Isang mariin at masidhing halik ang muli niyang inilapat sa aking labi bago tuluyang lumakad palayo. Ilang beses siyang sumulyap pabalik sa direksyon ko ng may nakakalokong ngiti si bibig. And me? I stood there dazed. Napakabilis ng mga pangyayari kaya't wala ni katiting na tunog ang lumabas sa lalamunan ko.
"Damn it."
Napasinghap na lang ako nang tuluyan na akong nakapag-isip ng diretso. Tinignan ko ang aking sarili sa body mirror na nasa gilid at napabuntong-hininga. I looked wretched with widened eyes and messy hair. He really caught me off guard this time. Maagap kong inayos ang itsura ko bago pumihit pabalik.
Napuno ng hagikgikan at palakpakan ang buong shop nang lumabas si Nicoleen suot-suot ang kanyang cathedral train wedding gown. Maliwanag ang paligid ngunit nangingibabaw ang
