PAGKATAPOS NANG naging usapan nilang tatlo ay nagpaalam na si Melvin sa kanila ni Thaddeus. Inihatid niya ito hanggang sa labas ng elevator. Hindi na pumayag ang binatang ihatid niya ito sa lobby at baka raw naroon si Tan at guluhin na naman siya.
“Pasensya ka na talaga kung pati ikaw nadamay na sa ganitong sitwasyon,” hingi niya ng paumanhin dito.
Natawa ito at pinisil ang tungki ng kanyang ilong. “Kanina ka pa, I told you it’s not a big deal. Mas okay nga iyon, mas mapapalapit ako sa’yo at baka iyon na ang maging daan para magustuhan mo rin ako,” pabiro nitong saad.
“Gusto rin naman kita, a,” nakangiting wika niya.
Sumimangot ito at kunwa’y inirapan siya.
“Gusto mo akong maging kaibigan, yeah, I get that.”
Siya naman ang natawa at tinapik ito sa balikat.
“Wrong. I like you to bec
