NANG MAKAPASOK sila sa loob ng kanyang apartment ay agad siyang dumietso sa kusina para uminom ng tubig. Pakiramdam niya ay tuyong-tuyo ang lalamunan niya dahil sa nangyaring engkwentro sa pagitan niya, ni Melvin at ni Tan.
“Are you okay, Yhubz?” Tanong ni Melvin na nakasunod sa kanya.
Huminga siya ng malalim bago tumango.
“Tarantado naman palang talaga ang Mr. Buenapintura na iyon. Talagang pinuntahan ka pa rito para lang guluhin ka,” iritableng saad nito.
“Hindi ko alam kung ano ang gagawin ko sa kanya. Ilang beses ko na siyang iniwasan at pinagsabihan, ngunit ayaw niya talagang makinig sa akin,” aniya. Inilapag niya ang baso sa mesa at naglakad patungo sa kanyang maliit na sala, agad namang sumunod sa kanya si Melvin.
“Kung gano’n bakit hindi ka na lang mag-resign sa trabaho mo sa
