RUFFA:
MABILIS lumipas ang mga araw, linggo at buwan. Naging mas makulay at masaya ang pagsasama namin ni Daven. Pagkatapos nang masinsinan naming pag-uusap noon ni Katelyn ay bumalik din ito abroad. Kaya naman tuluyang napanatag ang loob ko na wala ng makakagulo sa aming mag-asawa.
Nanatili din kami sa mansion. Sa akin kasi ipinamana nila Mommy ang mansion. Kaya naman hindi na kami lumipat ni Daven. Nagpatayo din si Kuya Luke ng bahay nito sa tabi nitong mansion. Mas maliit lang siya dito sa old mansion namin.
Naging mas maasikaso pa si Daven sa akin sa paglipas ng panahon. At kahit tumaba na ako, nakakatuwang hindi ito lumilingon sa mga sexy na babae. Kahit naman kasi alam na ng publiko na mag-asawa na kami ni Daven. Marami pa ring higad ang umaaligid sa kanya at lantarang nagpapakit
