بين الألم والأمل

الفصل السادس

الفصل السادس من الالم

روحت شيراز و أهلها البيت و كانت في حاله سيئه جدا دخلت اوضتها و قفلت الباب من غير و لا كلمه

و فضل ابوها قاعد في الصاله ع الكرسي حزين و م**ور مش عارف يعمل ايه.و أمها دخلت تتوضا و تصلي عشان ربنا يفك كربهم

اما شيراز فضلت تعيط كتير جدا لغايه ما راحت في النوم وحلمت حلم غريب اوي

( حلمت شيراز انها راحت السوبر ماركت بعربيه باباها و دخلت و كان فيه ناس كتر اوي و زحمه جدا و الناس شكلها غريب اوي بس مهتمتش بشكلهم و راحت تشوف هتجيب ايه خدت عربانه و بدأت تروح علي كل قسم تشوف هي عايزه ايه و لاحظت ان كل ما تدخل مكان تلاقي ناس وراها و بيبصوا عليها كانت خايفه جدا و راحت قسم تاني لقت نفس الناس و بيبصوا عليها. اتخضت و فضلت مكمله ومش عايزه تبص علي حد خالص و اشترت كل طلباتها و كل الحاجات اللي كانت محتجاها و لما جت تحاسب عند الكاشير اتصدمت لان فجإه لقت كل الناس اختفت قعدت تبص في كل مكان مش لاقيه حد سابت الحاجه عند الكاشير و فضلت تجري في كل الاقسام تشوف الناس راحت فين بس للاسف مش لاقيه حد . استغربت جدا و بدات تطلع الحاجات اللي جابتها عشان تحاسب و سألت بتاع الكاشير اللي هو كان لابس نضاره و كاب و مفيش حاجه باينه من شكله

شيراز . لو سمحت الناس اللي كانوا هنا راحوا فين و فجاه قلع النضاره و الكاب و بص لها و فضل يضحك ضحك هستيري و رد عليها بنبره صوت مرعبه جدا

الناس اللي هنا كلهم مشيوا يا حلوه يعني مفيش في المكان ده غيري انا و انتي و كمان المكان اتقفل ب ابواب بالكهرباء عشان اقدر اعمل فيكي يا حلوه اللي انا عايزه مش قولت لك قبل كده مسير العود يت**ر بس انتي مش مصدقه يا بنت الدكتور و فضل يضحك ضحك هستيري و فضلت شيراز تصرخ و تجري تستخبي منه في كل حته و فجاه يظهر ادامها فضلت تصرخ و تصوت و تجري علي قسم تاني وتلاقيه في وشها قعدت تحاول تهرب منه في كل حته و كانت في ثواني بتلاقيه ادامها لغايه ما تعبت من كتر الجري وقعت علي الارض و فضل يضحك و يقول لها انا مش هسيبك يا شيراز و قعد يقرب منها و يقلع هدومه و هي تصرخ تصرخ ابعد عني يا حيوان ابعد عني يا مجرم و فضلت تصرخ لغايه ما قامت مفزوعه من النوم و عماله بتترعش و مرعوبه و اتصلت علي احمد و لقيته رد علي طول

أحمد . ازيك يا حبيبتي عامله ايه والله يا حبيبتي كنت حاسس انك هتتصلي والله و كمان كنت قلقان عليكي مش قادر انام غير لما اسمع صوتك و اطمن انك بخير

شيراز . انا بخير يا احمد بس حلمت حلم مش قادره اقولك بجد مرعب ازاي بس حمدت ربنا اني صحيت و جريت اكلمك علي طول هو انت يا احمد بتحبني بجد

أحمد . احكي لي حلمتي ب ايه و بعدين ايه السؤال ده .انا مصدقت شوفتك تاني انا بحبك من زمان يا شيراز والله العظيم

شيراز . و انا كمان بحبك و بطمن بوجودك بس عايزه اقولك انا حلمت حلم غريب اوي و خايفه لانه كان اصعب حلم حلمت بيه كنت دايما بحلم ان في ناس عايزه تخطفني و ناس عايزه تاذيني بس الحلم ده كان صعب جدا حلمت بحد عايز يغتصبني يا احمد و مرعوبه و جسمي بيترعش

أحمد . استغفر الله العظيم يارب وحدي الله يا حبيبتي ده كابوس انا كنت عارف ان اللي حصل ده هياثر عليكي .طبيعي انك تحلمي أحلام وحشه احكي لي بالتفصيل الحلم

( اتفتحت شيراز في العياط و فضلت تحكي له )

أحمد.اهدي يا حبيبتي طبيعي تحلمي بحلم زي ده بس انا عايز اطلب منك طلب ممكن يا روح قلبي

شيراز . اكيد يا حبيبي اتفضل

احمد . انا عايزك تكوني قويه عشان نقدر نرجع حقك يا شيراز مهما كام اللي هيحصل بكره و لما تشوفي المجرم ده تاني لازم تبصي في عينه وكلك قوه واصرار ان اللي عمل كده ياخد عقابه مش عايز اشوفك بتعيطي و منهاره عايز لما يشوفك و يبص في عينك يعرف أن الايام الجايه سواد علي دماغه و يبلغ اللي معاه

شيراز . يا ربي يا احمد يا ربي انت بتتكلم في حاجه صعبه اوي عليا خصوصا اني فعلا مرعوبه مش عارفه هقدر اعمل كده و لا لا بس هحاول يا احمد انا كنت عايزه اسالك سؤال

أحمد . اتفضلي يا روحي

شيراز . اللي حصل لي ده مش فارق معاك بجد.

