بين الألم والأمل

الفصل الخامس

الفصل الخامس من الألم الي الأمل

حطها دكتور احمد ع السرير و غطاها و اتصل ب ابوها و حكي له انها كانت منهاره جدا لانها اعترفت لهم اخيرة باللي حصل و قالهم انها راحت في النوم و أول ما هتقوم هيروحها

كامل . انا بشكرك يا دكتور احمد علي امانتك و علي انك كلمتني و انك مهتم بيها و جيت تاخدها في الوقت المتأخر ده شيراز كمان حكت لي انك عايز تتجوزها انا منتظرك و مترحب بيك في اي وقت يا ابني مناسب ليك تعالي و نتكلم في التفاصيل

دكتور احمد . انا بحب شيراز يا عمي من زمان و بتمناها و صدقني كل اللي حصل لها ده مفرفش معايا في حاجه انا هجيب لها حقها و وعدتها اكون سندها و امانها

. هرجع لها ثقتها بنفسها ان شاء الله. بس ارجوك يا عمي بلاش حد يتكلم معاها تاني في الموضوع ده و انا صدقني هجيب حقها و هبلغك بكل التفاصيل .اهم حاجه تكون في اقرب وقت مراتي عشان اللي بيحاول يخوفها يعرف ان ليها راجل عايشه معاه .و خصوصا لما يعرفني كويس اوي و يعرف وضعي مش هيقدر يقرب ناحيه شيراز تاني

كامل . ماشي يا ابني ان شاء الله تيجي و نتفق و آخر الشهر تكون عروسه في بيتك ان شاء الله

دكتور احمد . يارب يا عمي يارب

( بعد نص ساعه صحيت شيراز و كانت م**وفه جدا من نفسها )

شيراز .انا اسفه يا احمد مش عارفه ايه اللي جري لي .حاسه اني زي اللي عطشانه بقالها سنين و مش لاقيه حد يشربها و ما صدقت بجد انت متعرفش حياتي قاسيه و جامده ازاي ارجوك متزعلش مني

أحمد.متعتذريش يا شيراز.لو تعرفي منعت نفسي عنك ازاي . مكنتيش قولتي كده . انا كمان بحبك و نفسي اتجوزك في اقرب وقت ممكن . بس لازم احافظ عليكي و الاهم لازم ارجع لك حقك . و فرحان جدا اني بقيت المكان اللي بتهربي بيه لو انتي تعبانه أو مدايقه

شيراز . انا قصد اني اتصل بيك عشان تسمع بودنك الحوار اللي هيدور بيني و بين اهلي . عشان تكون في الصوره و تعرف تتصرف و تتعامل علي انك متعرفنيش و ان ديه أول مره اروح لك فيها

أحمد . انا فهمت طبعا أول ما اتصلتي عليا و سمعتك وانتي بتحكي وصدقيني كنت مدايق جدا لاني و الله كنت حاسس بوجعك يا شيراز بس للاسف مكنتش معاكي و علي فكره انا اتصلت ب باباكي و قولت له انك معايا عشان ميقلقش عليكي و قالي انه مستني اجي اطلبك ونتجوز آخر الشهر عشان كده انا يوم الجمعه هاجي ازوركم و نتفق علي كل حاجه .بس دلوقتي لازم تروحي ترتاحي الوقت اتاخر و حاولي متحتكيش بحد في البيت حتي لو حد حاول يكلمك عشان اي مناقشه في الوقت ده هتقلب بخناق و كلام هيوجع الكل

شيراز . اوكيه يا احمد هروح يا سيدي بس بشرط

دكتور احمد . اممم شرط ? شرط ايه

شيراز . تاخدني في حضنك دلوقتي . لازم و ضروري أو مش هروح و ساعتها بقا هتجيب لنفسك وجع القلب

دكتور احمد . حضن ? يا بنتي بلاش بلاش

شيراز . لا مش بلاش محتاجه حضنك اوي يا احمد

دكتور احمد . طيب تعالي يا شقيه

( قربت منها و حضنتها حضن طويل اوي . كنت محتاج الحضن ده .الحضن اللي بيرد لي روحي و سحبتها من اديها و طلعتها بره العياده و قفلت الباب )

شيراز . ايه يا احمد انت مجنون ?

