"H-hindi ba't sila ang tinatawag na Cinco?" narinig kong sambit ng isa sa mga magnanakaw, na siyang kasamahan nitong hostage ko ngayon.
"Nakuha mo, tropa!" kaagad namang sagot sa kaniya ng isa sa limang tao, na siyang kabababa lang kanina mula roon sa sasakyan.
"Ano'ng kailangan niyo rito? Huwag niyo kaming pakialaman sa diskarte namin!"
"Wala bang utos sa inyo mula sa itaas kaya kayo nanggugulo rito ngayon?!" sa sinabing iyon ng isa sa mga magnanakaw ay bahagya nang nangunot ang noo ko. Nakapagtataka lang na para bang kilalang-kilala na nila ang mga bagong dating, kahit pa hindi naman namin gano'n nasisilayan ang mga itsura nila dahil sa nakakasilaw na headlights no'ng sasakyan.
"Eh kayo?! Ano itong ginagawa niyo ngayon dito? Sideline?" balik na tanong naman isang babae, na siyang k
