بين الألم والأمل

بين الألم والأمل الجزء الأول

من الألم الي الأمل

انا اسمي شيراز و عندي ٢٣ سنه اتخرجت من كليه تجاره و اشتغلت في شركه كبيره اوي طبعا اشتغلت بالواسطة . انا وحيده ماما و بابا ومعرفش اي حاجه خالص عن الدلع اهلي من نوعيه الناس الكلاس اوي بس ادام الناس يبان الحب و جوه البيت محدش بيعرف حد

ماما اسمها نهي ربه منزل و بابا دكتور أسنان حياتي روتينيه جدا وممله بالرغم من الغني اللي احنا فيه انا معنديش اصحاب اصلا بخاف جدا من الناس . كان عندي صديقه واحده بس و ماتت عشان تزود حياتي هم و غم الوحيده اللي كانت بتحبني بجد غير كده مليش اصحاب اصلي اتخدعت في ناس كتير اوي اوي و انا في الكليه . اصل انا كنت فاكره انهم اصحابي و بيحبوني بس كله كان قريب مني عشان مصلحته كانوا بيستغلوني و كنت ببقا عارفه و ساكته عشان الاقي حد يعبرني بس زهقت وبعدت عن الكل . اصلي غنيه اوي عندي زمايل و القريب ليا هي ولاء . زياراتي لقريبي تكاد تكون معدومه اصل احنا عيله مش اجتماعيه كمان ماما بتحس ان الكل طمعان فينا مش بنزور حد الا في المناسبات اما بالنسبه للحب بقي مريت بتجربه واحده في حياتي ايام الكليه وكان حب من طرف واحد كان زميلي في الكليه و كان بيحب واحده زميلتي و انا كنت حب من بعيد و .اصلا معرفش ده حب و لا احتياج لاني كنت بعيش وسط حاله من الحرمان العاطفي كنت قافله علي نفسي جدا و محدش يعرف عني اي حاجه لأن بمنتهي البساطه محدش كان واخد باله من وجودي في البيت ماما مش وراها حاجه غير النت و التليفون و الاكل و الشرب والخروج و الفسح مع أصحابها في النادي اما بابا بقا مش وراه حاجه غير الشغل و العلم بحجه تأمين المستقبل

.

نهي : صباح الخير يا قلبي يلا ع الفطار بسرعه مش كل يوم يا بنتي هفضل اوجع في قلبي و افضل انادي قومي يا شيراز قومي يا شيراز ما تظبطي المنبه بدل وجع القلب ده

شيراز . صباح الخير يا ماما علي فكره انا صاحيه من بدري و قولت لك قبل كده انا هقوم لوحدي من غير صويت و محاضره كل يوم ديه . امال بابا فين

.

نهي . بابا يا اختي في مكتبه بيجهز شويه اوراق من الصبح فطر قبلنا كلنا عشان رايح يا ستي ندوه طبيه في شركه ادويه كبيره و انجزي بقا عشان تروحي علي شغلك في طريقه و لا اقوله يمشي

.

خلصت فطاري و استنيت بابا لغايه ما جه و نزلنا مع بعض و وصلني علي شركتي

و هنالك بقا أول ما وصلت ( يا فتاح يا عليم يا رزاق يا كريم ) كان فيه عميل بيجي لي مخصوص بصوا بقا انا كنت بحب اشوفه اوي عشان نظراته و اعجابه ليا بتحسسني اني موجوده و مرغوب فيا بحب موضوع انه سايب كل البنات و جاي عليا انا لكن فعليا انا مش من الناس اللي عايزه تتجوز و تبني بيت و اسره و الكلام ده و خلفي و رضعي و غيري هو انا ناقصه هم علي حياتي كفايه الارف اللي انا فيه

( وصلت لمكتبي و قعدت )

صالح : صباح الفل يا انسه شيراز انا بقالي كتير مستني حضرتك

شيراز . صباح الخير يا ا.صالح بعتذر علي التاخير حضرتك . تحب تشرب ايه الاول قبل ما نتكلم في الشغل

صالح . و لا أي حاجه عشان انا مش جاي عشان الشغل

شيراز . لكم من مش فاهمه يعني ايه اللي ممكن يكون جايبك

صالح . جاي عشانك انتي يا شيراز .عايز اتكلم معاكي و اقرب منك

( قعدت تكلم نفسها و سرحانه يا ربي اكتر كلمه بكرهها في حياتي كلمه أقرب منك اقرب منك .لان بيجي بعدها أفعال زفت و خذلان و كلهم نيتهم بتكون هباب )