احمد . طبعا مش فارق معايا غير حاجه واحده بس .اني عايز ارجع لك حقك و ثقتك بنفسك انتي يا بنتي ملكيش ذنب في اي حاجه .متشتغليش بالك ببكره يا حبيبتي و شغلي القرآن ونامي

( بعد ما قفلت شيراز مع احمد كان الدم بيغلي في دماغه بسبب الصور اللي شافها و اتصل ب مروان صاحبه )

أحمد . ازيك يا مروان عامل ايه يا ابني فينك كده

مروان . تمام الحمد لله والله يا احمد ليل نهار شغل لما ادمرت انت فينك واحشني والله

أحمد . الله يعينك يارب .طيب ما تشوف وقت نتقابل فيه ما تيجي تعدي عليا في العياده بكره شويه

مروان . هحاول اجي لك علي بالليل

أحمد . ماشي يا سيدي في الانتظار

تاني يوم الصبح راحت شيراز مع اهلها القسم و كان احمد هنالك و نده عليها الظابط و دخلت شيراز

الظابط . ازيك يا انسه شيراز اتمني تكوني بخير

شيراز. انا كويسه الحمد لله

الظابط .بصي يا انسه شيراز انا دلوقتي هعمل طابور عرض لكام واحد عشان تاكدي الشخص تاني و مش عايزك لا تخافي و لا تعيطي عايزك تقفي و تبصي في وش كل واحد و اللي تتعرفي عليه تشاوري عليه و تقولي لي هو ده

شيراز . خلاص تمام

الظابط . دخل لي يا ابني الطابور .

دخل ٥ أشخاص و قامت شيراز تبص علي كل واحد فيهم لغايه ما وصلت عند الشخص ده و راحت ضرباه بالقلم علي وشه.

المجرم . انتي مجنونه

شيراز . انا مش مجنونه و حقي هاخده منكم يا مجرمين

الظابط . اهدي يا انسه شيراز . خدهم يا عسكري علي الحجز

تم عمل المحضر و مضيت شيراز عليه

الظابط . انسه شيراز عايز اسالك سؤال و انا بعتذر منك بس عايز اجيب لك حقك

شيراز . اكيد اتفضل

الظابط . انتي اتاكدتي انه محصلكيش حاجه وقتها

شيراز . ايوه يا حضره الظابط . روحت عند دكتوره و خدت منها تقرير بحالتي بس اتعرضت للاعتداء الجسدي جسمي كان فيه كدمات و جروح

الظابط . بعتذر منك علي اللي هتسمعيه اللي عمل فيكي كده شخص عايز ي**رك ادام نفسك لانه مكنش عايز يغتصبك بدليل انه عمل لك الكدمات ديه عشان يقولك انه شاف جسمك و للاسف صور نفسه كمان معاكي و هو عمال يضحك هو وصاحبه

شيراز . ايه صورني صورني ازاي

( انهارت شيراز من العياط )

الظابط . ارجوكي اهدي يا انسه شيراز انا كان لازم اقولك عشان تعرفي الموضوع كله لانه هيتحط في المحضر عشان نثبت التهم عليهم

و دلوقتي هيتحقق مع صاحبه و لو فيه جديد هبلغك

شيراز . شكرا يا حضره الظابط

طلعت شيراز منهاره و اترمت في حضن ابوها و امها

كامل . اهدي يا بنتي اهدي الحمد لله انك بخير و محصلش اكتر من كده

شيراز . صورني عريانه يا بابا عشان ي**رني حسبي الله ونعم الوكيل حسبي الله ونعم الوكيل فيهم المجرمين دول

كامل . يا وجع قلبي يا رب والله يا بنتي مش هسيب حقك .و كل حاجه هترجع احسن من الاول يا شيراز صدقيني يا بنتي ارجوكي اهدي

أحمد . اهدي يا شيراز و زي ما عمي قال كل حاجه هترجع احسن من الاول و لا انا كمان يا شيراز مش هسيب حقك بس لازم ن*دي ونصبر

شيراز . ان شاء الله يكون خير يا رب

كامل . ان شاء الله يا بنتي ربك كبير تعالي يا احمد يا ابني روح معانا عايز اتكلم معاك شويه

أحمد . تحت امرك يا عمي

روح الكل علي البيت و معاهم دكتور احمد

كامل . ادخلي يا شيراز ارتاحي عايز اقعد مع دكتور احمد لوحدنا

شيراز . حاضر يا بابا

( بصراحه ما اهتمتش خلاص مبقاش عندي طاقه اصلا للكلام )

