Episode 47
"Simon!"
Malakas kong pagtawag sa pangalan ni Senyorito Simon na kalalabas lamang ng elevator. Kagalang-galang siyang tingnan sa suot nyang three piece suit. Bakas ang pagod sa mukha pero napaka-gwapo pa rin niya. Kasabay niyang lumabas sa elevator ang dalawang may edad na lalaki na parehong may mga makapal na salamin sa mata. Mukha rin silang mga kagalang-galang sa kanilang kasuotan ganun din sa kanilang paglalakad. Naka-taas noo sila at ang mga tindig ay tila mga nakakataas na opisyal. Hindi nga ako nagkamali ng sapantaha dahil ang bawat empleyado na kanilang madaanan ay magagalang na bumabati habang naglalakad sila patungo sa salamin na pintuan na kusang bumubukas.
Kumaway-kaway ako upang agad akong makita ni Senyorito.
Matapos namin dalawin ni Santino sa ospital si Nana