صالح . انسه شيراز انتي معايا

شيراز . ايوه معاك اكيد بس مفهمتش برضه عايز ايه

صالح . عايز اتقدم لك يا شيراز ، يعني قاعده تعارف رسميه جوه البيت وسط اهلك اكلمك عني و عن اهلي و حياتي و بعد كده تصلي صلاه استخاره و تردي عليا

شيراز . طيب مش لما اكون موافقه الاول بعدين اصلي

صالح . مش فاهم يا انسه شيراز قصدك يعني انتي رفضاني

شيراز . لا خالص يا استاذ صالح القصه مش كده خالص انت شخص محترم و اي واحده في الدنيا تتمناك بس الحقيقه انا مش بفكر خالص في الموضوع ده انا اسفه جدا

( اتحرج صالح و مشي و كانت مرقباها من بعيد صاحبتها في الشغل اميره و أول ما مشي جت عليها جري )

اميره . الله يخربيت الفقر بتاعك يا شيراز ايه اللي هببتيه ده انتي مجنونه يا بت انتي زي القمر و مستواكي المادي حلو. و متقدم لك راجل زي الفل بترفضي ليه يا مؤذيه ?

شيراز . يووووه يا اميره كالعاده راميه ودنك عندي و بعدين تفتكري واحده في اكتئابي و انطوائي و العزله يا اختي اللي انا عايشه فيها لو اتجوزت قمر زي ده حياته هتبقي ازاي . اكيد يا اختي مش هيصحي من النوم اقول له صباح الخير يا بيبي فكك يا بنتي بكره يلاقي واحده فرفوشه مقبله ع الحياه لكن انا محدش يقدر يستحملني و لا يفهم شخصيتي و لا هيستوعبني في حياتي المتعقده ديه

اميره . يخرب بيت الكلام اللي انتي رستيه نفسي اعرف فيكي ايه بس و بعدين يا اختي ده مليون واحد يتمني يقرب منك ويعرفك انتي بس اللي ع**طه وبترفصي النعمه

شيراز.يا ستي سيبك بلا جواز بلا هم خليني فيكي انتي. انتي اخبارك ايه

اميره . زهقت يا اختي من السنجله و عايزه استقر بس لو يحصل اللي في بالي

شيراز . و آيه يا اختي اللي في بالك واضح انك مخبيه عني شويه حاجات يا لئيمه

اميره . هاااا لا مفيش هروح اكلم شغلي

شيراز . ماشي يا ميرو اهربي اهربي يا اختي بكره هفقسك واكتشف بنفسي

( خلصت شغلي وروحت و بليل كنت قاعده في اوضتي بفكر في حياتي الملغبطه ديه

.انا ليه عايشه ايه السبب الي يخليني مصممه انجح في الحياه السوده الفاضيه دي انا زهقانه من نفسي ومن حياتي

.يا رب متحملنيش اكتر من طاقتي يا رب

فجأه وصل لي رساله فتحت تليفوني لاقيت صالح

((مساء الخير.انا صالح جيت لك النهارده لازم اتكلم معاكي ضروري ارجوكي اديني فرصه عايز اوضح لك حاجات مهمه

شيراز:وده هيعوز مني ايه مش هنخلص بقا من الناس الحشريه ديه .يعني واخد الكارت بتاعي عشان يأرفني

.شيراز . بعتذر منك يا استاذ صالح الوقت متأخر جدا بكره ان شاء الله نتقابل .تصبح على خير قفلت التيلفون ونمت حلمت حلم غريب اوي

( حلمت اني في مدرسه فاضيه خالص و مهجوره حيطانها قديمه وريحتها غريبه اوي قعدت الف في كل الفصول عشان الاقي حد يساعدني اني اخرج من المدرسه بس للاسف ملقتش حاولت اخرج منها بس كنت برجع في نفس المكان كنت بحاول اجري واهرب منها مكنتش عارفه كنت بحس ان المبني بيقرب علي بعضه وخلاص ممكن اتحبس جواه وفجاه ببص لفوق لمحت واحد واقف من بعيد بيبص عليا وفرحان قعدت أصرخ عشان ينقذني بس مكنش بيرد وفجاه لقيته قرب عليا وطلع زي سيف طويل ووشه كان شكله وحش أوي .أول ما شوفته طلعت اجري و أصرخ لغايه ما قومت من النوم مفزوعه)

