المجهول حفيدي

المجهول حفيدي الجزء الاول احيانا بتحكم عليك الظروف وحياتك ومستقبلك انك تتخلي عن حاجات كتير مهمه في حياتك الدنيا مسبتش ليك الاختيار بل اجبرتك علي شيء معين عشان توصله رغم انفك لان مينفعش تاخد كل حاجه من الدنيا من غير تضحيه مهما كلفتك الامور هتدفع الثمن لان المستقبل قدامك مفتوح وانت لسه شاب بس مستحيل انك هتجاري العادات والتقاليد ودمر كل مستقبلك الي حلمت بيه حتي في حبك اجبرت بسبب العادات والتقاليد انك تتخلي عنه ولو تمسكت بيه اصبحت ابن عاق ومطرود من كل الدنيا ويااما تنفذ رغباتهم وتسمع كلامهم وتحدد مصيرك بالمصير الي اختاروه ليك ومجبر عليه او تكون جلبت ليهم العار ليك ولابوك ولعيلتك ولو قلت لا ده مستقبلي وحياتي تبقا اسأت لتربيتك ولحياتك ولاهلك كلهم وهو ده النظام الي عايشين فيه واحيانا بيكون اهلك عندهم حق وحق كبير كمان لانهم بيفتخروا بيك وعاوزينك تكون رمز للكل حلم بيحلموه بس حلمهم ع** حلمك وده الي هنشوفه ونتابعه في قصتنا الجديده المجهول حفيدي اتمني تحوز علي اعجابكم بقلمي / الراقي تقريري صحفي فقدت جامعه شيكاغو اليوم الدكتور توماس البيرت عميد جامعه الطب والاستاذ الطبيب الجراح لعلم التشريح الذي وافته المانيه يوم امس في حادث سير ومن المحتمل ان يكون تابعا له ومسيرته الدكتور الطبيب المصري سراج مناع رئيس قسم الابحاث العلميه بالجامعه او الدكتور بيتر راؤل رئيس قسم التشريح بالجامعه ولكن كل الاحتمالات تصب في مصلحه الطبيب المصري لما بدر منه من خبرات وخصوصا انه كان نائبا للدكتور توماس وسوف نواليكم دائما بما يحدث وفي التنصيب الجديد بعد الغد كل التوفيق للجميع بابا يابابا نعم ياساجد قريت الخبر الي في الجرايد ده خبر ايه ان الدكتور توماس عميد الجامعه مات في حادثه عربيه وانهم مرشحينك تكون انت عميد الجامعه ... ايوه ياساجد قريت وكلموني امبارح من الجامعه عشان نناقش الموضوع ده ... ياااه اخيرا يابابا حلمك هيتحقق وتنفذ حلم ماما الي طول عمرها حلمت بيه قبل ما تموت ما تتخيلش انا سعيد قد ايه وفخور فعلا اني ابن لراجل زيك راجل عصامي ومكافح وبني نفسه من تحت الصفر وخصوصا اننا لوحدنا هنا مالناش اهل مالناش غيرك انت وماما الله يرحمها واختي سجي وبس ورغم كل ده حققت كل احلامك انا بحبك اوي يابابا واعتقد ان مصر كلها هتفتخر بيك اووي وهينذاع صيتك في كل مكان في العالم لانك هتكون عميد جامعه الطب بشيكاغو باميركا يااه يابابا ..... الحمد لله يابني بس كنت اتمني ان امك تكون معانا في الوقت ده بس الحمد لله علي عطيته ورضاه وكمان كنت اتمني ....... تتمني ايه يابابا تاني ولا حاجه يابني مافيش لا في يادكتور ولازم تقولي كنت تتمني مين يكون معانا في الوقت ده .... جدك مناع ياساجد كنت اتمني انه يكون معايا ويشوف الي وصلتله بمجهودي واني حققت كل المجهود ده بنفسي ولو كنت سمعت كلامه وفضلت في مصر مكنتش حققت اي حاجه من كل ده .... او ممكن تكون حققت اكتر من كده يابابا في مصر بس كل شيء نصيب بس تعرف يابابا انا عاوزك تحكيلي عن جدي مناع نفسي اعرف شكله ايه بيتعامل ازاي انا يابابا عندي اثنين وعشرين سنه ومعرفش اي حاجه عن اهلي وليه يابابا ولا مره نزلنا مصر عند اهلنا ودايما كنت كل ما