Habang abala sila sa pagkukwentuhan ng kung anu-anong bagay ay nakatuon lang ang atensyon ko sa pagkaing kinakain ko ngayon. Napapatango-tango pa ako dahil sa sarap nitong grilled chicken na nginunguya ko ngayon, malambot ito at tamang-tama lang din ang pagkatamis at juicy ng laman. Ilang segundo pa ay sandali naman akong natigilan no'ng bigla nalang magsalita tungkol sa akin itong girlfriend ni Toby.
"So, kayong dalawa na lang pala ni Kai ang magkapatid? Honey, mag-iisang taon na tayong magkarelasyon pero ngayon ko lang nalaman na may kapatid ka pa pala," sa sinabing 'yun ng girlfriend ni Toby na si Marrey ay wala sa oras na napainom nalang ako ng isang basong iced tea.
"Ahm, k-kasi...ahh, g-ganito kasi medyo hindi kasi kami close nitong kapatid ko eh. Oo tama, kaya hindi niya gusto na