شيراز.استغفر الله العظيم يارب هو انا كل اما انام احلم الحلم ده.انا محتاجه بجد دكتور يساعدني. انا بقيت اخاف انام .استغفر الله العظيم يا رب

شيراز. اتصلت وخدت اجازه من الشغل وروحت عند دكتور اسمه احمد الرفاعي كنت حسه بحاجه غريبه أول ما شوفته مش عارفه هي ايه بس اول مره احس اني عايزه حد يكون قريب مني حسيت اني مطمنه

دكتور احمد .ازيك يا انسه شيراز

شيراز . انا مش كويسه خالص يا دكتور تعبانه اوي بحلم بكوابيس كتير غريبه . حاسه ان كل اللي بيحاول يقرب مني بيكون عايز يأذيني

عندي احاسيس غريبه ملغبطه مش عارفه هي ايه بس اللي انا عرفاه اني محتاجه مساعده و من زمان بس مكنش عندي الجرأه اجي لدكتور و اتكلم

الدكتور . طيب ارتاحي تحبي تشربي ايه الاول

شيراز .ليمون بعد اذنك

(اتصل بالسكرتيره و طلب منها ٢ ليمون )

دكتور احمد. عبال ما يوصل العصير احكي لي علي كوابيسك

شيراز . هو انا خايفه احكي و نفسي احكي .بس مش عارفه اكيد جييت عشان احكي ولا ايه

الدكتور. متخافيش انا هنا عشانك و كل حاجه بتكون بسريه تامه متقلقيش يا انسه شيراز انا هنا عشان اساعدك.عشان ترتاحي وتقدري تنامي.عشان تحسي بالأمان

شيراز . انا بحلم أحلام كتير اوي يا دكتور احمد كلها نهايتها واحده ان في حد عايز يأذيني

الدكتور . احكي لي يا شيراز انا سامعك

شيراز . دايما بحلم حلم غريب بيتكرر في أماكن مختلفه .حلمت اني في مدرسه فاضيه خالص و مهجوره حيطانها قديمه وريحتها غريبه اوي كنت بحاول اجري واهرب منها مكنتش عارفه كنت بحس ان المبني بيقرب علي بعضه وفي واحد واقف من بعيد بيبص عليا وفرحان قعدت أصرخ عشان ينقذني بس مكنش بيرد وقومت من النوم مفزوعه .وحلمت حلم تاني ان احنا هنموت وكان لازم نعدي من تحت بنايه وقعدت تنزل علينا لغايه ما كنت يوما تحتها وخلاص كنت حاسه ان فاضل حاجه بسيطه وتنزل عليا تموتني.وقومت مفزوعه.و مره حلمت اني في صحراء وفيها سور طويل قعدت اطلع اطلع لفوق مش لاقيه نهايه السور وبرضه قومت مفزوعه

الدكتور .الأحلام ديه بدأتي تحلمي بيها من امتي

شيراز.مش فاكره يمكن بقاله ٣ سنين . حاسه اني عايشه في ضلمه يا دكتور

الدكتور.طيب علاقتك ب أهلك كويسه

شيراز . عادي يعني علي الرغم اني بنتهم الوحيده بس بحس كده انهم في وادي و انا في وادي

الدكتور . طيب و الحب يا تري حبيتي قبل كده

شيراز . كان نفسي احب.بس الرجاله ملهاش أمان وبيني وبينك بكرههم

الدكتور . مين اللي بتكرهيهم يا شيراز

شيراز . الرجاله مع اني عندي ناس في الشغل محترمه.بس المعظم وحشين بكرههم . مبحبش اتعامل مع رجاله

الدكتور . انتي مريتي ب اي تجارب سيئه في حياتك وبتحاولي تهربي منها ؟

شيراز . تجارب قصدك زي ايه

الدكتور.يعني علاقه فاشله . اتعرضتي للتحرش

(هو قال الكلمه ديه و حسيت ان كل حاجه بتحصل ادامي زي اول مره بالظبط . سمعت صوت صريخي وانا بقوله يسبني وبدا جسمي يعرق و يترعش)

الدكتور.انسه شيراز انتي كويسه

(سبته و طلعت اجري كنت خايفه كنت م**وره اوي السر اللي جوايا لو اتعرف هتبقي مصيبه عشان كده جريت و قررت مروحش تاني )

روحت البيت و انا منهاره نفسيا طيب ازاي احكي حاجه زي كده ازاي .انا عارفه ان اهلي عمرهم ما هيعرفوا لان الدكتور اكيد مش هيحكي حاجه . قعدت اعيط واكلم نفسي كتير وتايهه و حزينه حتي السكه الوحيده اللي لقتها خفت منها و هربت فضلت اعيط و تعبت وروحت في النوم

