"Huwag ka na ngang magbulag-bulagan! Kahit kailan talaga Luisa, napakatanga mo! Mateo is cheating on you! May babae ang asawa mo!" galit na galit na sabi nito.
"Kumain na lang tayo ng matiwasay please. Ayoko ng makarinig na kahit na anong kasinungalingan mula sa iyo. Mateo is a good man. Hinding-hindi niya gagawin sa aming dalawa ni Thor iyon," balewalang sabi niya.
Pinipilit niya lang huwag sumabog pero ang totoo ay gustong-gusto na niyang umiyak at magwala.
Gusto niyang magalit dito dahil sinisira nito ang magandang imahe ni Mateo sa kan'ya pero gusto niya rin kabahan. Paano kung nagsasabi nga ito ng totoo? Ano na ang gagawin niya?
Pagkatapos kumain ay kaagad niyang iniligpit ang mga pinagkainan nila pero mabilis siyang sinita ni Travis. "Hayaan mo na iyan."
"Okay lang, kaya ko na
