PINIGILAN NIYA ANG SARILING mapahikbi sa tabi ni Tan. Sa huling sandali ay pinagmasdan niya ang maamo nitong mukha at gustuhin man niyang hawakan ito ay hindi na puwede. Natatakot siyang baka sa oras na haplusin niya ang mukha nito ay baka hindi na siya makaalis.
Sa huling pagkakataon ay tiningnan niya ang mukha nito at masuyong kinintalan ito ng halik sa mga labi nito. Ingat na ingat siyang hindi ito magising pagkatapos ay dahan-dahan siyang umusog sa kama at bumangon. Maingat na maingat ang paghakbang niya at pagkuha ng mga damit niya at dumiretso na siya sa pinto palabas ng villa.
Nagbihis siya sa CR na nasa kusina at mabilis na umalis, hindi na siya nag-abalang lumingon pa sa takot na baka kapag ginawa niya iyon ay makita niya ang mukha ni Tan na nasasaktan sa ginawa na naman niyang