و تاني يوم روحت الشغل و كان باين عليا الإجهاد و دخل عليا حسين زميلي انا مليش اختلاط اوي بحد . بس حسين بجد راجل محترم كنت بتمني يكون عندي أخ زيه يحميني من الكلاب ولاد الحرام بس كله مكتوب

حسين . صباح الفل يا شيراز مالك يا بنتي مجهده ووشك اصفر ايه كنتي بتحاربي امبارح ولا ايه

شيراز . صباح الخير يا حسين متفكرنيش بيوم أمبارح و الله يا حسين كان ورايا شغل اد كده في البيت فضلت سهرانه منمتش غير ساعتين اتبهدلت آخر بهدله

حسين .طيب الف سلامه عليكي . خضتيني و الله يا بنتي . قولت في حاجه حصلت لك و لا متخانقه مع حد في البيت

شيراز . ههههه ضحكتني والله كويس ان في حد بيتخض عليا?لسه في خير في الدنيا . متقلقش ارهاق وتعب بس

حسين . طبعا يا بنتي اخاف و اتخض عليكي ما انتي عارفه يا شيراز اني بجد بعتبرك اختي والله . و عارف انك طيبه و بنت حلال مش من نوعيه البنات اللي بيجوا يشتغلوا و يتمايصوا ربنا يهدي لهم الحال اه صح انا طلبت لك قهوه علي فكره

شيراز . يا سيدي ع الكلام الحلو و الدلع اللي علي الصبح انت احسن حسين في الدنيا?

حسين . ماشي يا ستي هروح بقا علي مكتبي لاحسن المدير بتاعتنا جاي النهارده والنار طالعه من عينه

شيراز . سيبك منه ده راجل بيتخانق مع دبان وشه شكرا يا حسين علي سؤالك وعلي القهوه

( ودخلت علينا اميره من قبل ما حسين يمشي و سلمت عليه )

اميره . صباح الخير ازيك يا حسين عامل ايه

حسين . تمام الحمد لله عن اذنك عشان ورايا شغل

اميره . اه طبعا اتفضل

وقفت اميره متنحه ل حسين و هو ماشي و شيراز عماله تضحك

شيراز . ايه يا بنتي هتاكلي الراجل فيه ايه

اميره . هااا بقولك ايه يا قلبي هو حسين مرتبط

شيراز . قولي يا اختي صباح الخير . عامله ايه . مش داخله ع الصبح علي تظبيط

اميره . صباح الخير عامله ايه . هااا مرتبط

شيراز . معرفش. بس واضح انه مش شايفك اصلا متتعبيش نفسك

اميره. يا ساتر يا رب علي كلامك الدبش انا ماشيه يا اختي علي مكتبي

( خلصت شغل و لاقيت نفسي ماشيه و وصلت لعياده الدكتور و كنت متردده جدا اطلع ولا لا بس الاكيد اني محتاجه منه مساعده و قررت اطلع

طلعت و كانت السكرتيره مش موجوده و دخلت عليه بدون استئذان )

شيراز .انا بعتذر اني دخلت بدون استئذان اصلي ملقتش السكرتيره بره

دكتور احمد . متعتذريش يا انسه شيراز طيب تصدقيني لو قولت لك انا كنت عارف انك جايه و اديت السكرتيره اجازه و لغيت المواعيد كلها عشانك

( و هنا قلبي اتقبض اوي لما عرفت ان مفيش حد غيري انا والدكتور لاخر اليوم )

شيراز . معلش انا مش فاهمه يعني ايه اديت اجازه للسكرتيره ولغيت مواعيدك

دكتور احمد . يعني يا شيراز انتي عندك مشكله و عايز اساعدك .انتي اتعرضتي لحادث تحرش أو اغتصاب و انا حابب اساعدك

( أول ما قال كده انهارت من العياط وقلبي كان بيتقطع من الوجع قعدت علي الكرسي وعمال يجي في دماغه المشهد والكلام و هما بيتكلموا عليا مين يغتصبني الاول )

دكتور احمد . ارجوكي اهدي يا شيراز

لازم تحكي لي عشان اقدر اساعدك

( دخل دكتور احمد و جاب لي عصير ليمون بس مقدرتش اشربه الصراحه خوفت اصل يعني ده دكتور بيمر عليه عيانين كتير . اكيد مش كل واحده بتيجي له بيكون حابب يساعدها و يفضي المكان عشانها )

