“BREAKFAST, medicine and your schedule for the day are ready,” nakangiting sabi ni Lexie at inilapag sa mesa ang plato ng fried egg. Nakahanda na rin ang gamot nito na iinumin matapos mag-agahan at ang tablet na may nakasulat na schedule nito para sa buong araw.
Bandang alas sais ng umaga nang gumising si Aiden. Pupungas-pungas pa itong lumabas ng kuwarto habang magulo ang buhok. Mahimbing naman siyang nakatulog nang nagdaang gabi habang katabi ito. And true to his word, he stayed on his side of the bed.
Kinusot nito ang mata habang pinagmasdan siya. “Bihis ka na agad?”
Kampante siyang ngumiti. Suot na niya ang gray pencil skirt at white ruffled blouse na pinatungan lang niya ng apron. “For once, ako naman ang nauna sa inyo.” Sinalat niya ang noo ng lalaki. “Di na kayo masyadong mainit
