بين الألم والأمل

الفصل الرابع

الفصل الرابع

دكتور احمد .متخافيش وعد مني يا شيراز .اني اعوضك ومش هبعد عنك وهجيب لك حقك

شيراز.هتعمل ايه

دكتور احمد .انا هقولك .اول حاجه لازم اتقدم لك و نتجوز في اقرب وقت . لازم اكون موجود دايما معاكي عشان محدش يقدر يقرب لك تاني و اللي بيبعت رسايل و بيراقبك يخاف . احنا العيله عندنا نصها ظباط و قوات خاصه .و لما نعمل الفرح و تنزل صورنا ع النت و الفيس اللي بيراقبك يفهم كويس اوي هو بيتعامل مع مين

و تاني حاجه هكلف حد يعمل لي تحريات عن الواد الصايع ده واعرف اتعالج و لا لا

و هكلم ناس من شركه الاتصالات و اعرف الرساله ديه اتبعتت من اي مكان و متسجل الرقم ب اسم حد و لا لا

و هبعت كمان لشركه أمن و اتفق معاها تبعت لي اكفأ اتنين عندها في الشركه لازم اللي بعت الرساله يفهم هو هيحط نفسه في ايه و يفكر مليون مره قبل ما يقرب عليكي أو عليا

شيراز . لا يا احمد انا توهت كده و مرعوبه و مش فاهمه حاجه. و اصلا محدش من اهلي يعرف حاجه عن الموضوع ده و عايزه يفضل كده صدقني يا احمد انا ممكن يجري لي حاجه لو اتكشف السر ده انا مش هقدر اتحمل ان السر اللي شلته في قلبي عشان الفضايح و وضع عيلتي يتكشف و اخسرهم كده كتير عليا اوي لا يا احمد ارجوك

دكتور احمد . طيب اهدي و فكري معايا كويس افرضي يا شيراز كانوا مصورينك و لولا الحادثه اللي حصلت معرفوش يبتزوكي و لما بدأوا يفوقوا بقوا يدوروا في الدفاتر القديمه انتي غلطتي اصلا لما خبيتي اللي حصل مستفادتيش حاجه غير أن المجرم هرب بعملته و انتي ادمرتي نفسيا.و دول ناس زباله يعني احتمال كبير يكونوا مصورينك فيديو كمان مش بس صور

( بعد ما احمد قال كده شيراز اترعبت و انهارت من العياط و بقت عماله تلطم علي وشها من الخوف )

شيراز . يا لهوي يا لهوي تفتكر عملوا كده اعمل ايه يا ربي انا ذنبي ايه في كل اللي بيحصل ده حرام مش قادره اتحمل يا احمد

دكتور احمد . اهدي يا بنتي اهدي ديه كلها افتراضات انا معرفش صح و لا لا انا بقولك عشان تكوني في الصوره و بعدين كله هيبان بس لازم نتجوز عشان اقدر اكون جمبك و احميكي يا شيراز انا رأى تكلمي باباكي النهارده و لا انتي مش موافقه و محتاجه تفكير .انا مش عايز اضغط عليكي يا شيراز عايزك تاخدي قرار تكوني مقتنعه بيه مش قرار هروب من الماضي بحاجه من الحاضر

شيراز . بالع** يا احمد ايه اللي بتقوله ده اقسم بالله يا احمد انت الحاجه الوحيده اللي محتجاها انك تكون جمبي حاسه ان صحتي و نفسيتي هتتحسن انا هكلم بابا النهارده ان شاء الله . و لو علي الهروب يا سيدي بقالي ٣ سنين بهرب لوحدي مفيش مانع ان حد يجي يشاركني همي و يكون بيحبني

دكتور احمد . يا ريت يا حبيبتي أشاركك كل حاجه وانا فرحان و سعيد و ان شاء الله يا حبيبتي قريب الكابوس ده هيخلص و تفوقي من الحزن ده يلا بقا انا هوصلك عشان اطمن عليكي يا روحي

شيراز . ماشي يا احمد يلا عشان الوقت أتأخر و ماما مش طبيعيه معرفش بقت مركزه معايا كده ليه

دكتور احمد . عادي هتلاقيها حاسه بيكي و خايفه عليكي

شيراز . والله مبقتش عارفه مين خايف مني و خايف عليا يلا عشان ننزل يا احمد

( نزل دكتور احمد و شيراز ركبوا العربيه و كان حاسس طول الطريق بالتوتر اللي كانت فيه و عماله تهز رجلها بس معلقش عشان متتوترش اكتر و روحت شيراز وكانت مترددة جدا هتقول لاهلها ايه)