شيراز . مش غريبه يا دكتور انك مفضي العياده عشاني هو اكيد مش بتعمل كده مع كل الناس . مش بتخسر يعني عشان تراضي العيانين

( ارتبك و بعدين ابتسم لي وقال )

الدكتور أحمد . شيراز انتي مش بتشبهي عليا مشوفتنيش قبل كده

( سرحت بخيالي احاول افتكر مين ده بس مفتكرتش )

شيراز . الحقيقه لا مش فاكره للاسف هو انا اعرفك

دكتور أحمد . يعني مش معرفه اوي بس انا شوفتك قبل كده كذا مره ولسه فاكرك . انا اخو دينا صاحبتك اللي اتوفت في حادث السنه اللي فاتت . كنتي بتيجي لها البيت بس و لا مره شوفتيني بس انا كنت بشوفك . المره الوحيده اللي اتقابلنا فيها كانت في عزاء دينا اختي الله يرحمها

( هو قالي كده و انا اتفتحت في العياط )

شيراز. الدنيا صغيره اوووي .يعني صاحبتي الوحيده تموت. و يوم ما احتاج حد يساعدني اقابل أخوها ويطلع دكتور نفسي

الدكتور أحمد . عشان كده انتي مميزه عندي لأن دينا كانت بتحبك جدا و ديه اقل حاجه اعملها لصاحبتها

شيراز . بس الموضوع كده بقا صعب اوي عليا ازاي احكي لك وجعي .واللي اتعرضت له.?

الدكتور أحمد . بالع** كده الموضوع بقا اسهل لأنك لازم تطمني ان اللي هتحكيه مش هيوصل لمخلوق و مش بس كده انا هساعدك واجيب لك حقك يا شيراز

شيراز . انا هحكي لك يا دكتور احمد

من ٣ سنين بالظبط كان فيه دكتور واخد اوضه في عياده بابا كان دكتور نسا وتوليد ده كان صاحب بابا الروح بالروح زي مابيقولوا لغايه النهارده بيجي يزورنا في البيت كان عنده ٣ اولاد

كبار ٢ كانوا دكاتره في تخصصات مختلفه و التالت كان فاشل في التعليم كان بيجي يستظرف عليا لو شافني بالصدفه في عياده بابا

و كنت بقولك يلا يا فاشل . روح شوفلك حاجه مفيده تعملها . كان دايما بيبص لي بنظره سخريه غريبه جدا . و كان بيقول لي كلمه غريبه اوي مكنتش بفهم قصده ايه.

الدكتور أحمد . كان بيقولك ايه يا شيراز

شيراز . كان بيقولي مسير العود يت**ر?مكنتش فاهمه هو قصده ايه كنت بقول لنفسي صابع و متخلف

لغايه ما وصلت لليوم المشؤوم . كنت رايحه اذاكر في العياده شويه قبل ما بابا يجي عشان كنت محتاجه منه فلوس اجيب حاجات . وصلت عند باب العياده و قبل ما افتح محستش بنفسي .ظهر لي ازاي و خدرني ازاي معرفش

بس اول ما فوقت لاقيت نفسي في بيت غريب و متكتفه و رابط بوقي

و كان واقف ومعاه واحد صاحبه وكانوا عمالين يضحكوا فاكره كل كلمه قالها يوسف ابن صاحب بابا

يوسف.مش قولتلك مسير العود يت**ر ??ايه رايك دلوقتي تحبي اقولك احنا عملنا ايه و لا اقولك لسه هنعمل ايه

شيراز.فضلت اعيط واصرخ و نفسي مكتوم ولاقتهم بيقربوا عليا و باصين لي بمنتهي الخبث و كان معاهم ازازه في خمره . وواقف يقوله انا الاول . وده يقوله انا اللي جبتها يا صاحبي فضلت اعيط اعيط ونفسي اتكتم و اغمي عليا فوقت بعدها ب اد ايه معرفش لاقيت نفسي مرميه شقتي .عملوا فيا ايه معرفش .بس لاقيت ?

الدكتور أحمد. لاقيتي ايه كملي ارجوكي

شيراز . لاقيت بعض الكدمات في جسمي اللي تدل انهم اتحرشوا بيا. مقدرتش افتح بوقي ودخلت خدت شاور سخن وكنت منهاره بس محكتش لحد لاني مقدرش اصلا احكي.