اسالك او اسال ماما الله يرحمها ملقيش اجابه لاي حاجه من كلامي ده لدرجه اني دخلت علي السوشيال ميديا واتعرف علي معالم مصر وحضارتها وبفتخر اني مصري وابن مصري وكونت صدقات كتيره في مصر وخصوصا صديقي المقرب ايتش حبيب قلبي هشام وكل ما يسالني انت منين من مصر ميقليش تخيل كده يابابا بعد عمر طويل يعني لو جري لحضرتك حاجه هنروح فين احنا من بعدك لو نزلت مصر هدور علي اهلي فين مش المفروض اني انا واختي نعرف اصلنا وفصلنا الغربه مبدومش لحد يابابا ... عارف ياساجد ان كلامك كله صح بس والله يابني كل ده غصب عني ومش بمزاجي انا نفسي ابوس ايد ابويا الحاج مناع نفسي ابوس رجله نفسي اترمي في حضنه بس هو مش هيقبل بكده ولا هيفكر ولو لحظه واحده انه يسامحني علي النا عملته وجدتك سعاده احن قلب عليا وبسمتي النا افتقدها وعمتك تسنيم وعمك راشد كل دول يابني مفتقدهم عارف يعني ايه تعيش اربعه وغشرين سنه متعرفش عنهم حاجه ولا تعرف هما عايشين ولا ميتين ولا جرالهم ايه احساس صعب بس جدك ياساجد معطنيش فرصه لاني اتواصل معاهم يااما امره يتنفذ وبس او ابقي ابن عاق...... وايه السبب لكل ده يابابا انا وساجد م**مين نعرف في ايه بجد وانت لازم تحكيلنا وتعرفنا كل حاجه واظن ده حقنا نعرف اهلنا وايه الي حصل معاهم .... حاضر يابنتي انا كنت بدرس في كليه طب جامعه القاهره واحنا من صعيد مصر ابويا الحاج مناع سراج الديب كان عمدة بلدنا في سوهاج بلدنا اسمها الحاجر بلد مشهوره ومعروفه للجميع جدكم مناع كان كبير البلد دي وكلمته مسموعه علي الكبير قبل الصغير وكان بيحلم اني اكون دكتور ودخلت فعلا كليه الطب وحققتله احلامه جدك مناع قرر انه يفتح مستشفي ليا هناك في قريتنا واني امسكها واعالج الناس فيها بالمجان وانا كان طموحي اكبر من كده بكتير كان طموخي اكون دكتور مشهور وشاطر في مهنتي ولو فضلت في المستشفي الي جدك بناها هندفن بالحيا ومش هيكون ليا اي قيمه غير وسط اهل البلد حتي حبي حبيت امك ايام الدراسه كانت زميلتي في الجامعه وجدك كمان كان ليه راي في موضوع جوازي من امك اني لازم اتجوز بنت عمي سريا لان الاعراف والتقاليد بتقول كده بتقول ان مافيش بنات تتجوز برا العيله ولو رجل وحب يتجوز يتجوز من العيله عادات وتقاليد يابني وجه يوم التخرج وروحت اجيب شهاده مزاوله المهنه ووقتها كنت مقدم علي بعثه لامريكا انا وامك واتوافق عليها قررت اني اتجوز حب عمري امك ونسافر ويوم ما روحت البلد لقيت جدك دابح دبايح ومجهز كل حاجه افتتاح المستشفي وجوازي من سريا واول ما وصلت البلد الطبل والزمامير اشتغلوا وزفوني لحد البيت دخلت البيت لقيت جدك بياخدني في حضنه وفرحان بيا والمأذون موجود وكانت امك معايه وقتها جدك قلي مين دي قلتله انا عاوز اتكلم معاك علي انفراد دخلنا الدوار وقفل علينا الباب قلي اتفضل اتكلم انا سامعك قلتله ياحاج مناع انا مش عاوز اتجوز سريا بنت عمي سريا عايشه معانا في نفس البيت وعمري معتبرتها غير اختي زيها زي تسنيم ومستحيل اني اتجوزها الست الي معايه بره دي هي الي بحبها وعاوز اتجوزها وموضوع المستشفي انا لسه هكمل تعليمي خارج مصر انا مسافر امريكا ياحاج اكمل تعليمي وجي دلوقتي عشان عشان اسلم عليكم واسافر وقتها جدك وقف وقالي انت بتعصي