NILAMUKOS NI TAN ang papel na nakita sa tabi niya nang magising siya. Hindi niya mapigilang maluha sa sobrang galit na nararamdaman sa pag-iwang muli sa kanya ni Eillaine.
Kinuha niya ang kanyang cellphone at mabilis na idinayal ang numero ni Thad. Alas kuwatro pa lang ng madaling araw ngunit wala siyang pakialam, iisang tao lang naman ang alam niyang tutulong kay Eillaine na iwanan siya.
Matagal bago may sumagot sa tawag niya at nang marinig na ang boses ng kaibigan ay nanginginig ang mga kamay niyang nagtanong dito.
"Where is she?" garalgal ang boses na tanong niya.
Wala siyang nakuhang sagot mula rito kaya inulit niyang muli ang tanong niya ngunit nabigo ulit siyang makakuha ng sagot mula rito.
"For God's sake, Thad! I'm f*cking asking you, where is Eillaine! May kinalaman ka na na