تاني يوم روحت لدكتوره نسا وحكيت لها اللي حصل كشفت عليا و طمنتني مفيش حاجه حصلت .و لأني مكنتش قادره اقول لأهلي قررت اني اخد حقي . روحت شركه امن و دفعت تمن بودي جارد و ركبت معاه و فضلت مستنيا الولد ده ادام العياده هيروح ل باباه ولا لا. كان بيروح لانه متأكد اني استحاله اظهر تاني .كان نازل و لسه هيركب عربيته خليت الراجل خبطه بالعربيه جامد وجري و محدش شافنا

عرفت بعدها من بابا انه في اوضه العمليات و اتعرض ل**ر في العمود الفقري ولازم عمليه دقيقه خارج مصر . من ساعتها هو هناك عمليه ورا عمليه ولسه مشلول .و انا كوابيس كل يوم حاسه ان في حد هيجي يقتلني??

( الدكتور أحمد كان عمال يسمع و ساكت و مصدوم)

شيراز.ديه حكايتي يا دكتور احمد .قولي اعمل ايه عشان اخلص من الكوابيس ديه . اعمل ايه عشان اخلص من الماضي ده . انا عايشه في جحيم اقسم بالله بقالي ٣ سنين بحلم ان في ناس عايزه تغتصبني و ناس عايزه تقتلني ساعدني ارجوك ساعدني

الدكتور أحمد . تعرفي يا شيراز انا لو كنت اعرف الموضوع ده زمان كنت قتلته ب ايدي . الكوابيس اللي بتيجي لك خوف من الماضي واحساس بالذنب بس ده مش حقيقي . احنا لازم نشتغل جلسات علاج نفسي . اشرح لك اد ايه انتي كويسه و ازاي تقبلي حياتك بكل اللي حصل فيها

بس الاول ايه رايك نروح نتغدا مع بعض . بعيد عن قصه دكتور ومريضه

شيراز . مش شايفه انها فكره حلوه . بس ارتحت ان انت أول واحد تعرف سري

الدكتور أحمد . واخر واحد روحي ارتاحي و شوفي تحبي تيجي الجلسه التانيه امتي

شيراز . شكرا بجد يا دكتور احمد عن اذنك

( سبته وخرجت و كنت حاسه اني شلت طوبه كبيره من علي قلبي )

دكتور احمد بيكلم نفسه ( الحمد لله اني قدرت اتحكم في نفسي انا هوريك يا ابن الكلب ازاي تعمل كده في شيراز )

دكتور احمد . عايز احكي لكم عن شيراز . عارفين الحب من أول نظره .هو ده اللي وقعت فيه أول ما وقعت عيني عليها . اليوم اللي كنت بعرف انها جايه فيه مكنتش بطلع من البيت بحجه ان معنديش شغل كنت ببص عليها من بعيد مع اختي و أول مره عيني تكون في عينها من قريب يوم وفاه اختي في العزاء . اللحظه ديه كانت اللحظه الفاصله في حياتي اللي قلبي اعلن فيها ان شيراز حبي الاول و الاخير . لما سلمت عليا حسيت ان قلبي اتخطف و لكن من بعد وفاه اختي الوحيده و انا بقيت بشغل نفسي طول الوقت بالشغل عشان انسي دينا و موتها اللي مش مصدقه لغايه النهارده و اداري وجعي بفراقها و وجعي بحب صاحبتها. لغايه ما جه القدر جاب لي شيراز لغايه عيادتي.و هنا اتحول وجع قلبي لبعدها عني .لخنجر في قلبي بسبب اللي حصل لها .و مش هرتاح غير لما انتقم من اللي عمل كده في حبيبتي

( اتصلت ب أمي في البيت و قولت لها اني عندي شغل كتير و مش هقدر اروح .كنت حابب افضل في العياده حاسس بوجودها كأنها موجوده نمت وصحيت الساعه ٨ الصبح علي صوت رساله من رقم )

شيراز . صباح الخير يا دكتور احمد .ده رقمي سجله عندك حابه كمان اقولك شكرا بجد و عايزه اطلب منك طلب

(دكتور احمد.كنت بقرا الرساله وقلبي بيتنطط من الفرح.ورديت عليها بكلمه اكيد لاقتها اتصلت)

شيراز . دكتور احمد ارجوك متسبنيش ساعدني أعالج و افوق من كل الوجع اللي جوايا .ساعدني ارجع اثق في الناس . ساعدني اني احب حياتي و اقبل الماضي

دكتور احمد . اوعدك يا شيراز اني مش هسيبك . اقولك سر و ديه تكون أول خطوه في العلاج

