NANG makita ni Victoria na inayos ni Francis ang suot nitong tuxedo ay tiningnan din niya ang suot na itim na blouse kung okay ba iyon. At nang makita niyang may kunting gusot iyon sa baba ay pinasadahan niya iyon ng kamay para mawala ang gusot.
At nang mag-angat siyang muli ng tingin patungo kay Francis ay ganoon na lang ang gulat niya nang makita niyang nakatingin ito sa kanya.
Umayos naman si Victoria mula sa pagkakatayo niya habang sinasalubong niya ang titig nito. Hindi niya alam kung badtrip pa ba ito o kung hindi na. "Let's go," yakag na nito sa malamig na boses. Badtrip pa yata.
Nang magsimula itong humakbang ay agad naman siyang sumunod dito.
Nang makapasok sila sa loob ng restaurant ay agad silang sinalubong ng isang staff.
"Good afternoon, Sir, Ma'am," bati nito sa kan
