غل وحقد

1296 Words

المجهول حفيدي الجزء الثامن غل وحقد عمرك في يوم فكرت تسرح بخيالك في حد حبيته من جوه قلبك وهو مش ليك فكرت ان حد في عز خنقتك ووجعك بتلاقيه بيطبطب عليك وبيراضيك اول ما تبكي تلاقي ايده اتمدت بتمسح دموع عنيك ولو كنت فرحان هو اول حد بتجري تحكيله وبيفرح قد فرحتك مرتين بيتمني يشوف السعاده مرسومه جوه عنيك وبعد كل ده بيقلك مش محتاج منك حاجه ولا عاوز منك غير اني اطمن عليك ....... ياااه كل ده بتعمله ومش محتاج حاجه غير انك بس تشوفه سعيد وتطمن عليه بس بتعمل كل ده عشانه وبدون مقابل وتلاقيه مش حاسس بيك ولا بيخاف عليك ووجودك زي عدمه ويمكن فاكر ان ده فرض عليك رغم ان الشخص الي بيعمل كده بيبقا محتاج منك كلمه حلوه نظره منك تنسيه الدنيا بيعمل كده عشان هو ابن ناس وراقي في تعاملاته ومحتاجك جنبه محتاجه حضنك وخوفك عليه محتاج اهتمامك الناس الي زي دول المفروض يتعملهم في قلبك مقام لانهم ناس تمام ونادر انك تلاقيهم في اي زمان ومكان لو لقتهم حطعهم في عنيك ومتوجعهمش لان وجعهم بيكون صعب جداا رفقا بمن احبوكم واخلصوا رفقا بمن جعلوكم نصب اعينهم رفقا بمن تمنوا لكم حياه كريمه ولو حتي بعيد عنهم رفقا بهم لانهم لا يملكون الا مشاعرهم وقلوبهم العطره دائما شديده البياض..... المجهول حفيدي خير ياساجد ياحبيبي قلي طلبك الي انت عاوزه وانا رقبتي سداده ياغالي ياولد الغالي.... الي حصل ده يكون سر بنا ياعمي ومفيش حد يعرفه ابدا ومافيش حد يعرف اني ابن اخوك راشد وبالذات جدي مناع ونبه علي رجالتك ما يقولوك حاجه لاي حد وخصوصا عمران ومحمود لاني عرفهم كويس اوي مش بيحبوني ويتمنولي الموت ماشي ياعمي عشان خاطري لان لو جدي عرف اني ابن ابنه سراج العواقب مش هتبقي حلوه خالص..... حاضر ياابن اخويا بس انا عاوز اعرف ليه كل ده ليه مش عاوزه يعرف حاجه زي دي ممكن تسعدوا جداا وكمان هو بيحبك قووي... لا ياعمي مش هيتقبل وجودي لما يعرف اني ابن سراج الي سابه ومشي من البلد و**ر كلامه ده اعتبره مات وانا مش هسكت غير لما اصحي الميت ده في قلبه قبل ما رجعه للحياه... عندك حق ربنا يقويك بس الخوف دلوقتي ... ياوقعه طين.... ايه ياعمي في ايه قلقتني..... لبني زمانها راحت البيت وقلتلهم كل حاجه ربنا يستر بقا يالا بسرعه نلحقها قبل ما تنيل الدنيا وتليفون محروق ابوها مقفول.... ايوه ياعمي صح يالا بينا نلحقها بسرعه هفك الراجل ده ونمشي ... تفك مين سيبه مرمي زي الكلب الي حرمه تض*به وتربطه ميبقاش راجل ومالوش عوزه .... راح ساجد وسراج وسجي جري علي دوار الحاج مناع عشان يلحقوا لبني قبل ما تبوظ كل حاجه وتفضح الكل لقوا لبني واقفه مع جدتها وجدتها بتعيط اول ما شفت ساجد وسجي ضمتهم ليها وقالت اهلا بولاد الغالي اهلا باحفادي اهلا بكبدي وضي عيوني كده ياساجد تخبي عليا انك ابن سراج ابني حبيبي كده بقالك اكتر من ثلاث شهور هنا ومستكتر عليا الفرحه .. ساجدقبل ايدها وبوسها من جبينها وقاله والله ياجدتي غصب عني خفت الا تقولي لجدي وتحصل مشكله .. لا يابني عمري ماكنت هعمل كده خالص لاني عارفه ردة فعل جدك ايه وانا دلوقتي مش عارفه انت هتعمل ايه مغاه ...... لبني هيعمل ايه يعني انا مش لقياه عشان اقله انا بدور عليه اكيد عند المستشفي هروحله اقله بسرعه.... ساجد تروحي فين ياهبله انتي احنا من الصبح بنقول ايه وانني عاوزه تروحي تقوليله هو البعيده حماره ولا بقره جدك المفروض ميعرفش حاجه خالص من دي وبعدين انتي مبيتبلش في بقك فوله جريتي جري ما صدقتي ترمحي عشان تف*ني حسك عينك تتكلمي في الموضوع ده فاهمه لبني فاهمه متزقش بس كده جتكم نيله كده كلكم وربنا انا خساره فيكم ومحدش فيكم فاهمني ولا عارف يستخوز علي عقلي العبقري وقلبي الطيب بس المهم انك بقيت قريبي وابن خالي وانا والله غ*يه شوفت صوره خالي ومعرفتهوش ...... ساجد اهدي الله يهد*كي يابنت عمتي متقوليش حاجه لحد ياحبيبتي وانا هروح لجدي عشان ميستعوقنيش ولشوفه عمل ايه في الاجهزه.... في المستشفي الحاج مناع كنت فين ياولدي اتاخرت كده ليه انا كنت قلقان عليك قوي ... لا ياحاج مناع لقيت بس اوراق ناقصه كنت بكملها عشان التراخيص وكده للمستشفي... انت كمان عملت التراخيص