NAKAALIS NA ang taxi na sinakyan ni Cheryl ngunit nakatayo pa rin siya sa harap ng gate ng malaking bahay ni Anton. Hindi pa rin niya alam kung bakit siya naroon. Pero kung magiging totoo siya sa kanyang sarili, aaminin niyang nagtungo siya roon dahil nais niyang makita si Anton. Nais niya itong makasama kahit na sandali lamang.
“Kayo po ba si Miss Arpilleda, Ma’am?” magalang na tanong sa kanya ng guwardiya.
Tumango si Cheryl. So Anton was expecting her. Ibinilin nito siguro sa guwardiya na parating siya. He presumed that she was coming over. Hindi niya alam kung ikakainis o ikatutuwa niya iyon.
Pinatuloy na siya ng guwardiya. Dumeretso na raw siya ng pasok at bukas naman ang main door. Pagpasok niya sa loob ng bahay ay kaagad niyang nadama ang pamilyaridad na dati na niyang nadama. Nap
