"ANG laki-laki na pala ng tiyan mo, Victoria."
Nakangiting hinaplos ni Victoria ang malaking tiyan sa sinabi ni Yngrid sa kanya nang makita nito ang malaking tiyan niya.
Linggo ngayong araw at bisita nila ang magkasintahan na si Yngrid at si Carlito sa kubo nila. Nasa loob silang dalawa ni Yngrid, habang ang dalawang lalaki naman ay nasa labas at nagku-kwentuhan.
"Magkasama lang tayo kahapon pero ngayon ko lang napansin na ganyan na pala kalaki ang tiyan mo," komento nito sa kanya. "Ilan buwan ka na ba?" mayamaya ay tanong ni Yngrid sa kanya.
"Six months na ako," sagot niya.
Masyadong mabilis lumipas ang buwan. Six month na ang pinagbubuntis ni Victoria. Hindi din naman madali sa kanya ang una hanggang sa pangatlong buwan na pagbubuntis niya. Lagi siyang nagsusuka, lagi siyang nahi