كلامي واوامري انت مش ابني ولا اعرفك انت من دلوقتي بالنسبالي مت وهاخد عزاك لان ابتي ميصغرنيش في الوقت تمنيت لو كنت مت ومسمعتش الكلام ده من ابويا الي بحبه اكتر من نفسي وف نفس الوقت حزين اني هضيع مستقبلي وكل الي حلمت بيه في لحظه وكنت في موقف لا احسد عليه يااما اختار حب عمري ومستقبلي او اختار رضا ابويا وفي الوقت ده قررت اني اسافر واتجوز امك وان ابويا لما يشوف نجاحي بعد كده هيبقي فخور بيا وهنرجع زي زمان بس للاسف ده محصلش دخلت اسلم علي جدتك واودعها جدك طردني من البيت وقالهم بص**ح العباره انا ماليش ابن اسمه سراج ابني سراج مات انا ماليش غير تسنيم وراشد بس والفرحه الي كانت في البلد كلها بقت حزن وده كله بسبب عناد جدك وت**يمي علي اختيار حياتي بنفسي وسافرت انا وامك وعشنا هنا حياتنا كنت بتصل بجدك دايما وكنت بطمن علي جدك وعمك وعمتك وعلي سريا بنت عمي وعمي حسين وزوجته احسان لحد ما في يوم جدك سمع جدتك وهي بتكلمني شال التليفون من البيت كله وغير الرقم ولحد الان مش عارف اوصلهم ولا عارف عنهم حاجه ادي ياولادي كل الحكايه النا مخبيها عليكم من زمان ........ لدرجه دي يابابا جدي صعب كده هو عنده حق بصراحه وانت كمان عندك حق بس للاسف انكم متفهمتوش وخصوصا انك قررت كل حاجه بدون علمه ومن حقه يزعل ويدايق .... مكنش قدامي حل انت كنت متوقع لما اقل جدك اني بجهز ورق سافري كان هيوافق دكان ممكن يمنعني ادخل الامتحانات لو عرف بحاجه زي دي..... احكيلي عن جدي يابابا..... جدك زي جزع الشجره الي جدورها مده لسابع ارض راجل قوي وشجاع ريحته زي ريحة الارض الخصبه ليه هيبه ووقار مبيقبلش الحرام ولا ان حد يتظلم في وجوده بيجيب حق الضعيف والمظلوم جدك يابني هو عمود البيت والبلد كلها الي لو وقع كل حاجه هتنهار .. انتي بتبكي يابابا ليه مالك ... افتكرت جدك وافتكرت بيتنا ووحشني كل حاجه في بلدنا تعرفوا اني مشتاق اوي لبلدي ولحياتي القديمه امكم كانت بتهون عليا كتير وبعد ما راحت امكم راحت كل حاجه حلوه ومبقاش فضلي غيركم ..... روق كده يادكتور ومتخليش ذكرياتك دي تنسينا فرحتنا بيك وبمستقبلك الباهر الي العالم كله هيتكلم عنه وجدي لو عرف الخبر ده هيكون سعيد بيك... انتي بتحلمي ياسجي جدك مبينساش حاجه ولو بقيت رئيس امريكا مش هيعترف بيا ده ابويا وانا عارفه كويس...... بابا تليفونك بيرن ماشي هاتيه الو يادكتور اهلا مارجريتا انا اتصلت بيك عشان ابلغك ان بكره باذن الله هيكون تنصيب عميد الجامعه الجديد وحضرتك ليك الاولويه انك تكون انت صاحب المنتصب ده وخصوصا ان كل المؤشرات بتقول انك انت الاحق متتاخرش بكره المؤتمر الساعه اثنا عشر اوك مارجريتا شكرا ليكي عفوا يادكتور انا قامه وهامه كبيره في جامعتنا بالتوفيق شكرا جزيلا سلام ايه يادكتور نقول مب**ك .... الحمد الله ياساجد انا بقا الحق اجهز نفسي انا وسجي عشان نشرف بابانا بكره قدام العالم كله ... انتوا مشرفني يابني من غير حاجه بادابكم واخلاقكم وانكم عايشين بقالكم سنين من غير امكم ... الله يرحمها يابابا يالا بقا يابابا قوم انت ريح عشان شكلك مجهد وبكره كمان عندنا يوم شاق وصعب ولازم تاخد راحتك وكافيتك عندك حق هقوم ارتاح شويه انا بقا هقوم ادخل اكلم صاحبي اتش