Hindi ko alam kung tama ba ang naging desisyon ko. Ngunit maalin man sa dalawa, kung tama ba o mali ay mukhang wala rin naman akong pagpipilian. Mahal ko silang dalawa at totoo iyon. Mula sa puso ko.
Nang gabing umalis ako ng bahay at nakita ako ni Gavin ay nakiusap itong huwag muna akong umalis ng bahay niya. Pinagbigyan ko rin naman ang hiling na iyon ni Gavin.
Pabor para sa aking ang bagay na iyon. Wala rin naman akong alam na pupuntahan. Higit sa lahat ay parang hindi ko rin kayang mag-isa. Wala pa ako sa katinuan kung ano ba ang dapat kung gawin. Sa madaling salita, gulong-gulo ang isipan ko. Lutang pa ako.
Hanggang sa hindi ko inaasahan na inabot na pala ng isang linggo na nasa loob lang ako ng kwarto sa bahay ni Gavin. Tulala at palaging nag-iisip.
"Hey!" tawag nito sa akin. Hin
