رجال من التجمع ونساء من بولاق

- انت عارف اني وافقت اجوزك يا اسلام بس عشان خاطر ماما - عارف يامروه... - يعني ما تطلبش مني حاجه كدا ولا كدا والا والله العظيم ارمي نفسي من البلكونه - اهدي طيب... - انا اصلا مش عارفه انا عملت ف نفس كدا ازاي... - للدرجة دي انا لا اطاق !! بتبصله رافعه حاجب ومنزله التاني - طب خلاص اهدي ، خدي اشربي دا.... - ايه دا منوم عشان انام ولما انام تغتص! - انتي بتقولي ايه بس ، انا جوزك على سنه الله ورسوله - برضو طالما انا مش موافقه يعتبر اغت... - اهدي بس وعموما ياستي ماتقلقيش دا مجرد فوار برتقان هيهدي اعصابك شويه... - ماشي....وخد بالك انا هقعد بهدومي كلها قدامك انت فاهم - يعني انتي مع اصحابك في النادي شورتات وتنزلي الصور على انستجرام والناس كلها تشوف فخادك وجات على قرمط الغلبان وتلبسي هدوم! - اه...لو مش عاجبك.... عارف لو مش عاجبك... " بتعض في ضوافر ايديها من التوتر" - اه مش عاجبني ، هيحصل ايه بقى ؟؟! - هتطلقني...لا لا ماما هتتعب كدا احنا لازم نفكر في خطه نتطلق بيها من غير ما ماما تزعل مني او ضغطها يعلى... - حاضر...ممكن ارتاح بس وبكره نصحى انا وانتي وبابا وناهد ونطلق تمام... - ماشي....ايه دا انت بتعمل ايه؟! - بفتح الدولاب!! " بتحط ايديها في وسطها " - ليه بقى ان شاء الله...قولتلك الي في دماغك دا انساه... - ياستي انا هاخد الهدوم عشان اغير البدله دي... - اااااه هتقلع قدامي ..لا لا لا يا اوستاذ لا ، انت واخد واحده محترمه وكمان عيب اوي... " بيقفل بوقها " - اهدي انا هاخد ام الهدوم وهروح الاوضه التانيه...بس قبل ما امشي عاوز اقولك حاجه - خير يا اوستاذ ؟! - انتي كنتي اجمل عروسه النهارده... " ب**وف بتقوله" - والله " بيبص عليها بحنيه وهو بيقولها " تصبحي على خير ياح..يامروه.... مروه بتبص عليه وهو علامات الحزن على وشه وهو خارج من غرفتها " بتلوم نفسها " - انا زودتها معاه ماكنش ينفع اعمل كدا معاه...هو في الاخر جوزي دلوقت...يارب يامحمد الكلب تتعدل وتقدر الي بعمله عشانك...ياترى بي**ني ولا ييعمل ايه...بس دا عارف اني هتجوزه ، و كدا كدا هطلق من اسلام وابقى مطلقه وماما تخاف عليا من كلام الناس وبعد كدا هو يتقدملي وماما تضطر توافق عليه ايوه دي الخطه...اما اكلم محمد حبيبي اطمن عليه.... كل ما تتصل عليه بيكون انتظار !!! وبينما هيا بتحاول تكلم محمد كان اسلام غير هدومه وجهز السرير في غرفه الاطفال عشان ينام عليه....ولكنه غير اتجاهه للمطبخ !! دخل المطبخ وفتح التلاجه وقال في سره - حرام تلاقيها جعانه ماكلتش حاجه من الصبح وحيلها اتهد في الفرح...اما اعمل لقمتين لينا ناكلهم سوا واهو يبقى عيش وملح بينا... اسلام برغم انه مهندس بترول شاطر الا انه هوايته في الاكل مالهاش حدود...احسن من احسن شيف ممكن تاكل من عنده الاكل عند اسلام مزاج وفن....ومع ذلك جسمه رياضي بيحافظ على جمسه ووزنه فتح التلاجه ، طلع السجق ومعاها كبده وبانيه جهز الطاسه ، حط مقدار معين من الزيت ، قطع الطماطم والخيار والبصل ولا اجدعها شيف محترف ، حطهم على نار هاديه عشان تاخد اللون بس ، جهز البانيه والكبده والسجق وعملهم في سندوتشات عيش بلدي وحط عليهم طحينه ومايونيز وجهز كل دا والريحه بدءت تفحفح في الشقه...