واقله انا منين من مصر يس يوووه انت فين يازفت مش بترد ليه هحاول تاني جرس اهو يارب يرد عليا يارب الو ياساجد عامل ايه انا كويس الحمد لله ايه مش بترد ليه لا كنت بس سايق ومعرفتش ارد عليك لا بجد محافظ انت علي التقاليد للمرور اه ملتزم اوي منا عارف انت مش ملتزم في اي حاجه ودايما عايش في فوضي يووه كل ما اتكلمني تقلي كده زهقتني في عشتي ما علينا مش انا عرفت بلدنا في مصر ده بجد اه والله بابا قالي علي بلدنا وايه هي بلدكم سوهاج من الحجر سوهاج ماشي بس ايه الحجر دي مش عارف هو قلي كده بابا تقصد الحاجر ايوه يس ههههههه طلعت صعيدي ياساجد دنتا علي كده هتبقي صعيدي فرفور اوي ههههه يعني ايه يعني الصعايده رجاله اوي وناس تمام وانت بصراحه كده منظرك ولبسك مش هتاكل معاهم خالص.. اممم طيب انا حابب اني اتعلم عادتهم ولبسهم وكل حاجه عنهم هتقدر تعلمني انا اه صعيدي بس عايش بعيد عن الصعيد من فتره بس هحاول اعلمك ماشي بريفكت يالا بقا هسيبك عشان هروح اقابل سوسو انت لسه بتشوفها بعد ما عرفت واحد تاني ياساجد سوسو دي صديقة الطلبه مش بتاعتي لوحدي انت مش فاهم ليه انا مثلا ياايتش عندي جيرل فيرند معايه مش بتعرف حد غيري ياعم انا مبسوط كده مع سوسو انت شايفني هتجوزها يالا ياعم عشان متاخرش عليها سلام سلام يااايتش انا هنام ساعتين انا كمان عشان اقوم اجهز واكون مع بابا في يوم زي ده ولازم اقف جنبه بس مش قادر انام من كتر تفكيري في جدي وحدتي وعمي وعمتي وياتري سريا دي عملت ايه بعد ما بابا سابها علي العمون انا هحاول انام غشان افوق ....... الساعه العاشره صباحا طلع ساجي وسجي وابوهم سراج من البيت وركبوا عربيتهم وراحوا لمقر المؤتمر والمل بيسلم علي دكتور سراج وكاميرات الصحافه والتليفزيون عليه وكانه انتصب عميد للجامعه قبل المؤتمر قعد قدام المنصه وعلي يمينه سجي وعلي شماله ساجد وكان في قمه سعاده وبدء المؤتمر والدكتور ادور عميد جامعه شيكاغو وصل ومعاه حراسته ودخل للمنصه وقعد وجه مظروف اليه فتحه وقال......... الساده الحضور الكرام كلنا طبعا عرفنا بالخادثه المفجعه للدكتور توماس عميد كليه الطب وتقبلنا الموضوع ده بكامل الاسي واحنا مجتمعين حاليا عشان ننصب عميد جديد للكليه وطبعا ملقناش غير الدكتور سراج مناع والدكتور بيتر راؤل هما الاحق بالمنصب ده وعليه قررت اداره جامعه شيكاغو بتنصيب الدكتور بيتر راؤل عميدا لجامعه الطب خلقا لدكتور توماس وتعيين الدكتور سراج نائبا له كمنصبه السابق سدد الرب خطاهم جميعا الكل يبارك لدكتور بيتر ... كانت صدمه علي كل الخاضرين لان الكل كان متوقع ان سراج هو الي هيكون عميد الجامعه بس ساجد كان ليه راي تاني فوقف وقال بس كلنا عارفين حضرتك ان الدكتور سراج احق حد بالمنصب ده يادكتور ادوار عندك حق فعلا هو الاحق بس الدكتور بيتر امريكي ابا عن جد والدكتور سراج مصري معاه الج*سيه الامريكيه فالاحق ابن البلد في المنصب ده واحنا بنقدر جهود والدك معانا والمنصب الي هو فيه مكنش يحلم بيه في بلده مصر نزلت الكلمات دي علي سراج وولاده كانها صاعقه يعني بعد كل الي عمله ده والعلم الي وصله بالنسبالهم مواطن درجه تانيه وميحقش ليه انه يتعامل علي انه مواطن امريكي هي دي بلد الحريات ..... بابا متزعلش