AGAD na kinuha ni Yiesha ang kaniyang bag sa desk nito dahil kanina pa siya late sa calling time nila. Ngayon ang araw na magsusukat siya para sa kaniyang gown at doon sila mismo sa tapat ng kompanya ni Axriel magkikita.
Parang kagabi lang sila nag-usap tungkol sa kanilang kasal tapos ngayon nagsisimula nang maghanda ang lahat para sa araw na iyon. Masyado nang huli ang lahat para kay Yiesha kung aatras man siya at dahil magulang niya ang nakataya, hinding-hindi siya gagawa ng kahit anong bagay na makakapagpahamak sa kanila.
Dahil sa labis na pagmamadali ay hindi napansin ni Yiesha si Greige na siyang nakasalubon niya. Ambang babatiin na sana ni Greige ang kaibigan ngunit hindi niya na itinuloy dahil sa bilis ng ginawang paglakad ni Yiesha. Napaisip siya kung bakit nagmamadali ang kaib
