Hindi ko alam na marunong din palang magmaneho ng kotse si Auntie Sylvia. Hindi ko pa kasi ito nakitang umalis gamit itong sarili niyang sasakyan, ang akala ko tuloy ay mayroon siyang driver. Maluwag naman ang daan at walang traffic, mabuti nalang at hindi kami gano'n kaaga umalis dahil kung hindi ay baka naabutan pa namin ang traffic.
"Dalawa ang anak ni Vilma, si Ayrine at Marlon. Ang anak nitong si Marlon na dalawampung taong gulang pa lamang ang nakakulong ngayon," sa sinabing iyon ni Auntie Sylvia ay sandali naman akong natigilan. Hindi ko na ginusto pa ang magsalita dahil mas pinili ko nalang ang maghintay ng mga susunod pa niyang sasabihin tungkol kay Auntie Vilma.
"Ays! Kung bakit ba kasi hindi pa nagtanda ang batang 'yun!" dagdag nitong sabi, bago ito tuluyang mapabuntong-hinin