من الي حصل انت اقضل منهم كلهم يابابا وان شاء الله هيعرفوا ده كويس وهيعرفوا انك افضل حد احق بالمتصب ده ساجد خد اختك وروحوا البيت وانا مخنوق شويه عاوز اتمشي مع نفسي مش هسيبك في الحاله دي ابدا مستحيل يابابا اسيبك لوحدك بليز اسمع الكلام انا كويس جدا مافيش حاجه بس صعبت عليا نفسي بس عشان خاطري لو بتحبني خد اختك وروح البيت بليز حاضر يابابا تحت امرك خد ساجد اخته وراح البيت واول ما دخل البيت لقي اتش بيرن عليه فتح وكلمه اخبارك يامان الحمد لله ياايتش مالك كده صوتك مش كويس مافيش بابا استثنوه من الجامعه عشان هو مواطن درجه تانيه ياعم ولا يهمك عادي كبر دماغك المهم ان ابوك في منصب كبير اوي هناك مت**ب فيا ثواب وابعتلي تاشيره زياره لامريكا انا بكلمك لاني قررت انزل مصر مش حابب اعيش المعاناه الي بابا عشها هنا وشافها عاوز ابني مستقبلي في بلدي انت بتقول ايه ياعم عاوز تنزل مصر وتسيب امريكا انت مجنون طيب اعرض كده علي اي حد عايش في مصر وافتح لهم بابا الهجره كده مش هتلاقي حد في مصر خالص دول غشان اغ*يا مش عارفين قيمه الوطن وقيمه بلادهم الي عايشين فيها انا مصري وبفتخر ان مصري ولو حصل معاهم موقف زي الي شفته النهارده هيتمسكوا ببلادهم اوي فاهمني انت الي فاهمه انك مجنون وبس مش مشكله انا هجز علي بعد بكره تذكره لمصر وهاجي مصر عاوزك تستناني في المطار انت بتكلم بجد اه طبعا وده فيه هزار ياايتش تمام هستناك ياساجد قلي الساعه كام هتوصل انا شفت ان في طياره هتطلع يوم السبت الساعه خامسه صباحا هتوصل مصر الساعه اثتين ونص الظهر تمام هتلاقيني مستنيك في المطار ياصاحبي شكرا ليك ياايتش سجي بابا جه من بره ... ايوه ياساجد وصل بس دخل اوضته وقفل عليه ... طيب ما تيجي نشوفه ماله ونطيب خاطره... انا خبطت عليه كتير قلي سيبوني لوحدي مش عاوز اكلم حد ...... انا هروح ادخل عليه والي يحصل يحصل تعالي معايه ...... دخل ساجد وسجي الاوضه علي ابوهم ايه يابابا مالك ياقلبي زعلان من ايه مدايقش نفسك عادي جداا الكل عارف انك انت الاحق بالمنصب ده بس هتعمل ايه للعنصريه وعشان كده يابابا لازم علمنا وكل حاجه تخصنا تكون في بلدنا مش لحد تاني ... انا عارف يابني ولما حصل ده مشفتش غير صوره جدك قدامي واتاكدت انه كان صح في كل كلامه .... رغم كل الي وصلتله ده يابابا وبتقول انه كان صح في كلامه ... الي حصل النهارده فوقني يابني وصفعه قويه خدتها علي راسي بجد .... عشان كده يابابا انا قررت اصحح الغلط الي حضرتك غلطته من سنين ولازم نرجع بلدنا مقدرش ارجغ يابني انت متعرفش جدك كويس ... مترجعش انت انا هرجع لجدي واوعدك اني هغير كتير اوي منه وهمهدلك الموضوع عشان ترجع بلدك وانت رافع راسك ..... لا الموضوع ده مرفوض متعملش كده لانك مش هتوصل لاي حل خالص واخاف عليك هناك لا لا مستخيل لا يادكتور اسمحلي انا هسافر لان لازم هيجي اليوم الي نرجع فيه بلدنا لاننا مش هنعيش عمرنا كله هنا لازم نرجع مصر ولازم نشوف اهلنا ولو حتي تودهم ونزورهم الاهل عزوه يابابا عندك حق يابني الاهل عزوه ربنا يوفقك بس توعدني انك هتخلي بالك من نفسك ولو ملقتش فايده من الي بتعمله ترجع بسرعه .... اوعدك ان شاء الله ياوالدي انتظروا الجزء القادم بقلم الراقي