“Kanina ko pa napapansin panay buntong hininga ka riyan,” hindi mapakali si Greige hangga’t hindi niya nalalaman kung anong dahilan kung bakit tila ang bigat nang bawat hiningang binibitawan ni Yiesha.
Nandito sila ngayon sa park upang magliwaliw nang makalimutan nila saglit ang kanilang mga naiwang trabaho. Hindi na masyadong maaraw kaya ang daming mga batang nakikita nila na nagkalat sa paligid.
Umupo sila sa isang bench kung saan walang masyadong tao dahil nasa may bandang huli sila pumwesto. Bagsak ang dalawang balikat ni Yiesha nang balingan niya ang kaibigan.
“Hindi ko nasabi sa kanila ni Mama ang tungko sa promotion,” wika niya sa isang mahinang boses.
“Huh? Bakit naman? Hindi ba’t nagmamadali ka ngang umuwi para maibalita mo kaagad? May nangyari ba?” nag-aalalang tanong ni Gre
