بلا ملح شعده جاي ورايه مو يريد ينزل للصيدليه مالته احتاريت بين ارجع للبيت وبين اروح للسوك شفته قرب مني باوعتله خليت عيني بعيونه وخزرته كلت اخلي ابين اله بان اني مخايفه منه ومشيت بطريقي وطبيت للسوگ وكلما اللتفتت هو ورايه مفارگني . شكد حاولت اخلي ميأثر عليه مگدرت كلش توترت حاولت ماادخل بمكانات اخلي يختلي بيه اخذت الشغلات الي اريدهه وطلعت بس كلش متوتره ومعصبه منه .. اتمنيت اوكف ويا واض*به طلعت من السوك وهو ورايه بعدهه مشيت بطريقي ومااللتفتت اله ابد وصلت للبيت فتحت الباب كوه روحي وكل جزء بجسمي تصيح تعبانه شمرت الغراض ونزعت شالي متت من الحر .. طلعت التليفون وطلعت رقمه بعده موجود بقائمة المكالمات ماحذفته واتصلت بي دك وجاوب كال الوو .. يتبع .. ‏يؤلمني أن قلبي لم يعُد يتحمّل، وأن روحي ما عادت تتلهّف إلى شيء، وأن ابتسامتي لم تعد تحب الظهور حتى مجاملةً، تؤلمني الكثير من الأشياء من بينها فكرة أن أبدو ثابتًا من الخارج بينما تُقام مجزرةً داخلي كل ليلة...

Free reading for new users

Scan code to download app

App Store Google Play

Facebookexpand_more