"What the hell is wrong with you?" Hindi ko na napigilan ang mapasigaw. Marahas kong ikinalas ang braso ko mula sa pagkakahawak niya at tuluyan siyang hinarap.
Nagtitimpi lamang ako kanina sapagkat nasa loob kami ng pamamahay nila, ngunit ngayong nasa labas na kami ay hindi ko na napigilan ang aking sarili. Nakita ko rin ang pagpinta ng inis sa mukha ni Nathan, tila pilit na pinagsasawalang-bahala ang mga nangyari.
"What?" Tanging naging tugon niya sa akin.
"What? Iyan lang ang masasabi mo?" Gigil na puna ko sa kanya at tumuro sa direksyon ng kanilang bahay.
"What was that? Bakit ganon mo trinato ang mama mo?"
"Bakit parang galit na galit ka?" Balik na tanong niya na nagpatigil sa akin.
"This is none of your business, Leontine. Kaya pakiusap lang, huwag k
