Nagulantang ang dalawa sa nakita. Namimilipit sa sakit ang estudyanteng nakayupyop sa isang puno na hindi maipinta ang mukha. Hawak nito ang duguang palad at sa tabi naman niya ay ang piraso ng basag na salamin na may bahid ng dugo, marahil ay iyon ang ginamit niya paglaslas sa sarili. Hindi mapakali sina Jacob at Natasha sa nakita, isa kasi sa mga kaklase nila ang estudyanteng naglaslas ngunit hindi nila maunawaan kung bakit niya ginawa ang bagay na iyon. Nangamba ang dalawa sa nakita na baka kung ano ang mangyari sa kaklase ngunit sumagi rin sa isipan ni Jacob na baka pagbintangan sila sa oras na may makakita at isiping may kagagawan sila.
"Jacob, tulungan natin siya," wika ni Natasha nang lapitan ang kaklase na tila namumutla na sa sakit.
"Ha? O...oh sige,"na