احمد . انا هبقي مجنون لو فضلت جوه اكتر من كده مش ضامن نفسي

و فجأة لمح احمد حد مستخبي ع السلم وطلع يجري شد شيراز و نزلوا جري وراه

دكتور احمد . خدي المفاتيح و ادخلي العربيه و اقفلي عليكي بسرعه ) دخلت شيراز العربيه و قفلت عليها و كانت مرعوبه

و دكتور احمد طلع يجري ورا الشخص ده

الشخص كان شكله و ملامحه مش واضحه فضل يجري و دكتور احمد بيجري وراه

و وقف و طلع مطواه عشان يحاول يخوف دكتور احمد

بس عشان حظه وحش مكنش عارف حاجه عن دكتور احمد اللي كان واخد حزام ملاكمه و فضل يضرب فيه و عوره بالمطواه اللي كانت معاه و طلع يجري و دكتور احمد طلع يجري وراه

لغايه ما خبطته عربيه وقفته

و جري احمد عليه لقاه لسه عايش و فضل جمبه و اتصل بالشرطه و بعد نص ساعه تقريبا جت الشرطه و طلع احمد وراهم بالعربيه و كانت معاه شيراز اللي اتصل ب اهلها عشان يجوا يروحوها و هناك كانت الصدمه اللي شلت شيراز عن النطق و خلتها منهاره من العياط

الظابط . هي الانسه منهاره ليه . خير يا انسه

دكتور احمد . حضرتك انا دكتور احمد دكتور نفسي و ديه خطيبتي كنا مروحين لاقيت الشخص ده بيراقبني و من فتره في حد بيحاول يهددنا و يخوفنا عشان كده ممكن تكون خافت من اللي حصل ده

دكتور احمد . ارجوكي اهدي يا شيراز قولي لي فيه ايه بس

شيراز . هو يا احمد هو ????

هو اللي عمل فيا كده هو و صاحبه

دكتور احمد انتي متاكده انه هو يوسف

شيراز . ده صاحبه اللي كان معاه و اتفتحت في العياط

و قام دكتور احمد و نزل فيه ضرب و الظابط خلصه من ايده بالعافيه

الظابط . انت مجنون ايه اللي انت عملته ده انت فاكر نفسك في زريبه ده قسم شرطه و انت بتعتدي علي واحد ادامي

دكتور احمد . ده راجل واطي وحقير لازم يتعدم

الظابط . انا مش فاهم حاجه .اهدا يا دكتور متوديش نفسك في داهيه عشان واحد زي ده انا عايزك تقعد وتهدا كده و تحكي لي كل حاجه

دكتور احمد . انا مش عارف اذا كانت شيراز تقدر تحكي اللي حصل لها ولا لا و مش عايز حالتها تسوء بسبب حقير زي ده . انا هحكي لك اللي حصل

شيراز . لا يا احمد انا لازم احكي . لازم اتكلم مش لازم اخاف تاني من حد . كفايه ٣ سنين بهرب في الحلم و الحقيقه لازم اواجه خوفي . الراجل ده يا حضره الظابط خطفني من ٣ سنين خطفني يا حضره الظابط هو و واحد صاحبه وفوقت لاقيت نفسي في شقه و كدمات علي جسمي فوقت لاقيت هدومي مفتوحه و عريانه و بيتعازموا عليا مين يغتصبني الاول و لما فوقت و جالي انهيار عصبي اغمي عليا و بعدين لاقيت نفسي مرميه ادام عياده بابا و لما روحت لاقيت جسمي كله كدمات .عشان يتقال لي احنا فضحناكي و شوفناكي و من كام يوم جت لي رساله تهديد حد بيفكرني باللي حصل زمان .انا بقالي ٣ سنين نفسيتي مدمره بحلم بكوابيس و بصرخ و انا نايمه و حاسه اني بموت كل يوم

الظابط . ممكن اعرف انتي ليه مقدمتيش شكوي وقتها كنا جبنالك حقك

شيراز . مقدرتش اضر سمعه بابا و لا اعمل الخطوه ديه بابا دكتور معروف و انا بنته الوحيده مقدرتش ادمره بالشكل ده و ادمر كل اللي بناه السنين اللي فاتت ديه . بس هو اللي ظهر تاني في حياتي في الوقت اللي كنت بحاول اخف من جروحي فيه . ظهر عشان يموتني تاني . مش عارفه بعد كل اللي جري ليه عايز ايه مني تاني