شيراز .ارجوك يا دكتور احمد قول بسرعه

دكتور احمد . دينا كانت بتحبك اوي و قالتلي قبل ما تموت شيراز عايزاك تطمنها بوجودك زي ما انت مطمني بوجودك يعني بالبلدي كده انتي امانه في رقبتي و امانك و راحه بالك مسئوليتي

( قعدت اعيط لما سمعت الكلام و جسمي اترعش )

شيراز . دكتور احمد ممكن تاخدني ازور قبر دينا

دكتور احمد . اكيد شوفي امتي و انا هاخدك

شيراز . انا جيالك العياده يا دكتور أول ما اوصل هرن عليك تنزل

دكتور احمد .انتي عرفتي منين أني في العياده ده الوقت بدري و مش معادي خالص

شيراز . هتصدقني لو قولتلك حسيت. يلا سلام

دكتور احمد.سلام

( قفلت معاها و انا فرحان اوي معقول يعني في تلاقي ارواح بينا .اكيد خمنت من الهدوء اللي في المكان )

و بعد ساعه لاقتها بترن عليا و نزلت لها

شيراز . صباح الخير يا دكتور احمد معلش بعتذر اني هتعبك معايا

دكتور احمد . متقوليش كده تعبك راحه و كمان كنت محتاج ازور اختي

شيراز . اول حاجه هعملها نزور قبر دينا و نقرا لها الفاتحه

دكتور احمد . و تاني حاجه يا تري هي ايه

شيراز . تعزمني ع الفطار و فنجان قهوه

دكتور احمد . يا سلام انتي تؤمري يا شيراز

روحنا المقابر و زورنا دينا و قريت لها الفاتحه

و وقفت شويه اتكلم معاها

( دينا انتي كنتي صاحبتي الوحيده حاسه اني تايهه من غيرك مش قادره الومك انك سبتيني بس حابه اشكرك انك وصيتي اخوكي عليا مع اني مش عارفه السبب بس فعلا مطمنه بوجوده جمبي ربنا يجعل مثواكي الجنه يارب )

مشينا انا و دكتور احمد روحنا علي كافيه

دكتور احمد . الكافيه ده بيقدم قهوه فرنسي ملهاش حل

شيراز . خلاص خلينا نشرب القهوه و نفطر مع بعض

دكتور احمد . تمام نفطر و ايه رايك ندردش شويه عنك

شيراز . و الله يا دكتور احمد مش عارفه ايه اللي المفروض اقوله اصلا مش عارفه نفسي عشان احكي عنها

دكتور احمد . طيب ممكن اسالك سؤال

شيراز . اكيد اتفضل يا دكتور احمد

دكتور احمد . انتي ايه اللي خلاكي تسكتي علي اللي حصلك ليه معرفتيش اهلك

شيراز . مش عارفه يا دكتور احمد كنت خايفه بابا يعمل حاجه و يضيع نفسه كنت خايفه حياتي تتغير لو حد عرف و تبقي فضيحه .الناس كمان مبترحمش. كانت هتزود ع الخبر مليون كلمه .انا بحمد ربنا اننا معانا فلوس لو مكنش معانا مكنتش عرفت اخد حقي انا بس نفسي اخلص من الكوابيس ديه .و مش عارفه ازاي

دكتور احمد حلمتي بكوابيس تاني

شيراز . يااااه?? ده انا كل من عيني تغمض أحلم بكابوس بحمد ربنا اني مش بصوت و انا نايمه .كان زمان اهلي جابوني عندك من زمان ???

شيراز . طيب بعد الحادثه ما حصلت اهلك ملاحظوش عليكي حاجه

دكتور احمد . طبعا لاحظوا مكنتش باكول و كنت علي طول سرحانه و ساعات دموعي كانت تنزل من غير ما احس ماما جابت لي شيخ و افتكرت اني محسوده . قعد حوالي اسبوع يجي كل يوم يقرا لي قرآن و يمشي حقيقي كنت بهدا و بقيت كويسه ادامهم بس فضلت مع كوابيسي و احلامي تعرف حلمت ب ايه امبارح

