Hindi magkamayaw si Seb sa mga kwento ng naging karanasan sa pamamasyal kasama ang kanyang ama at tiyahin.
"Sayang Kuya, hindi ka sumama. Ang saya pala talagang mamasyal sa mall. Ang lalaki ng mga buildings at kumain kami sa isang restaurant na puro masarap ang mga pagkain. Malungkot nga si Papa at Mommy Selene dahil hindi ka namin kasama. Kaya sana Kuya, ksama ka na namin sa susunod," saad ni Seb sa nakatatandang kapatid na hindi ko alam kung nakikinig sa kanina pa niyang mga kwento. Abala kasi si Santino sa paglilinis ng kanyang bisikleta habang ako naman ay abala sa paghimay ng bunga ng malunggay na siyang aming ulam sa tanghalian.
"Kuya, ang saya pala kapag may Papa, ano? Kinuwento ko nga sa mga kaklase ko na dumating na ang Papa natin. "
"Papa, mo lang siya. Huwag mo akong idamay
