(Epic failed)
“MISS, magkano ang isang ito?” tanong ni Justice sa hawak niyang isang pumpon na bulaklak. Red roses ang mga iyon at hindi niya mapigilan ang ma-excite sa isiping ibibigay niya iyon kay Liberty.
“Five hundred lang po, Sir,” sagot ng isa sa tindera ng flower shop.
“Sige, kunin ko na.”
Kasalukuyan niyang kinukuha ang wallet sa bulsa nang marahan siyang tapikin ng kung sino. Si Lorcan pala. “Kaya ka ba tumigil dito para sa bulaklak na iyan?” anito.
“Ano ang ginagawa mo rito, bro?” nagtataka niyang tanong kasabay ng pag-abot ng pera sa tindera. Hindi niya inasahan na susundan siya nito matapos ang kanilang pagpupulong ukol sa business venture na pinag-usapan nilang magkakaibigan. Settled na naman ang lahat ng iyon at may mga bagay lang silang idinagdag dahil halos tapos na
