Nagising na lamang ako kinabukasan dahil sa sikat ng araw na tumatama sa mukha ko. Kaagad akong bumangon para i-sara ang kurtina, sino ba ang nagbukas nito? Isinara ko naman ito kagabi ah?
Hindi na ako nakatulog pa nang makita kong pasado alas-nuwebe na. Bahagya akong nag-stretching bago nagtungo sa banyo para maghilamos at mag-toothbrush.
Hindi katulad kahapon ay mas maaliwalas na ang pakiramdam ko. Tama nga ako't kailangan ko lang itulog ang sama ng pakiramdam ko kagabi. Siguro nga ay na-iistress lang ako sa mga nangyayari.
Nang makapag-ayos ako ay kaagad akong lumabas para magtungo sa kusina. Dahan-dahan ang pagkilos ko dahil ayokong magpang-abot nanaman kami ni Xian. Nakahinga ako ng maluwag nang makapagtimpla ako ng gatas na hindi siya dumadating. Gumawa na rin ako ng sandwich at d