ياساجد ايوه ياحاج طبعا والي ساعدني فيها راشد بيه مقلش ياحاج لولاه مكنتش عرفت اعمل اي ورقه روحت معبرونيش ولما كلمته جالي بسرعه واول ما شفوه خلصوا كل الورق بسرعه ... انت بتقول ايه راشد هو الي خلص الورق بتاع المستشفي والمعدات ايوه طبعا ياحاج حتي اسال لبني مش كده يالبني... ايوه ياجدي هو الي عمل كل حاجه بعد ما جه هو والرجاله بتوعه وكانوا هياخدوا العربيات ويولعوا فيها.... عربيات ايه ويولعوا في ايه ساجد لا ياحاج لا مافيش حاجه من دي البت دي هبله بتقول اي كلام محصلش حاجه من دي والاجهزه عندك اهي والورق كمان مافيش حاجه ناقصه والدكاتره هيوصلوا بعد اسبوع وكله هيبقا تمام... ساجد نعم ياحاج مناع البت دي شكلها اتخبلت صح انا بقول كده والله ياحاج مخبوله طيب المفروض بقا نجوزها ونخلص منها جايلها عريس وانا كنت متردد بس دلوقتي هوافق عشان تعلمه الادب الواد عمران منت عارفه عمران!!!!!!!! ايوه عمران طيب انت سالتها اخدت رايها في الموضوع ده لا لسه بس لو انا وافقت هي هتوافق بقلك ايه كلمها انت وقلها جالك عريس وجدك موافق شوفها هتقول ايه.... انا ياحاج لا ماليش دعوه انا بالموضوع ده... غريبه ياساجد اول مره تقلي لا علي حاجه سامحني ياحاج معلش بس هقلها حاضر تحت امرك.... عارف ياساجد انا كان نفسي اجوزهالك انت بس للاسف معندناش حريم بتتحوز بره العيله او البلد هنا واكيد انت مكنتش هتوافق ساجد سرح مع نفسه ومين قالك اني من بره البلد ومش من الغيله انا بحبها ونفسي اتجوزها كمان بس مش عارف انت ملقتش غيري انا يقلها كده يخربيت ام كده ساجد سرحت في ايه ولا حاجه ياحاج بفكر ازاي اقلها بس كده ... هي دي محتاجه تفكير..... خلاص ماشي هقلها من عيوني بعد ساعه ونص وفي بيت ولاد نصار.. عمران نعم يامحمود هو ايه الي حصل ده والله حاجه ولا في الافلام يااخي طيب الحل ايه الواد ده لازم بنزاح من طريقنا ولو هنموته وغير كده كمان لبني ميلاله وانا لو مجوزتش لبني هولع في البلد بالي فيها وعلي وعلي اعدائي بلاش غباء وتعال نفكر صح نفكر انا معنديش مخ عشان افكر انا هروح لجدي مناع واخكيله علي كان عاوز يعمله راشد واقله ان ساجد ده ابن ابنه ومش مجهول ولا حاجه ووقتها هيطرده وهيعاقب راشد ووقتها اكون انا الي نورته وهشيلها جميله ..... انت غشيم ليه لانه ممكن ياخد ساجد في حضنه لانه بيحبه ووقتها ابن خالها اولي بيها ... عندك حق طيب الحل ايه دبرني ياوزير الحل اننا نساير الامور وتروح تكلم جدك في جوازك من لبني مع اقتتاح المستشفي ويبقا عرس جنب طهور.... مخك سم ياحوده وكمان اتبرع بمبلغ حلو للمستشفي وبكده ابقي رحل البر والتقوي انت هتقلي ??????? في دوار العمده الحاج مناع ساجد خبط علي باب اوضه لبني مين انا ساجد اتفضل اخبارك ايه الحمد لله ايه جي في حاجه ايوه في قلي في ايه جدك بعتني ليكي ليه عاوزني ابلغك تبلغني بايه اتكلم عاوز .... متتكلم ياعم في ايه هي القطه كلت ل**نك لا طيب اتكلم في عريس متقدملك وعاوز رايك وبيقلك هو موافق... عريس ??? اكيد انا موافقه طالما حلو ووسيم وطول بعرض وابن خالي واول حرف منه ساجد... متفرحيش بس كده مش انا مش انت نهارك ازرق اومال مين عمران بتقول مين عمران مين ده انا لا بقبله لا في سما ولا في ارض وانت الي جي تقلي اطلع بره مش عاوزه اشوف وشك انت معندكش دم ... ممكن تهدي مش متزفته هاديه غور من وشي يابنت المجانين هو ميعرفش اني ابن سراج وكمانقالس كان نفسي اجوزهالك بس بناتك مبتتجوزش من بره كنت اعمل ايه.. كنت قله انك مش من بره وانك حفيده... هقله في الوقت المناسب لما اكون ضعت من ايدك لا مش هضيعي متخفيش قوله ياساجد انك حفيده لوقلت كده هدمر كل الي بعمله من ثلاث شهور يعني كده معلش اتحملي طيب ياساجد بلغ جدي اني موافقه واتفضل بقا غشان عاوزه انام موافقه? ايوه موافقه ٠? واتفضل بقا بره الي يبعني عشان مصلحته عمري مشتريه ده اخر قرارك ايوه ايوه اخر زفت قراري? امرك ياست لبني ياحاج مناع .... نعم ياساجد لبني بتقلك....... انتظروا الجزء القادم من المجهول حفيدي بقلم / ماستر راقي

Free reading for new users

Scan code to download app

App Store Google Play

Facebookexpand_more