غلفهم بورق المونيوم وجنبهم كوبايه حاجه ساقعه بالتلج... قرب من باب غرفة مروه ولسه هيخبط على الباب عشان يستأذن ويدخلها الاكل سمعها وهيا بتتكلم مع حد... -ياحبيبي دا مجرد شهر واطلق منه انت نسيت اتفقنا... ؟! اخونك ازاي بس انا مش متخيله نفسي مع حد غيرك انتي حبيبي وبس والله العظيم ماهخيله يلمسني انا بحبك انت... " طق ، طق ، طق " - استنى يامحمد شكله واقف على الباب ثواني خير يا اسلام عاوز ايه ؟! - انا جهزت العشا... - مش عاوزه اطفح...عاوزه اتخمد فيه حاجه تانيه ؟! " بيرد عليها ونفسه صعبانه عليه " - لا تصبحي على خير.... ساب الصنيه جنب باب غرفتها...وبرغم انه كان جعان جدا هو كمان...الا انها الحمد لله سدت نفسه! - دخل اسلام الغرفه المجاورة لغرفه مروه وهو حزين رمى نفسه على سرير الأطفال وهو بيقول لنفسه - طب خلتينا نجيب سرير أطفال ليه ؟؟! طالما كدا كدا مش هنعمل حاجه...كنا جبنا مرتبه واترمي على الارض وخلاص! بيفتح الفيس وهو بيشوف تعليقات اصحابه على صور الفرح - ايوه ياعم يابختك - اخدت الجمل بما حمل ياعم - بيضالك في القفص يابرنس رد في سره على الكومنت دا " هيا من ناحيه بيضالي ف هيا بيضالي !! " كمل قرايه باقي الكومنتات - واحنا الي مفكرينك غلبان ومش بتعرف بنات طلعت نمس ومدكن ياعريس مروه كانت بنت جميله الى حد انها تسحرك في ثواني....بشرتها بيضا زي بشره اوربا كدا وعينيها خضراء وواسعه وشعرها طويل الى نص ضهرها وناعم ، كيرفي على حق ، يكفيك بس انك تشوفها مره عشان تسحرك بجمالها... وكانت احدى التعليقات الي كانت مكتوبه على صور الفرح - يابختك ياعم يارتني مكانك رد عليه في سره - ياريت والله انا معنديش مشكله نبدل! - اه ياحزنك يا اسلام على حظك، ياحزنك هقول ايه لماما ، هقولها ايه لما تسألني بكره عملت ايه .....هقولها معلش اصلها زي اختي...صدق الي قال الجواز دا عامل زي البطيخه يا اما قرعه ياما قرعه لانها عمرها مابتطلع حمرا! على الجانب الاخر بعد ما خلصت مروه كلام مع محمد حست بالجوع " وانتي الي زيك بيحس ياوليه !! " احم سوري ياجماعه انفعلت لحظه مروه لبست روب ابيض طويل عشان تغطي جسمها لانها كانت لابسه فستان قصير لحد ركبتها ، قفلت الروب عشان جسمها مايبنش.. خرجت بره غرفتها عشان تشوف حاجه تتاكل فتحت الباب...شافت صنيه الاكل والتغليف كان يفتح النفس....والريحه كانت تخلي ل**بك يسيل مروه صعب عليها اسلام وقالت في سرها : - اووووف...وبعدين يامروه الواد بيعاملك كويس وكان جايبلك الاكل لازم تحرجيه كدا بس هو الي غلطان المفروض كان يسألني الاول قبل ما يعمل الاكل يشوفني فاضيه ولا لا! رفعت الصنيه من الارض بصت ناحيه غرفه اسلام وكان جواها اضطراب تدخل تصالحه طيب وياكلو سوا ولا تعمل ايه.،.قربت شويه بشويه ناحيه الغرفه الي كان نايم فيها اسلام...ولكنها سرعان ما تراجعت عن قرارها ورجعت تاني لغرفتها فتحت ورق الالومنيوم الي كان مغطي الصنيه وكانت اول كلمه قالتها مروه بعد ما شافت الاكل - وااااو... السندوتشات كانت متقطعه ومجهزه بشكل يفتح النفس وجنبها قطع طماطم وخيار بشكل يزين الصينه ، لدرجه انك لو مش جعان حتى ، هتخليك جعان وتفتح نفسك.. مروه بسبب ارهاق اليوم في الفرح ، كانت عماله تلغ مش تاكل لا تلغ... تزلط الاكل...