Naging maayos naman ang unang linggo ko sa bago kong paaralan.
Ang aking mga kaklase ay tipikal na mga kabataan na gaya ko, maingay din sila kapag walang mga instructor o break namin, may kanya-kanya na silang mga kaibigan habang ako ay parang nagmistulang emo.
Isa kasi akong irregular na estudyante at nahuli ako ng isang buwan sa kalse dahil na rin sa hiling ni Daddy noon na magpahinga ako ng isang buwan dahil sa nangyari sa akin.
" Jemuel, kung wala kang kasama ay pwede kang sumama sa amin, " sabi ng isang lalaki sa akin.
" Walang problema sa akin. Salamat sa pag-imbita, " sagot ko sa kanya.
Sa totoo lang ay naninibago ako sa mga nakakasalamuha kong mga kaklase. Kung oras ng pag-aaral, nakatutok sila sa mga lectures, kapag walang mga guro, makukulit din sila at maiingay din. Mg