شيراز . يا ربي هقولهم ايه روحت عند دكتور يعالجني اعجبت بيه و عايزه اتجوزه هيقولوا عليا مجنونه اكيد أو هيحطوا في دماغهم اني كنت علي علاقه بيه .هيرسموا حوارات و أفلام و انا مش ناقصه ارف و وجع قلب خلاص انا قررت احكي لهم كل حاجه و اقولهم اني محتاجه دكتور يساعدني و كالعاده اتصلت ب أحمد عشان يكون في الصوره و يسمعني )

كامل. شيراز يا بنتي عامله ايه دلوقتي طمنيني عنك انا قلقان اوي

شيراز . و الله العظيم يا بابا انا مش كويسه خالص مدمره نفسيا و من زمان و محدش حاسس بيا .انا محتاجه مساعده. في موضوع من زمان انا مخبياه عليكم.و دلوقتي جه الوقت اللي لازم تعرفوه

الام . ايه يا بنتي انا قلبي اتقبض.فيه ايه اتكلمي

كامل . شيراز اتكلمي يا بنتي انا اترعبت .فيه ايه

شيراز . ما هو ده اللي خلاني سكت .? ضيعت حقي زمان عشانك انت و ماما خوفت يا بابا يجري لك حاجه .و لا ماما يحصل لها حاجه عشان كده سكتت انا يا بابا اتعرضت لحادث من ٣ سنين دمرتني نفسيا و حطمتني فاكرين الشيوخ اللي كنتوا بتجيبوها فاكرين اني محسوده انا اتخطفت يا بابا و انا رايحه عندك للعياده و فوقت لاقيت نفسي ادام رجلين و متربطه ? واحد منهم كان ابن صاحبك يوسف طبعا عارفه يا بابا الواد الصايع الفاشل ابن صاحب عمرك والتاني صاحبه معرفهوش فوقت لاقيتهم بيتعازموا عليا مين يغتصبني الاول و جالي انهيار عصبي و فقدت الوعي و ده اللي منعهم يعملوا حاجه فيا .خافوا اموت و يجيبوا لنفسهم مصيبه . بس ده ممنعش ابن صاحبك الصايع انه ي**رني . لاقيت جروح علي جسمي عشان يقولي انه شافني و فضحني روحت عند دكتوره نسا.د عشان اتاكد حصل لي حاجه و لا لا.كتت عايزه اعرف فيه محاوله اعتداء و لا لا . بس قالت لي لا مفيش.

و بعدين انت جيت تاني يوم قولت انه اتخبط بالعربيه و محتاج يسافر للعلاج بس دلوقتي رجع حد يبعت لي رسايل و يهددني انا خايفه و عايزه اتجوز عشان اكون في عصمه حد و تحت جناحه و يحميني من الارف اللي جاي اللي مش عارفه جاي منين و عايز مني ايه تاني

( الاب كان مصدوم مش مصدق اللي بيسمعه و فضل متنح بيتكلم مع نفسه . انا بنتي يحصل لها كده و علي ايد ابن صاحب عمري يوسف . اه يا مجرمين يا ولاد الكلب اه يا مجرمين و مره واحده قام بدون و لا كلمه و طلع ماسك مسدس و بيجري )

شيراز . يا لهوي يا لهوي حرام عليكم بقا استني رايح فين يا بابا . رايح تقتل مين اللي اذاني هرب و سافر .حرام عليكم عايزين تفضحوني و تدمروني مش كفايه ٣ سنين بموت بالبطيئ حرام عليكم بقا

الاب . عايزاني اعمل ايه بعد اللي سمعته. انا مش هسيب الكلب اللي عمل كده..

شيراز . عايزاك تهدأ و تسمعني يا بابا انا عايزه اتجوز دكتور احمد هو اخو صاحبتي و بيحبني من زمان و كان عايز يتقدم لي بس انا رفضت لاني صغيره بس دلوقتي انا محتاجه وجوده في حياتي محتاجه حد يحميني من اللي فات و من اللي جاي

الاب . يااااه طلع عندك اسرار كتير في حياتك يا بنتي و معرفش عنها حاجه. انا حقيقي مصدوم

شيراز . مصدوم يا بابا. انتوا مش شايفني اصلا يا بابا في عز تعبي في عز وجعي مش موجودين عموما انا مش عايزه اوجعكم بالكلام . فكروا في اللي قولته و ردوا عليا النهارده لان انا محتاجه في اقرب وقت اكون متجوزه احمد

( دخلت شيراز علي اوضتها و اتفتحت في العياط و قفلت باب الاوضه عليها و كانت قفلت التليفون و اتصل عليها احمد كذا مره مردتش راح بعت لها رساله )

اما عند كامل ( انا مصدوم و مش عارف افكر .ازاي بنتنا بعيده عننا كده و ازاي حصل لها كده و اتعرضت لحادث زي ده و احنا منعرفش كنت فاكر اني ناجح جدا في حياتي بس طلعت افشل واحد في الدنيا بنتي الوحيده معرفش عنها حاجه .اهتميت بشغلي و نجاحي و جمع الفلوس .و نسيت شيراز )

الام . متقعدش تلوم نفسك يعني كنا هتعرف منين و هي ساكته و عموما كفايه الصدمه اللي احنا فيها المهم دلوقتي هنعمل ايه في حوار الجواز والعريس ده

الأب . لازم اسال عليه و لو مناسب لبنتي و بيحبها اكيد هوافق يمكن يعوضها عن الحب اللي اتحرمت منه ?

