"Paano po, Manang Lorna kayo na muna po ang bahala kay Santino. Hatiran ko lang po ng tanghalian ang kanyang Papa." Nakangiti kong pagpapa-alam kay Manang Lorna na inaayos pa ang mga dala-dalahan ko. Naisip ko kasing pagdalhan ng tanghalian si Senyorito Simon dahil hindi naman kumain ng maayos kagabi dahil sa tambak na naman na trabaho na inuwi sa bahay. Kaya naman pinagluto ko siya ng pocherong baka na isa sa mga paborito niyang ulam. Pinaka tantiya ko pa ang timpla ko sa mga sangkap upang siguraduhin na masarap. Pinatikim ko pa si Manang Lorna at ayon naman sa kanya ay tamang-tama ang pagkakaluto ko.
"Mag-ingat ka sa byahe, Karen." Sagot naman sa akin ni Manang at iniabot na ang aking mga dadalhin. Kailangan ko na rin magmadali upang makarating agad sa kanyang opisina. Baka abutan kasi
