Marahan akong sumimsim sa mainit na kape na laman ng tasang hawak ko, habang nakapako ngayon ang mga mata ko sa magagandang bulaklak na nakatanim dito sa hardin. Alas-sais pa lamang ngayon ng umaga kung kaya't sadyang malamig pa ang simoy ng hangin dito sa labas, nakakatulong din sa akin ang ganda nitong lugar para ma-relax ang aking isipan.
Sa totoo lang ay halos hindi ko nagawang matulog nang mahimbing kagabi dahil sa mga tumatakbo sa isip ko. Lalong-lalo na 'yung tungkol sa kaso ng organisasyong hinahawakan ngayon ni Toby. Gusto ko nalang sanang isipin na mali ang mga hinala ko sa identity ng organization na iyon, ngunit parang masiyadong malakas ang kutob ko at nararamdaman kong ang Black Raven's Triad ang organisasyon na iimbestigahan niya.
Isang malalim na buntong-hininga ang pinak