دكتور احمد.حلمتي ب أيه

شيراز . حلمت اني كنت في حفله تنكريه كل الناس فيها لابسين رجاله و ماسك عيونهم بس اللي باينه كلهم كانوا بيراقبوني و لما تيجي عيني في عينهم يداروا نفسهم خفت و طلعت اجري بره في الجنينيه لاقيت عيون ورا الشجره مستخبيا و بعدين شخص طلع و قعد يقرب مني خوفت و طلعت اجري اجري و كل اما اجري ملاقيش مكان اهرب منه و هو بيقرب و يضحك لغايه ما لاقيت زي بيت صغير كده جريت واستخبيت فيه والدنيا كانت ضلمه دخل ورايا وفضلت اسمع صوت خطوات بتقرب عليا فضلت تقرب تقرب لغايه مت الصوت سكت و في لحظه ظهر قدامي وانا هفضلت أصوت وهو يضحك وقرب مني و لسه هيمسكني قومت مفزوعه من النوم

دكتور احمد . حلم صعب اوي يا شيراز باين منه اد ايه نفسيتك تعبانه واكيد انتي طبعا عارفه مين اللي بيلاحقك في الحلم

شيراز . يمكن يوسف او يمكن ابوه عايز ينتقم لأبنه

دكتور احمد . طيب بصي يا شيراز انا عايزك تثقي فيا انا في ضهرك و مش هسمح لأي مخلوق يلمسك و يأذيكي و هفضل جمبك لغايه ما نفسيتك تتحسن وثقتك في نفسك ترجع لك تاني

شيراز . انا واثقه فيك عشان كده حكيت لك بكره هرجع شغلي و مش عارفه ممكن اجي ع العياده امتي

دكتور احمد . لو حابه تيجي بعيد عن العياده و نعمل الجلسه في مكان زي كده عادي

شيراز. انت عايز تتبهدل وتدفع فلوس بدل ما ادفع لك انا?

دكتور احمد . و مين قالك اني هاخد منك حاجه

( و طلع دكتور احمد ظرف فيه الفلوس اللي دفعتها في الاول ) اتفضلي يا شيراز

شيراز . ايه الظرف ده يا دكتور

دكتور احمد .الفلوس اللي دفعتيها مكنتش قادر ارفض الاول عشان متخافيش مني بس شلتهم عشان لما تطمني ارجعهملك انا جمبك بدون مقابل يا شيراز

( احساس حلو اوي اللي حسيته و هو بيقولي كده .جمبك بدون مقابل. يا رب عوضني عن كل وجعي ده )

شيراز . مش عارفه اقولك ايه يا دكتور احمد شكرا بجد عشان انت هتساعدني

دكتور احمد . متقوليش كده كان نفسي اكون موجود زمان عشان امنع ده يحصل بس كله ترتيب ربنا .الحمد لله

شيراز. الحمد لله انا لازم امشي عشان ماما هتزعق لي و بكره هنزل الشغل

دكتور احمد .تعالي هوصلك و من غير ولا كلمه

شيراز . ??? حاضر يلا بينا

( ركبنا العربيه وطول الطريق كان عندي احساس غريب اوي أول مره احس بيه. كان نفسي احضنه .كنت محتاجه حضن دافي أهرب فيه .حاولت اجاهد نفسي عشان معملش كده بس لاقيت نفسي بدون وعي مسكت ايده و ساعتها حسيت برعشه ايده و وقف العربيه ولاقيته رجع رأسه لورا و غمض عينه و مسك ايدي و انا كمان غمضت عيني كنت حاسه اني في دنيا تانيه و حسيت بحاجه غريبه اوي لما لاقيته رفع ايدي و باسها اول مره احس بكل ده )

(دكتور احمد بعد ما باس اديها فتح عينه لقاها في دنيا تانيه خالص .حاول يفوق و سحب ايده بالراحه من ايدها و كمل سواقه وهي فتحت عينها و كانت تايهه ومحرجه )

شيراز . دكتور احمد انا اسفه لو دايقتك مش عارفه عملت كده ازاي. بس كنت محتاجه حد ارتاح في حضنه و اكتفيت اني مسكت ايدك

دكتور احمد. انتي بتتأسفي علي ايه بس محصلش حاجه وصلنا يا شيراز

( كان بيتكلم و هو مش باصص لي و انا جايه انزل مسك ايدي وبص لي )

دكتور احمد . شيراز ممكن اخدك في حضني

شيراز. مش عارفه اول مره احس ان روحي بتروح لحد و قريت منه و حضنته حسيت احساس عمري ما حسيت بيه مكنتش قادره اسيب حضنه سندت راسي علي رأسه و عيني كانت في عينه وقولت له )

شيراز . اول مره احس الاحساس ده يا احمد قلبي هيتخلع من مكانه لازم امشي عشان مش ضامنه نفسي .سلام

( سبته وجريت علي البيت ) و أول ما دخلت

)تابعوني عشان تعرفوا باقي الاحداث❤