....

و عند شيراز كانت لسه منهاره و بتعيط و الرسائل عماله تتبعت لها و احمد يتصل لغايه ما ردت عليه

شيراز . ايوه يا احمد. معلش مش قادره اتكلم خالص

أحمد . يا شيراز هموت من القلق عليكي .انا قلبي وجعني اوي من كلامك و عايز اخدك في حضني .هو احنا ينفع نتقابل عايز اطمن عليكي

شيراز . الوقت متأخر جدا يا احمد صعب

احمد . ارجوكي يا شيراز ساعه واحده نتقابل في العياده هاجي اخدك من تحت البيت

شيراز . طيب هقول ل بابا

( طلعت شيراز و شافت لأول مره ابوها م**ور و حزين )

شيراز . بابا انا مخنوقه ممكن انزل ساعه اتنفس و اشم هوا

كامل . الوقت متأخر يا بنتي خايف حد يدايقك

شيراز . متخافش يا بابا هي ساعه واحده و اجي

الاب . ماشي و متنسيش تليفونك عشان اطمن عليكي

شيراز. ماشي يا بابا

( جهزت شيراز نفسها و نزلت و كان ابوها و امها باصين عليها من فوق و شافوا دكتور احمد مستنيها عرفوا و اتاكدوا ان بنتهم بتحبه و اي وقت بتكون مدايقه هو بيكون الملجأ الوحيد ليها )

دخل باباها و مامتها

الاب . لما ترجع شيراز قولي لها تحدد معاد مع دكتور احمد انا شايف ان البنت محتاجه حد تطمن معاه أول ما اتخنقت جريت عليه

الام . حاضر يا حبيبي بس هونها علي نفسك احنا مكناش نعرف .و لو كنا عارفين مكناش سكتنا اكيد

الاب . الله المستعان

( ركبت شيراز العربيه مع دكتور احمد و كان ماسك ايدها و هي مغمضه عينها و بتضغط علي ايده جامد و قلبه بيدق بسرعه جدا و اول ما وصلوا العياده .و دخل احمد .لسه هيشغل النور لقي شيراز بتحضن فيه و بتبوسه.

فضلوا يحضنوا في بعض لغايه ما دخلوا الاوضه جوه و شغل احمد لمبه هاديه و نام ع السرير و خدها في حضنه .كان حاسس ان مشاعرها

زي البحر اللي مش عايز يهدي و زي الطوفان اللي لو استسلم له هيغرقوا فيه . بس لانه بيحبها و هي امانه عنده .خدها في حضنه عشان يطمنها و لحظات و غمضت عينها و راحت في النوم

حطها دكتور احمد ع السرير و غطاها و اتصل ب ابوها و حكي له انها كانت منهاره جدا لانها اعترفت لهم اخيرة باللي حصل و قالهم انها راحت في النوم و أول ما هتقوم هيروحها

كامل . حقيقي مش عارف اقولك ايه انا بشكرك جدا يا دكتور احمد و ممنون جدا علي امانتك و علي انك كلمتني و انك مهتم ببنتي كده و جيت تاخدها في الوقت المتأخر ده شيراز كمان حكت لي انك عايز تتجوزها انا منتظرك و مترحب بيك اوي وقت يا ابني مناسب ليك تعالي و نتكلم في التفاصيل

دكتور احمد . انا بحب شيراز يا عمي من زمان و بتمناها و صدقني كل اللي حصل لها ده مش فارق معايا في حاجه . انا هجيب لها حقها و وعدتها اكون سندها و امانها

.هحاول علي أد ما اقدر ارجع لها ثقتها بنفسها ان شاء الله بس ارجوك يا عمي بلاش حد يتكلم معاها تاني في الموضوع ده و انا صدقني هجيب حقها و هبلغك بكل التفاصيل اهم حاجه تكون في اقرب وقت مراتي عشان اللي بيحاول يخوفها يعرف ان ليها راجل عايشه معاه وخصوصا لما يعرفني كويس اوي و يعرف وضعي مش هيقدر يقرب ناحيه شيراز تاني

كامل .ماشي يا ابني ان شاء الله تيجي و نتفق و آخر الشهر تكون عروسه في بيتك ان شاء الله

دكتور احمد . يارب يا عمي يارب

(يا تري هيتم الجواز ولا لا ده اللي هنشوفه الجزء الجديد )