"HINDI DAPAT malaman ng pinuno ang pagbubuntis mo, Siobe. Dahil siguradong kukunin nito ito sa'yo," wika iyon ni Wakan sa gitna ng kanilang katahimikan.
Kasalukuyan na silang naglalakad palabas ng school nang lapitan ni Wakan si Siobe.
"Tama ka, Wakan. Pero paano ang aking tungkulin na dapat ay ako mismo ang makapatay sa kaniya ayon kay Father Monese?"
"Siyempre gawin mo pa rin. Sigurado naman ako na hindi niya agad mahahalata ang pagdadalang tao mo, dahil bago pa lang naman 'yan."
"Sabagay," tanging nasabi ni Siobe at saka ito lumingon kay Kitch na katabing naglalakad si Fudge. "Kitch, palit tayo ng pwesto," wika pa niya.
At sandaling nagtaka si Kitch bago pa man maintindihan ang kaniyang nais sabihin. "Okay lang ba kay Wakan?" paniniguro nito.
At nang sulyapan ni Siobe si Wakan ay