تقريبا لو اسلام شافها وهيا بتاكل في اللحظه دي كان اشفق حقيقي على محمد! بس اسلام بيحبها بجد...الي هيا ماتعرفهوش ان اسلام بيحبها بجد من ايام ماكانو جيران زمان قبل ما يشتغل في البترول والبليه تلعب معاه ويجيب شقه في التجمع بأكتر من نص مليون جنيه وعربيه مرسيدس هديه من الشركة وبنت الفقريه دي مش عاجبها وبتتأمر عليه! لكن امها من زمان ، كانت شايفه ان اسلام هو الراجل الوحيد الي هيقدر يحمي ويحافظ ويحب مروه بجد وعشان كدا كانت عاوزه اسلام يتجوز مروه ب اي شكل...وقد تم... *************************** " فلاش باك في منطقه بولاق قبل 15 عام " - يا ابو محمد انت مش ملاحظ ان مر... قاطعها زوجها بحزن - البنت للاسف شايله الختم..... - طب والعمل ؟! - مافيش غير الحل اياه - مش هيبقى ظلم ليها ولينا اننا نعيش كدا ؟! - مافيش حل تاني يا ام محمد والا هي... - ما تكملش يا ابو محمد ،الي انت شايفه صح اعمله.. في مكان بعيد وفي عصر قديم نقشت تلك العباره المريبة المرعبة على احد جدران المعابد الفرعونية القديمه... " كل من يحمل الختم الملكي في الاحفاد سيكتب على اي شخص يحبه الموت في اليوم العاشر قلبه لابد ان يتمزق من العذاب حتى الموت انها صك اللعنه الابدية التي لابد ان يحملها حتى يدفن بها... " ****************************** " في صباح اليوم التالي " تررررر ررن....ترررررررررررن.... " صوت جرس الباب " بيصحى اسلام وهو بيسب ميت... ولا بلاش عشان الرقابه.... اسلام صاحي متكدر اصلا من امبارح - دا مين ابن الع...الي بيرن كدا على الصبح... بيروح عشان يفتح الباب... - ماما ، حماتي...انا اسف على الشتميه والله ماكنتش اعرف انكم انتو الي بترنو - بتقول ايه يا اسلام يابني ؟؟! - احم ايه دا ياماما انا قولت دا بصوت عالي ولا ايه !!! امه بتاخده في حضنها وهيا بتقوله - وحشتني البيت ضلمه من غيرك مش متعوده تفضل غايب عني كل دا... اسلام رد عليها بحسره - ماتقلقيش شهر وهاجي تاني جنبك مامته بتعجب - نعم ياعينيا !!! - ااا قصدي معلش ياماما ياحبيبتي انتي عارفه الجواز بقى وكدا....اتفضلو ياجماعه واقفين ليه... بيدخلو في الريسبشن وبيقعدو وهو بيقولهم ثواني اما اعملكم حاجه تشربوها امه وحماته وهما رافعين حاجب ومنزلين التاني في نفس واحد - تعملنا !!...اومال العروسه فين !! - ايه دا ماشاء الله قولتوها في نفس الوقت انتو كنتو متدربين عليها ولا ايه ! - معلش سوال تاني طب امي وبتسال غيرانه على ابنها...حضرتك بتسالي ليه ياحماتي ؟! حماته بترد عليه - ما انت ابني كمان وبغير عليك - الله اكبر...ولاحول ولاقوة الا بالله.... - فين بقى بنتي ! -ها.. - بنتي فين ؟! - مش فاهم حضرتك ياحماتي !! - بنتي ، فاكر الفرح ؟! - يعني طشاش كدا - في واحده روحت معاك - يعني فاكرها طشاش برضو - انا عاوزه الطشاش دا قصدي بنتي اسلام بيبص على امه.. - ماما حماتي بتقول حاجات غريبه النهارده - معلش اعتبرها زي امك - على الله يا امي حماته بتزعق فيه - يابني مروه فييين ؟! - اه انتي قصدك مروه ياحماتي البنوته العسوله دي - ايوه هيا دي - والله مروااااه ااااااااا... اسلام مش عارف يقولهم ايه !! يقولهم هيطلقو ولا يقولهم كل حد بينام في غرفه منفصله ولا يقولهم ايه بالظبط !! مشهد سلو موشن لبنوته شايله صنيه فيها شربات باين على وشها الخجل وال**وف شعرها نازل على عينيها لابسه فستان ازرق قصير شفاف مثير جدا مبين مفاتن جسمها... وسط زغاريط من امه وحماته اسلام كان بيبص عليها وهو فاتح بوقه زي الاهبل وكان مريل شويه وهو بيقول في سره - يالهووووووي ...