"M-magkakapatid kayo?" kumpirma kong tanong sa kanilang lahat, no'ng sandaling marinig ko mula kay Vendetta ang tungkol sa pagiging magkakapatid nilang lahat.
"Ipinanganak kaming quintuplets, Miss Ravyn," narinig ko namang sagot ni Zen sa akin, bilang kumpirmasyon sa itinanong ko sa kanila. Pagkatapos no'n ay hindi ko na rin nagawa pa ang umimik, at tanging ang marahang pagtango na lamang ang naging response ko sa kaniya.
"Sunod-sunod kaming ipinanganak, pero si Kuya Zen daw ang naunang lumabas, kaya ayan! Siya raw dapat ang maging leader ng grupo," dagdag namang sabi ni Vendetta, dahilan para mapansin ko ang pasimpleng pagsulyap sa kaniya ni Zen. Sa itsura nito ngayon ay para bang ipinapahiwatig nito sa kapatid, na tigilan na ang pagbuka ng mga bibig niya.
"Detta, hindi na iyan gusto p
