Sandali kong iginala ang paningin ko sa apat na sulok nitong kwarto, na siyang kinaroroonan namin ngayon. Kung hindi ako nagkakamali ay isa itong soundproof conference room, maaliwalas at malinis ang kabuuang lugar. Para bang ginagamit lang ito sa tuwing pag-uusapan na ang mga pinaka importanteng bagay, pagdating sa underground business at sa pagpapalakad ng organisasyon.
"Ravyn, we need to know your decision," narinig kong boses ni Tito Harold, na siyang kaagad namang nagpabalik sa akin sa kasalukuyan naming pinag-uusapan.
"I'm sorry, ano nga po ulit iyon?" sa tanong kong iyon ay narinig ko lamang ang pagbuntong-hininga nito.
"Miss Ravyn, gusto naming malaman kung maaasahan ba namin ang tulong mo sa aming gagawing paghihiganti laban sa mga Cuevas," si Tito Fernan na lamang ang siyang s