المجرم . انا معرفهاش يا باشا ديه مجنونه يا باشا انا اول مره اشوفها

الظابط . اخرس يا ابني خالص مش عايز اسمع صوتك . عسكري محمد هات لي موبايل الواد ده

( طلع العسكري موبايل المجرم و اداه للظابط و فتحه و هنا كانت الصدمه اللي خلت الظابط ساكت مش عارف يقول ايه.و خايف يتكلم و يقول لشيراز نفسيتها تدمر

لقي الموبايل عليه صور و فيديوهات لشيراز وقت الحادث و صور كتير ليها في أماكن عامه و فتح الرسايل لقي مبعوت لها نفس الكلام اللي قالته

دكتور احمد . ها يا حضره الظابط لاقيت حاجه

الظابط . اه يا دكتور احمد الرساله موجوده و لازم تعملوا محضر بكل اللي حصل زمان عشان يتعرض ع النيابه و يتقدم للمحاكمة

خدوا يا عسكري ع الحجز اتفضلي استني بره لغايه ما اعمل المحضر مع استاذ احمد

و لما خرجت شيراز

دكتور احمد . خير يا حضره الظابط

الظابط . الشخص اللي خطفها ده شخص مريض كأنه مثلا متف*ج علي افلام رعب لأشخاص مريضه و حب يعمل زيها و لازم نجيبه مصورها صور كتير وحشه عشان يبتذها و لا عشان ايه. طيب الصور بقالها ٣ سنين ليه طلعت دلوقتي و الشخص التاني ده فين . و يا تري شيراز أول واحده و لا يوسف ده عامل بلاوي كتير . كله هيبان قريب

دكتور احمد . مسافر اتخبط بعربيه و سافر للعلاج .انا عارفه ابن دكتور معروف وراجل محترم بس هو الواد ده فالت اسمه يوسف ابن دكتور كبير اسمه وائل

الظابط . انا هعمل مذكره انه يتقبض عليه اي وقت يوصل مصر لازم ياخد عقابه و يا ريت متحكيش حاجه لانسه شيراز عشان نفسيتها متتاثرش ع الاقل مش دلوقتي

دكتور احمد . اكيد انا دكتور نفسي اصلا و عارف هي بتمر ب ايه و هي محتاجه اصلا وقت كتير جدا عشان ترجع زي الاول منهم لله

الظابط.طيب هنعمل المحضر بكل اللي حصل و هحط الصور و الرسايل و هثبت كله و تروح و تيجي بكره بدري معاها

دكتور احمد . تمام متشكر جدا يا حضره الظابط انك مقولتلهاش

الظابط . العفو انا متفهم الموضوع متقلقش

طلع احمد لقي شيراز معاها باباها و مامتها اللي عرفوا كل حاجه من شيراز

دكتور احمد . انا اسف يا عمي ان أول مقابله بينا تكون هنا بس ده كان ترتيب ربنا عشان نمسك أول واحد عمل كده

كامل . لا يا ابني انا مش عارف اشكرك ازاي انك كنت موجود معاها الحيوان ده كان جاي عشانها مش عشانك و ربنا سترها

دكتور احمد . الحمد لله ربنا ستر

كامل . يلا يا بنتي نروح البيت و هنتقابل قريب يا ابني ان شاء الله معلش تعبناك معانا ربنا يكرمك يا ابني

دكتور احمد . ماشي يا عمي ان شاء الله

انا هطمن عليكي لما تروحي يا شيراز

شيراز . اوكيه يا احمد تصبح علي خير و تعبتك معايا معلش

دكتور احمد بص لشيراز نظرات كلها حب واشتياق و حدف لها بوسه في الهوا من غير ما حد يشوفها و هي بصت له و ابتسمت وكانت فرحانه

روحت شيراز و أهلها البيت و كانت في حاله سيئه جدا دخلت اوضتها و قفلت الباب من غير و لا كلمه

و فضل ابوها قاعد في الصاله ع الكرسي حزين و م**ور مش عارف يعمل ايه و أمها دخلت تتوضا و تصلي عشان ربنا يفك كربهم

اما شيراز فضلت تعيط و منهاره و بتكلم نفسها ( يارب انا هفضل في الهم ده ل امتي طيب ليه بيحصل لي كده ايه الذنب اللي عملته في حياتي عشان اتعاقب سنين و فضلت تعيط لغايه ما راحت في النوم وحلمت حلم غريب اوي

( يا تري حلمت ب ايه ده اللي هنعرفه الجزء اللي جاي ) استنوني