Seryosong pinagmamasdan ko ang mukha ng babaeng himbing na himbing na natutulog sa tabi ko.
Nabigla ako sa nire-request nito, pero para rito kayang-kaya kong ibigay iyon.
Parang malabo ko nang mahanap at masagot ang mga katanungan sa misyon ko sa mga Soloren dahil sa narinig kong galit na pagtatalo ni Seniora Hilda at Senior Eulo. Nawawala raw ang mga napakahahalagang bagay sa secret room. Ang secret room na hindi ko man lang nahanap sa ilang taong pagsubok ko na maglibot-libot nang palihim sa mansion na iyon.
Tapos malalaman kong nawawala. Hindi sila nababahala ng gano'n kung hindi iyon mahalaga. Pero nasaan na?
Bahagyang nag-inat ang babaeng katabi ko. Nahawi ang kumot na tumatakip sa hubad nitong katawan. Agad dumako ang tingin ko sa likuran nito na kanina lang ay humantad na ng mag
