(Stories to tell)
KUNG GAANO sila katagal ni Justice na naglibot-libot sa buong paligid ay hindi na niya alam. Napalaki at lawak ng kabuuan niyon na hindi yata kayang libutin sa loob ng maikling oras. Hindi siya binitiwan ni Justice kahit isang saglit kaya naman pakiramdam niya ay pinag-isa na lang sila dahil sa init na tumutulay mula sa lalaki patungo sa bawat himaymay ng kanyang ugat.
Tunay napakaganda naman kasi ng buong paligid. Kahit siya ay maeengganyo na pagmasdan ang mga nakakaakit na painting sa bawat madaanan nila.
“Ang gaganda ng painting no? Kilala mo ang gumawa?” mayamaya pa ay tanong niya.
“Oo naman! Gawa lahat iyan ng kaibigan kong si Garette. Ang galing niya no? Hindi ko nga akalain na may talent pala iyon sa pagpipinta. Noong una, akala ko lahat ng painting sa VHR ay b