كامل . و انتي يا حبيبتي اعملي لنا حاجه نشربها

الام . حاضر يا حبيبي

( دخلت الأم تحضر الشاي و قعد ابو شيراز مع احمد)

كامل . اول حاجه يا دكتور احمد بشكرك علي وقفتك مع شيراز بنتي

أحمد . متشكرنيش يا عمي .انا كان نفسي ابقا موجود زمان عشان ميحصلش كده بس كله مكتوب

كامل. الحمد لله ربنا سترها و مش هسيب حقها

المهم يا ابني شيراز قالت لي انك بتحبها وةعايز تتجوزها

أحمد . ايوه يا عمي و بتمني في اقرب وقت ممكن

كامل . خلينا آخر الاسبوع ده نلبس الدبل و آخر الشهر الفرح انا محتاج حد يكون جمبها و بترتاح له و الفتره ديه فعلا صعبه علي الكل بس هي اكتر واحده محتاجه حد يكون معاها عشان تقدر تعدي كل الارف اللي مرت بيه و انت انسب واحد للمهمه ديه

( احمد كان قلبه بيدق بسرعه من الفرحه )

أحمد . موافق طبعا يا عمي .و كل طلباتها مجابه . شبكتها و شقتها و عربيه خاصه بيها كل اللي نفسها فيه هجيبه و صدقني يا عمي انا هحرص اني ارجع حقها و ارجع ثقتها بنفسها و ترجع احسن من الاول كمان

كامل . انا بنتي ان**رت يا ابني خصوصا بعد ما عرفت انه صورها ربنا يبارك للظابط انه مورهاش الصور كان ممكن تموت من القهر . استغفر الله العظيم يا رب انا السبب في اللي حصل لها زمان كنت بعيد عنها و فاكر ان الفلوس اللي بجمعها هي اللي هتسعدها مش قادر اسامح نفسي يا احمد يا ابني ضميري بيوجعني اوي و قلبي بيتقطع عليها من الوجع يا ابني

أحمد . متحملش نفسك فوق طاقتك يا عمي كلنا عندنا اخطاء عملناها مش لازم نأذي نفسنا احنا لازم نحاول بس نصحح الماضي و منستمرش في أخطاء الماضي وانت بتحاول تعمل كده

كامل . عندك حق يا ابني بس صعب عليا اوي يا ابني ارجوك عوض بنتي عن كل اللي فات ، عوضها عن الحب اللي اتحرمت منه عوضها كل حاجه يا ابني ديه أمانه عندك

احمد . انا عمري ما هسيبها ابدا انا ما صدقت قابلتها تاني صدقني و كل اللي حصل ده مفرقش معايا حاجه والله و .شكرا يا عمي جدا علي ثقتك فيا و هحاول ان شاء الله اكون اد الثقه ديه و بعتذر منك يا عمي انا لازم امشي دلوقتي

كامل . اتفضل يا ابني

( نزل احمد و الفرحه ماليه قلبه و بيخطط للخطوبه )

روح البيت و قلع هدومه و قرر يسجل ل شيراز رساله فويس

( حبيبتي يا شيراز يا نور عيني من أول يوم شوفتك فيه و اتمنيتك تكوني مراتي ، شوفت فيكي الزوجه و الصاحبه و الحبيبه ، ضحكتك و انا شايفها مع اختي كانت بتخلي قلبي يطير من الفرح كنت باخد اجازه من اي حاجه ورايا عشان اشوفك من ورا الباب صدقيني بعد الايام اللي تكوني فيها مراتي ، انا عايز احكي لك علي سر في حياتي ، من ١٠ سنين فاتوا امي جالها مرض وحش كنت ببكي و انا شايفها بتموت ادامي و مش عارف اعمل لها حاجه خدتني في حضنها و قعدت تقولي يا احمد أقدار ربنا بتتوزع و بكره يا ابني ربنا يعوضك عني خير .حد يدخل حياتك و يعوضك الحنيه و يهتم بيك و ضحكتك هترجع لك تاني صدقني يا احمد ، اول ما جيتي لي العياده افتكرت كل كلام ماما علي الرغم انك كنتي جايه محتاجه مساعدتي بس متعرفيش انك كنتي النجاه ليا ، اول ضحكه ليكي رديت لي روحي ، و اول حضن منك عوضني الدفا اللي اتحرمت منه ، حسيت اني طفل رجع لحضن امه ، محتاجك اوي يا شيراز ارجوكي اوعي تتخلي عني ، انتي كل حاجه ليا في الدنيا ، انتي عوضتيني يا شيراز عن أمي و اختي. بحلم بحياتي الجايه معاكي و اولادنا لازم ننسي كل اللي فات و نقوي ببعض لازم نعدي كل الأوقات الصعبه ديه ، ارجوكي يا شيراز أول ما تسمعي رسالتي كلميني

( فتحت شيراز التليفون و لقت رسالتين واحده من رقم غريب و التانيه من احمد ، يا تري مين اللي بعت لها ده اللي هنعرفه الجزء اللي جاي )