Pagputok pa lamang ng araw ay inutusan ko na sina Jana at Jonas para ihatid si Regina pauwi sa kanila. Ngunit bago pa siya tuluyang umalis ay nagbigay muna siya ng statement sa mga pulis dito sa bayan ng San Martin tungkol sa mga nangyari sa kaniya roon sa Scarlet Beauty Spa.
Samantalang ang mga kasama ko naman ngayon ay sina Zen, Detta, at Fredrin. Napagdesisyunan kong balikan ang kinaroroonan ng beauty spa, upang tignan ang lugar. Gusto ko ring makita ang mga bagay na magpapatunay sa mga sinabi sa akin ni Regina kagabi.
"Hindi lang kaming mga nag-apply na masahista ang ginagamit nila, m-mayroon pang iba..."
"Dumudukot sila ng mga menor de edad na babae sa iba't ibang bayan dito sa Mandaya para gamitin sa prostitusyon..."
"Mga wala silang puso! Mga halang ang mga kaluluwa nila!"
"Ang
