(A feeling of contentment)
NANG MAKAPAGPAHINGA si Liberty ay agad niyang hinanap si Justice sa kanyang tabi ngunit laking pagkadismaya niya nang makapa na wala na ito sa kama. Tila nasasanay siya na lagi itong nasa tabi niya kaya naman biglang umahon ang kaba sa kanyang dibdib sa isiping baka masanay siya na ganoon ang set-up nilang dalawa.
Bumangon siya saka tinungo ang banyo. Wala siyang suot na saplot sa katawan kaya naman nakahubad siyang pumasok sa loob. Saglit lang siyang naglinis ng katawan at saka lumabas ng silid.
Maliwanag na ang buong sala at hindi na siya magtataka pa kung niligpit na rin ni Justice ang mga ginamit nito sa nangyaring candle light dinner nila.
Ano’ng oras na ba? Napatingin siya sa orasan na nasa center table. Alas otso na pala ng umaga. Late na siya nagisin