انا متجوز دي وسايبها من امبارح !!!! حماته بتقولهم - بنتي... دي شقاوه قديمه دي اسلام كان واقف مبرق ، مريل بصوت عالي شويه - اح جمل يابا الحج... - ايه ! -قصدي يعني اتفضلو اقعدو اتفضلو...اتفضلو -يابني ما احنا قاعدين انت الي واقف...!! - اه معلش اصلي سرحت شويه... امه بتغمز حماتها وهيا بتقولها - عرسان جداد بقى...ما احنا كنا عرسان.... بتقعد مروه جنب اسلام وبتحط دراعها جوه دراعه ... اسلام مش مصدق نفسه....نبضات قلبه بتدق ، مش مصدق نفسه... " ام اسلام بتسألها " - قوليلي ياحبيبتي ، الجواز حلو بقى! ب**وف وبتحرك ايديها على شعرها وهيا بترد عليها - حلو اوي ياطنط - قوليلي ياماما... - حلو اوي ياماما... - ياختي ايه العروسه السكر دي....عاوزك تملي البيت دا كله عيال وماتشليش هم تربيتهم - ان شاء الله ياماما.... - طب نستاذن احنا بقى نسبكم تفرحو ببعض احنا جينا نسلم ونجيبلكم النقطه بتاعه الفرح " اسلام بيرد بسرعه على حماته وامه " - لا والله ما انتو رايحين في حته ، دا انا مصدقت امسك ايديها... الاتنين ب استغراب بيبصوله! - قصدي يعني لازم تاكلو حاجه الغدا قرب - غدا ايه يابني الساعه 10 الصبح - طب الفطار طيب - فطار ايه كمان دا ما احنا فطرنا -طب اي حاجه طيب " وفي باله بيقول دا انا مصدقت انها مسكت ايدي! " -نستاذن بقى ونسيب العرسان سوا بيخرجو من الشقه ولسه ايديها في ايد اسلام وهما بيودعو اهلهم... بعد ما يتقفل الباب بتوسع ايديها بسرعه من ايد اسلام ، بتبرق ولسه هتتخانق معاه اسلام بيشارولها انهم لسه على الباب ، يعني ماتعليش صوتك عشان مانتفضحش بتقول بصوت عالي شويه - يواد بس بقى بت**ف ، شيل ايدك عيب - بت**في ايه ، واشيل ايدي ايه !! انا عملت حاجه اصلا! بتشاورله على الباب... - ااااه بنمثل اننا كدا يعني عشان يمشو وكدا... طب ماتخليه بجد مروه بتبرقله - خلاص انا اسف اسلام بيبص من العين السحريه وبيقولها - خلاص نزلو.... - بقى يواطي تمسك ايدي وتتك عليها جامد - هفهمك - اه طبعا جه في دماغك قاذورات زي كل الشباب لما شوف*ني لابسه الفستان القصير ومبينه جسمي - الصراحه اه - بتقول ايه! -قصدي يعني لا انا بتخيلك ب احترام دايما واننا اخوات - اه بحسب وحسك عينيك لما امسك ايدك تمسك ايدي انت فاهم -نعم ودي اعملها ازاي!!!! - معرفش..اتصرف... - حاضر ياباشا.... - يلا عشان عكرت مزاجي على الصبح - يلا ايه مش فاهم طيب ؟!! - انا الي يلا...هخش جوه اكمل نوم وحسك عينك تصحيني... - حاضر...هيا مالها قلبت على امين شرطه ليه كدا ؟؟! -انا لسه سمعاك على فكره !! اغلط فيا لما امشي... بعد ما بتمشي وتسيبه واقف لوحده بيقول في سره - هوصي ابني وصيه يقتل اي وليه... هاشتاج كلهم بيقولو كدا في الاول والكلام الحلو بيتحول #يتبع